鮨生賢 – 壽司店

呢間江戶前東京派壽司店開左半年左右，如果想食一定要預約架，因為平時都 full booking，所以walk in 係唔接受架。 Omakase 廚師發辦近年黎係香港越來越流行，單是灣仔，銅鑼灣，天后既omakase餐廳也越開越多。點解咁流行？可能因為由主廚決定用餐的菜單，有不知有什麼食既神秘感同驚喜感。此外，omakase的菜式均以較珍貴及最新鮮的食材為主，菜式通常包括刺身、壽司、熟食、甜品等，超級豐富。呢間店屬於傳統既omakase，全部食材預備及制作均由ken師父一手包辦，認真的與眾不同。 第一道上既係北海道珍蠔，日本第二大蠔，加左d酸汁，用湯浸熟蠔表面，好爽同鮮甜。 小食是柚子蘿蔔，由師傅自己醃漬，口感爽脆清新。 白蝦刺身一碟大概20-30隻蝦，全部師傅親手剝殼，由於蝦細隻，是超考功夫的 加上秘制醬汁-酒盜，因此令蝦帶出超級的鮮甜，另外醬汁亦加上了蝦膏。 筋籽，是新鮮三文魚籽，一年一次，是年尾季節性食材。 平政魚腩位，比油甘魚更高一級，脂肪位超級肥美，但肉質出奇地比較結實。 炙燒地黑陸，是深海魚也是高級食材，肉質爽而味道實在，食得出是魚味濃郁熟成魚。師父用手拍一拍，等神經放鬆，讓魚味更出，皮好香所以燒過會超香。 日本新鮮豆腐皮，入口軟滑 鱈魚白籽加燒昆布，師父將佢地貼在一起，讓魚香味更出。 紫菜夾北海道馬糞海膽帶子三文治，即制馬上食，秋山出品既海膽，甜而不膩。 日本黑鮑，聽聞整個的尺寸好似拳頭咁大隻！以為咁大隻會好硬啦，點知完全不會，反而好淋好入味，師父手勢絕對一流。 安康魚肝，師父介紹越橙色越正越好食，因為橙色係肝既油份，會好似滑豆腐般滑，入口回甘完全唔會腥，配埋個汁酸酸地幾開胃，連我本身唔好魚奸都完全唔抗拒。 春姜是師傅親自醃漬 昆布漬左口魚，肉質好彈牙 赤貝好厚肉，即整即食鮮味十足 寒鰤是冬天食材，紡錘鰤好罕有，本身油份高，質地似bb皮膚咁幼滑 皮剝魚，魚肝是精華，滑似豆腐花 秋刀魚爽中帶甜，想像唔到的肥美。 牡丹蝦配白蝦及蝦膏，色香味鮮。 師父介紹這是比較少見的野生toro，睇落外表似雲石咬落質感比平時的更有口感。 熟成赤身醬油漬，有梅的味道，質感好似jelly般柔軟。 秋山赤海膽，甜中有鮮，幸福之味 丸秀海膽，鮮甜之中竟然食出生果味道，好特別。 文蛤味噌湯，濃味而不咸。 吞拿魚蓉卷紫蘇葉，火燒吞拿魚油，師父製作時似在變魔術。 最後上的甜品是抹茶芝士蛋糕，紅豆雪米茲，也是師父自己製作，高級水準。

好耐都冇食過令人感動既omakase了，個人認為omakase除左食物本身既質素之外，師傅的料理手法、餐廳比人既氛圍都係好重要的🥰而呢間餐廳比我既感覺真係好出色 一上到樓，門口的竹及紅色布廉已帶給人神秘想探索的感覺入到去亦令人大為滿意，木色的配搭雖然低調不奢華，但仍可感受到日本🇯🇵傳統餐廳高級的氛圍 這裏的壽司師傅正正就是江戶前派，師傅由學徒到出師往往都需要十幾年以上，同現今講求速成既社會真是完全兩種概念師傅每日都用大量時間作出準備，包括選料、熟成、醃漬。第一次試江戶前的高級壽司，心情是緊張的 首先是前菜北海道真蠔。這種蠔係日本第二大的蠔 ，食落鮮甜無比，而且肉質較爽滑。 第二道是白蝦，作為全世界最幼細的刺身蝦，當然越細就越鮮甜，咬落非常綿密，加上師傅秘制醬汁酒盜，一種感覺有少少蝦膏味的醬汁，每一口鮮味都涌曬出黎，好正！ 第三道菜是筋籽，遮係新鮮的三文魚籽，一年只有一次，係年尾先會有架！平時我地食開既三文魚籽都係急凍的，味道同新鮮的好大差別。這款有筋黏住，食落質感特別🤔 之後就輪到刺身❤️平政魚腩，炙燒地黑陸，兩款都是高級食材，平常壽司店是吃不到的。 食完兩款刺身，就上了日本新鮮豆腐皮。沒有調味，但質感很滑，豆味很重 這道鱈魚白籽實在令人感動。可能曾同燒昆布一同醃漬，平常的腥味完全沒有了！香燒味加上柔滑無比的質感，真係無懈可擊，師傅處理手法認真犀利🥰 跟住就係北海道馬糞海膽帶子三文治，海膽好甜 ，帶子味道濃郁肥美🤤 煮物是日本黑鮑，安康魚肝。鮑魚柔軟，安康魚肝完全唔腥 ，處理得很好。 跟住是壽司琳琅滿目的品種真係令我大開眼界！昆布漬左口魚、赤貝、寒鰤、皮剝魚、秋刀魚、白蝦牡丹蝦、野生toro、熟成赤身醬油漬。每一款都好好食，味道鮮甜甘香，完全係時令魚先可以做到其中最令我驚喜係赤身，比起香港人鍾意既大toro，赤身一直是受到忽略的存在。但經師傅處理後的赤身竟然不輸toro，質感柔軟，魚味濃郁 食完刺身之後竟然係海膽大放出全部客人一齊大叫師傅比多d，師傅竟然真係比左幾多比我地🤣🤣今晚食左秋山赤海膽同丸秀海膽，兩款都無敵鮮甜！丸秀甚至有荔枝味，之前完全冇食過呢類海膽👍🏻 之後飲返碗文蛤味噌湯暖下胃，真係好飽..點知之後仲有手卷- 吞拿魚蓉卷！師傅把吞拿魚脂肪燒出魚油，令手卷有超級香的魚脂味 最後食埋甜品，名古屋芒果雪糕及熊本士多啤梨..真係好滿足

難忘的生日晚餐 - 男朋友生日大哂❤️ 知佢鍾意食日本菜，我揀左依一間家姐推介既日本餐廳。每次食omakase 都會有種幸福滿足既感動，更何況今次係同親愛的男友，值得好好記下今晚美味的一餐。到達餐廳後，職員十分親切地安排座位及奉上熱茶。可以近距離看著師傳為我們弄製食材，有一種莫名的治癒感覺。 而且餐廳木系色調的裝潢簡潔，燈光柔和，給人一種舒服的感覺。 - 「Omakase」另一特色就是不問菜單，不問做法，吃出驚喜。同時亦是我們對師傳一份信任。 - 先來前菜四點，職員每樣都作介紹讓我們認識食材。 四款料理有品嚐的先後次序。 鮮紅的果茄十分鮮甜爆汁； 湯菜是用上新鮮豆腐去弄製；豆漿上面凝結成一層腐皮。豆香特別濃； 青瓜海蜇口感爽彈，加上芝麻更香口； 黑倍貝是季節性限定的一款食材，口感煙韌爽脆 - 吃罷那麼精美的前菜，令人更期待緊接著的每道佳餚。 刺身料理 還是第一次品嚐「魴鮄魚 」，香港較為少見。魚身幼嫩，但口感偏扎實，配上酸汁香蔥，多層次的味道，好吃到令人心神仿佛 - 夏天的「深海池魚」最為肥美當造，以清、甜、爽見稱的，而其味道比一般的池魚更鮮甜，肉質爽更滑肥美。 - 接著是「伊左目魚」，油脂豐富和口感彈性十足；魚皮經火炙後略帶香氣。 - 嘩！是最愛的生蠔「北海道真蠔」巨大得令人興奮及吃得過癮。肉厚爽滑，亦挺creamy ;餘韻鮮味細膩。 - 「真鯛白子」是春夏季節性限定的料理，同樣矜貴。別看它外貌特別，其實質感柔滑順口，味道鮮甜豐腴。口感就像豆腐一樣，又滑又軟綿，好creamy呢。 - 平時比較常吃的「牡丹蝦」，味道除了鮮甜外，更特別之處是用了兩隻蝦頭的蝦膏作調味 - 再來是經配漬的「煮鮑魚」及「煮深海八爪魚」🐙，味道鮮甜，不韌好咬。 - 吃罷一輪刺身，接著就到壽司🍣 每款手握壽司以肥小而稍帶甜味的日本形珠米所煮成的醋飯，再搭上新鮮刺身，款款令人回味至今。 第一款「平貝」，味道有點像帆立貝，但口感比其更鮮爽。 - 第二款是微微炙過的「金目鯛」帶少許焦香味， 魚身肥厚帶淡淡甜香 - 第三款是「赤貝壽司 」，肉質爽脆鮮軟細嫩，帶有濃厚獨特的海洋氣息 - 第四款是「石鯛」，白亮結實的魚肉，軟嫩彈牙。 - 第五款是「白飯魚壽司」，幼細的白飯魚質感挺嫩滑爽口。 - 第六款是「鯖魚 」，初時有點怕靖魚會有很重的魚腥，師傅加了調製過的薑，味鮮不腥。 - 第七款是「小肌」，名字很特別。是東京江戶前代表作之一。 小肌魚準備的工序繁複，要切片、去骨、洗醃等，很考師傅的功夫。其肉質鮮嫩，味帶醋酸，確實不錯。 - 原來「白蝦」是全世界最幼細既刺身蝦 ；這件壽司用上20-30 隻白蝦弄製。 口感扎實、蝦味濃郁 - 第九款是無敵「大拖羅」，雪花紋理清晰，脂香豐腴，入口溶化極尚口感。 - 十全十美的第十款是「馬糞海膽」；入口即化，底蘊甘甜，伴隨鹹鮮海味。 - 吃罷海膽後，就奉上熱騰騰的味噌湯。雖然是同樣的海帶、魚干、味噌，但加入了三種鮮魚，有目鱆、平鯖及笠子，令湯底相當鮮甜，細緻的風味。 - 最後是壓軸的卷物，「香蔥拖羅蓉手卷」，滿滿嘅拖羅蓉入口即化，魚油香味十足，比拖羅還要強烈。大滿足！ - 最後當然是甜品，自家製「紅豆抹茶雪糕」，為這頓晚餐劃上完美的句號 - P.S 餐廳的綠茶亦很甘香，是自家調製，清膩又解渴。 很喜歡這間的Omakase 料理❤️食材高質配上師傅的用心製作，令人難忘。

📍食在灣仔 - 沒齒難忘的正宗壽司 💎CP值: 🌕🌕🌕🌕🌑 ——————————————————— 今日同男朋友黎到利東街旁的百旺都中心食廚師發板。餐廳環境乾淨簡潔，裝橫設計恍如置身日本壽司餐廳。晚市只接人侍最多10個客人，亦即係只限坐bar枱，原因係希望同每一位客人都有互動，並提供做好質素既壽司比客人食🥰。 - 東京江戶前正宗傳統壽司 📌十八款 💰1580 🔻白蝦伴酒盗 以酒盗的濃去襯托白蝦的淡，白蝦帶有昆布香，入口鮮味滿溢，口感柔軟。 - 柚子蘿蔔 - 🔻新鮮三文魚籽 (甘籽） 平時食既一粒粒好分明，而呢款新鮮三文魚籽就係粘埋一齊既，鮮豔的橘色，充滿海味、鹹甜交織的卵汁。 - 🔻北海道真蠔 好新鮮肥美，海水味尤其濃，鮮味十足，肉質厚而滑，一啖過食好爽。 - 🔻火槍燒金目鯛（腩位） 肉質呈粉紅色， 肉質細緻柔軟，味道鮮美，油脂適中。 - ✨🔻纺綞鰤 第一次食紡綞鰤，師傅就係鰤魚中等級最高，極為稀有，更就客人是常打來問今日有冇紡綞鰤，真係可遇不可求🤣。肉質甘甜，魚味香濃卻不腥、富有油滑幼細質感，確實好食。 - ✨🔻烏頭白子 昆布燒白子，一口即溶，比豆腐更軟滑。 - 🔻燒帶子夾海膽 帶子呈半生熟，肉身飽滿，香淋易咬，夾著滿滿的北海道馬糞海膽，極其滋味。 - 🔻深海八爪魚 好香濃八爪魚味，帶有清清海水味，味道新鮮，口感香淋。 - 🔻鮟鱇魚肝 有「海底鵝肝」之稱。能見到輕輕的橙色，代表新鮮。膏腴肥厚，口感綿綿，入口即溶，完全冇腥味。配秘製醋汁食，酸甜味好夾。 - 🔻鮑魚 師傳秘製既鮑魚，相當香淋入味，帶少少爽口彈牙 。 - 🔻湯葉 湯葉亦即係新鮮豆腐皮，有清香既豆香味，口感幼滑 - 🔶壽司 🔻新鮮銀雪魚 本時食燒銀鱈魚，新鮮刺身第一次食。肉質相對結實，爽口嫩滑。 - 🔻赤貝 新鮮赤貝，師父放上碟仲有一絲蠢蠢欲動，肉質厚而爽口，好。 - 🔻剝皮魚 肉質爽彈帶點韌性，味道清甜，上面係剝皮魚肝，較為膩口，配刺身食一流。 - 🔻 喜知次 海中紅寶石，肥美副油脂，有一定膠質，嫩滑細膩。 - 🔻秋刀魚 肉質彈牙，清爽帶油香，味道鮮甜，魚味濃郁。 - 💎野生熟成拖羅 平時食開既推羅大部分都係養殖拖羅，而呢款野生拖羅，肉色較深，熟成工序繁複費事。 頸位口感好似和牛，帶有油脂，入口易溶；腩位口感會爽口少少，肉質較韌；赤身雖冇脂肪，但肌肉含量高，係食吞拿魚本身肉味，香濃鮮嫩。 - 💎3款馬冀海膽 感覺今天好有口福，可以食到三種唔同層次和口感的海膽。 第一種海膽味重d，係平時omakase 食開的款式；第二種食落口會有微甘香，係三款入面最甜的；第三種可以話係海膽中最為頂級的，會有蛋黃味，食落口回甘度最高。好想呢種味道停係口腔內d! - 🔻蜆湯 兩隻大大的蜆在上面，可以看見蜆肉飽滿，味道鮮甜。 - 🔻手卷 ： 拖羅魚蓉手卷 入面有三款部位既拖羅，然後整成魚蓉，再加入芝麻、香蔥、飯等秘製配料放入長方形設計的手卷，由頭到尾都可以吃到拖羅魚蓉，口感豐富，層次分明，推羅既魚香甘味充斥在整個口腔。 - 🔻甜品：芒果雪糕+熊本草莓🍓 原來芒果味同草莓味係咁夾🧐，草莓鮮甜清香，同芒果雪糕係絕配呀。 - ✨ 個人認為今餐係物超所值，能夠好幸運地食到多款可遇不可求既魚類品種、以及新鮮野生刺身，實在係用料上勝，師傅手藝一流，做法認真、執著。老闆娘非常有禮，無論斟茶，還是幫我們遞上食物，都會說唔該/多謝晒，搞到我哋受竉若驚（當然我地都好有禮🥰）

神秘日式料理 不是朋友介紹，根本不會知道有這間灣仔超優質日式料理 - 鮨生賢。 但原來地理位置十分方便，在灣仔地鐵站D出口，步行1-2分鐘便可地達。 店內環境亮麗整潔，一邊是吧枱可細看廚師的精湛制作過程；另一邊設有卡位，方便聊天傾下計。 一入去充滿壽司醋香味，環境寧靜，還播放著休閑的日本音樂。 剛巧被安排了吧枱位置，看到連廚房制作的地方都非常整潔，沒有多餘的物品，貫徹日式料理店的簡樸而實的風格。 先來了沙律/湯葉 沙律翠綠爽甜，好fresh，加添了車厘茄、秋葵，以及沙律的最佳伙伴芝麻醬，吃起來味道濃厚，越食越開胃。 湯葉 利用新鮮豆腐皮制成，豆味香濃；吞拿魚魚粒蒸煮後，仍然魚味濃郁，爽口彈牙。 茶碗蒸 當中有香菇、鳴門卷、雞肉、白果、真鯛，味道清甜、彈牙，鮮嫩滑口。 刺身定食 (因點了廚師發板，所以都不知當中吃什麼，廚師會因應當日的時令刺身，從而制作我的刺身定食(如有不吃的，可跟廚師說明便可)，總有點期待及神秘的感覺...) 刺身定食 - 鮮蝦、拖羅、帶子、鏗魚、真目鯛、鯛魚。 鮮蝦味道鮮甜且彈牙； 拖羅油脂爆棚，入口即溶、香味十足（後來得知原來採用野生拖羅，所以較平常吃到的更富油香)； 帶子非常飽滿，味道鮮甜； 鏗魚皮經微微火炙，外皮香脆、魚肉脂肪卻十分細膩結實，味道鮮美十足。 真目鯛肉質厚身而爽口，極其鮮味； 鯛魚較淋身，但魚味濃郁，入口軟滑。 配上米飯，真是絕配。 但刺身真的是太美味了，忍不住吃完了刺身餘下了點點米飯，師傅見到都忍不住給了我點點的掃羅魚蓉/蝦膏給我，十分貼心。 小烏冬 不要小看這小烏冬，其口感彈牙，非常軟滑，原本吃到飽飽也忍不住把這碗小烏冬全吃掉了。 麵豉湯 麵鼓湯都絕不普通，熱辣辣的湯、配上非常足料的配料(整整一大塊的深海池魚、而且還非常嫩滑)，味道又不會太濃，令整個人都醒神過來。 北海道十勝紅豆配上自家制紅豆Mochi 紅豆制作至起沙狀態香甜綿密，配上自家制紅豆Mochi 外皮軟腍，像雪米糯般，口感彈牙煙韌，為這一餐畫上完美的句號。