上海姥姥 (大埔) – 滬菜館

2:42落單，即上左酸梅汁不凍的！只可說室温。2:45分上埋鍋貼…小小微温底唔脆，㝝嘅唔好食。以為會好快上個主食等左約10分鐘只來了麵，麵係暖唔熱。配菜素鴨3:05先上。 點解食物要分開上？又唔係即整、只係見到啲有圍裙員工不停幫啲客人，但灰衫黑衫企係度撳電話同企係啲電腦位唔知做咩。 幫襯過二次上海姥姥…二次食物都一般，我唔會再幫襯

食物正常水準 服務很好，各位侍應都好有禮貌

抵食又好食的上海菜 同朋友去咗「上海佬佬」食lunch ， 有lunch set 有客🍚同跟面餐，不少款式，真系抵食又好味。 我哋叫咗兩個盒飯，客🍚包主菜×1 + 湯羹×1 ＋ 主菜 Main Dish +飲品（$92-94/客飯套餐），重可以加$ 有小籠包/醉轉彎/麻辣口水雞（輕盈版），不過見份量都唔少，我哋就冇叫。 主菜有六款選擇，湯羹有酸辣湯/雞茸粟米羹兩款選擇，飲品有有甜/無糖豆漿/酸梅湯。 叫咗黃金紅燒獅子頭同滬式蔥油雞配上海菜飯圖酸梅湯及無糖豆漿。 黄金红燒獅子頭 - 超惊喜，又两个超大狮子头，下面有小棠菜，整得好好味，獅子頭入面仲有咸蛋黄做餡好邪惡，红燒汁用嚟撈上海菜飯一齊食真係幾正。 滬式葱油雞 - 雞肉整得幾滑加埋葱油雞汁好香香葱味道，撈埋上海菜飯好match 。 酸辣湯 - 足料的酸辣湯，有筍絲、木耳絲、冬菇絲及蛋花等，味道微酸帶少少辣，幾惹味，非常醒胃。

同朋友行完山嚟食午飯，叫左生煎包，炒年糕同紅油撈麵。食物普通但服務好，坐位唔迫。價錢比一般食肆略高。

前日同老公、媽咪同姨媽一行四人去咗大埔慈山寺參觀，參觀完肚餓到飛起，馬上搭的士去返大埔中心搵食。 商場裏面人頭湧湧，去咗幾間餐廳攞飛。好好彩，我哋最想食嘅上海姥姥最快有位，仲要有得坐卡位㖭。 我哋叫咗擔擔麵配排骨、姥姥家鄉粗炒、招牌小籠包、四喜烤麩、同炸菜肉末窩窩頭。 我哋最欣賞嘅係擔擔麵，麵煮得啱啱好，軟硬適中，湯底超正，好濃郁，花生味好香，帶有少少辣好開胃。 家鄉粗炒都炒得好惹味，調味好。不過略嫌配料太少，如果加多少少蔬菜、肉絲、冬菇片嘅話，口感會更豐富。 招牌小籠包都好好食，一咬落去啲湯汁湧晒出嚟，湯汁好香，餡料都好食。 四喜烤麩調味係好食的，甜甜到好惹味，不過烤麩煮得太淋了，無咗彈性無咁好食。 炸菜肉末窩窩頭係期間限定，賣相好可愛，窩窩頭其實係炸饅頭，底下挑個窿，然後將肉碎放入去食。肉末味道不錯，不過唔係好食到有炸菜，反而芹菜味更搶。略嫌炒饅頭太油，食落去好大陣油味。