餃撚店 Dumpling Land – 餃子店

永不會飽日記 📔 探店香港篇章-土瓜灣地道煎餅推介餃撚店 📍馬頭圍道187號地下2至4 號舖 餃撚店，絕對係平靚正之選！ o 爆汁牛肉煎餅 一煎得金黃酥脆嘅餅皮，包裹住滿滿嘅牛肉餡料。咬落去，真係「爆汁」！牛肉鮮嫩多汁，肉汁喺口腔爆發，令人回味無窮。餅皮薄而香脆，同豐富嘅餡料形成完美對比，口感一流！ 推薦：⭐⭐⭐⭐⭐ o 沙嗲牛肉麵 湯底絕對係亮點，沙嗲味超級濃郁，惹味，令人食到停唔到口！可惜麵質唔夠彈牙，略為失色，但整體而言依然係一碗令人滿足嘅沙嗲牛肉麵。 推薦：⭐⭐⭐⭐ o 蘿蔔煎餅 同樣令人驚喜，超爆足料嘅蘿蔔絲，清甜爽口，完全冇苦澀味。煎餅外皮香脆，內裡軟糯，配上清甜嘅蘿蔔絲，口感豐富！ 推薦：⭐⭐⭐⭐ o 花雕醉雞汁小籠包 另一款必試之選！一咬開，濃郁嘅花雕酒香撲鼻而來，雞肉鮮嫩多汁，湯汁豐富，令人食指大動。雖然皮不算最薄，但依然係皮薄餡靚，絕對值得一試！ 推薦：⭐⭐⭐⭐ 總括而言，食物質素高，價錢親民，絕對係土瓜灣嘅隱世美食！如果你係煎餅愛好者，或者想試下地道港式小食，呢度絕對係你嘅不二之選！ 推薦指數：⭐⭐⭐⭐ 除咗以上推介，聽說餃子都值得一試！

今日老婆放假，我就同老波黎左土瓜灣拍拖，我地兩個都好鐘意食餃子，之前一直都好想試餃撚店，今次終於有機會黎土瓜灣試下餃撚店既餃子好唔好食。我地午餐時間黎，呢個時間有一人餐4隻餃子配麵，又或者可以叫8隻餃子，跟一個小食同一杯飲品，餃子店既套餐黎講係幾多野食。我地試左呢到既四款湯餃子，分別係香菇木耳豬肉餃、鎮店韭菜豬肉餃、粟米豬肉餃、超級芫茜豬肉餃，另外再加4隻煎鎮店韭菜豬肉餃。四款餃子入面，我同老婆都係最鐘意韭菜豬肉餃，我自己就鐘意湯餃，老婆就比較鐘意煎餃。見到餃撚店將韭菜豬肉餃做鎮店韭菜豬肉餃絕對無改錯名，真係好好食，下次再黎食其他餃子。

非常有誠意嘅餃子店🥟！ 芫茜豬肉餃︰芫茜真係食得出係新鮮，因為茜味好重豬肉都係，一啲都唔梅，餃子皮係正常厚度。 擔擔麵︰個人覺得擔擔麵係呢餐入面最好食，超重口味嘅人必試🌶️因為勁花生及蒜味，而且個擔擔麵湯底係超、級、杰！所以係好完美咁掛晒落上海麵度，不過一個人食會有少少漏㗎，最好搵多一個人Share食。 秘製乾撈︰將炸到黑晒嘅蔥段放入麵入面，香到癲，不過汁會愈食愈甜，唔係好啱我口味🍜 芝士煙肉餃︰都係要有Quota先食得，半溶芝士幾乎填滿晒隻餃，加上佢得煎餃選擇，係非常邪惡的🧀 閒日收工過嚟食，可能要等10-15分鐘左右，同埋嘢食準備嘅時間都相對耐少少⏳另外冷氣開得有點大，所以嘢食會比較快凍……❄️

食物質素唔錯，係羊肉餃的孜然味太勁，其他餃都好好食

楚撚記大排檔小菜早已闖出名堂，團隊新推出副線餃撚掂 Dumpling Land 價錢親民又保持到高質素，真材實料好抵讚 👏🏻 鎮店手工煎餅果然好掂，香煎蝦米韭菜餅 ($28/2)煎到金黃，脆卜卜一咬開啲汁咇咗去隔籬檯（尷），好彩無彈到人 🤦🏽‍♀️ 第二啖又嚟，今次噴到對面個 friend 韭菜餡翠綠爽脆，食材夠新鮮，加埋蝦鮮味勁好食 記住小心爆汁唔好辣親 🤪💦 愛茜之人點可以錯過超級芫茜豬肉餃 ($23/4)，餃子皮薄有彈性，一個字夠「茜」！🌿 餡料用上大量芫茜，鮮味滿瀉十分 Juicy，在座都大讚好食，鍾意食茜嘅一定要嗌 🤤 椰香荔芋臘味煲就食得多，呢味餸做成餃子餡真係第一次試，原創椰香荔芋臘腸香菇餃 ($29/4) 好有特色，粉糯芋頭粒加入椰奶烹煮，臘味香突出，傳統又創新嘅味道值得一試！ 椒麻口水單骨雞翼用上麻辣紅油及麻醬涼拌，麻而不辣 bb 辣嘅朋友都食到，灑上花生碎更香口 🥜 小籠包注入肉骨茶，外皮透薄，豐盈湯汁噴湧而出，馬拉式中藥味較重食落好養生～下次想試埋麻辣小籠包，相信都係一樣咁正 💰 $100 p.p. 📍 餃撚店 土瓜灣馬頭圍道187號地下2及4號舖