一番日本料理 – 日本餐廳

《良心性價比高元朗日式料理》 元朗呢間出咗名大大件，大件夾抵食嘅壽司，唔黎都唔知原來真係可以整到拳頭咁大！佢哋啲壽司好多種類揀，試咗佢哋嘅加拿大海膽壽司、佐口魚裙邊壽司、忌廉芝士蟹籽壽司，特別要推介佢哋個忌廉芝士蟹籽壽司！ 由於佢大大份嘅關係，咬落去啲忌廉芝士蟹籽全部係個口度爆開，超juicy！另外試咗佢哋晚市優惠大推介嘅海膽杯，好有特色，除咗海膽同埋個蝦之外，佢哋嘅海葡萄好脆，加埋一齊食落口感好爽，又甜，值得一試👍🏻 另外我哋嗌咗個鹿兒島豚肉蜆肉鍋，好足料，佢有幾款湯底選擇，我哋嗌咗泡菜湯底，滿滿一盤，唔係太辣，又食到牛肉嘅味道👅又飲到泡菜湯🤭 值得一提！佢哋嘅紙茶杯好新奇🤣🤣紙杯最底有塵膜隔住啲茶葉，一倒水落去就即刻沖到茶，呢個設計好方便🤣👍🏻 📍一番日本料理 (元朗) 元朗教育路29號地下C號舖

元朗一番日本料理真係值得一試！這間店的裝潢充滿日本風情，木質的桌椅搭配柔和的燈光，讓人一進去就感到放鬆。環境靜謐，非常適合與朋友聊天或家庭聚餐。 我這次點了冬日限定的泡菜鍋，百多元就有火鍋和刺身拼盤，食材質素非常高，真係物超所值。而且每位顧客除了可以享用飯後的糖水或雪糕外，還會獲得小禮物，這次我收到的是鎖匙扣和電子水樽，感覺老闆對生意很用心，讓客人感受到賓至如歸的氛圍。 服務方面，店員態度親切，經常主動提供幫助，還很友善地和我們聊天。總的來說，元朗一番日本料理是個非常推薦的地方，無論是食物、環境還是服務質素，都讓人感到滿意。

一番日本料理 地點：元朗教育路29號地下C號舖 今次分享一間抵食日式料理🇯🇵聽元朗朋友講，呢間舖頭出曬名性價比高一於嚟試下 大盛刺身 菜單上食物款式非常多，有選擇困難症嘅我決定直接嗌一個大盛刺身先400幾蚊有60片刺身，份量非常足，款款都係經典！有三文魚、甜蝦、希靈魚、帶子、北寄貝等等，刺身控一定明有幾幸福🥹所有刺身都好新鮮，夠鮮甜。魚刺身夠曬厚，食落好滿足！ 巨型鰻魚丼 睇相就知道份量有幾澎湃鰻魚足足有我兩隻手掌咁長呀！視覺上超震撼🤤鰻魚肉厚，刺少，皮薄煙靭，肉質鮮嫩。鰻魚汁嘅調味好惹味，配飯食一流，$88就食到呢個質素，真心推薦👍🏻店員話呢個優惠做埋今個月咋，鐘意食鰻魚嘅朋友仔唔好錯過！ 晚市堂食會送飲品同甜品，甜品根據季節而變化，冬天嘅甜品係暖笠笠嘅糖水超窩心💕今日嘅糖水係喳咋，香甜得嚟椰汁味好濃，係完美嘅收尾甜品✨

作為大西北半個地膽，都唔敢講完全了解元朗所有餐廳。而響呢個美食集中地，就有唔同既臥虎藏龍。今日路過見到呢間日本餐廳既下午茶餐相當親民，即刻入去試一試佢！ 超抵巨大吉列雞脾 $19 一上枱就見到隻雞髀大過我塊面！熱辣辣！外表揸得相當香脆，但係炸粉又唔會好厚，一咬落去依然保持到肉質鮮嫩，肉汁豐沛！最重要係表面灑左少少孜然粉，更加惹味！ 奶醬多士 $15 熱辣辣，簡單又香口！ 肥牛湯拉面 $38 湯底唔會太濃，面條軟硬岩岩好，配埋啖啖肥牛係滋味既好選擇！ 凍檸蜜 +$6 壽司 （$9-15一客） 挪威三文魚、馬刀貝、赤貝、北寄貝、象拔蚌、特長鰻魚 今次叫左不同類別既壽司，質素相當有驚喜。先講刺身，肉質彈牙，入口有鮮味，大小適中，入口岩岩好。而壽司飯亦唔會太硬，入口甜酸味道平衡！特別要講既係特長鰻魚，真係有差唔多一隻手咁長，係鰻魚迷必選！ 呢度食野環境舒服，裝潢光亮簡潔，坐落都好鬆動！最重要係性價比極高，食物水準絕不馬虎，甚至比其他更貴既餐廳做出更好既食物！

一番日本料理 (元朗) 元朗教育路29號地下C號舖 . 上星期去完日本之後返到香港已經好想食日本嘢 近近地去屋企附近一番日本料理食！ 我同女朋友都幫襯咗好多年🤣 一番日本料理係一間性價比超級高嘅餐廳！ 一坐低餐廳職員俾咗一隻紙杯我哋沖茶 超級得意隻紙杯下邊係癡住咗啲茶葉！ 非常之方便 唔會飲飲下掂到啲茶葉👍 ⋯⋯⋯⋯⋯⋯⋯⋯⋯⋯⋯⋯⋯⋯ -清酒煮蜆 蜆肉係非常之新鮮嘅！唔會有沙 味道唔會好濃 清酒味好香 啱晒我嘅口味 -珍寶赤蝦 $11就可以食到咁大隻蝦！ 仲要極度新鮮 -自家製免治雞肉串 店員同我哋講呢一個係佢哋自家製嘅雞肉串 再加埋生雞蛋撈埋一齊食好好味 -時令生蠔 講真，兩隻真係唔夠喉！啖啖肉超滿足 -黑松露醬炒雜菜 女朋友至愛嘅黑松露！ ⋯⋯⋯⋯⋯⋯⋯⋯⋯⋯⋯⋯⋯⋯ 壽司我哋叫咗～～～～ -三文魚壽司 -油甘魚壽司 兩款魚刺身都相當新鮮！ -松葉蟹膏壽司 蟹膏超級香！而且好有鮮味！ -帶子壽司 厚切帶子超級滿足 -火焰壽司拼盤六件（仿蟹柳·三文魚·左口魚裙邊· 帶子壽司·芝士甜蝦·吞拿魚） 每次去食日本料理一定叫火炙壽司！ 因為所有刺身變得好似入口即溶👍 晚餐仲贈送指定飲品同甜品非常滿足嘅一餐！