茶點 – 台灣餐廳

1年冇食翻你試下點知可以變到咁過分 叫咗炸豬排米線 份量又細，湯底又咸，米線又硬，食兩淡已經食完 炸豬排炸起直接上俾你又油又咸 最過分係個楊枝甘露，你用粉沖都算 起碼個杯嘢d粉唔好一舊舊‍↔️ 你叫人點飲 70蚊買個咁差嘅體驗🏻

野食正常，所以先encore, 點知外賣送到嚟啲湯冇哂， 因為個碗裂左（如片） 外送公司肯送番個湯過嚟 但餐廳負責人死撐話唔關佢哋事 態度晦氣又惡劣 仲抵賴係車手跌過落地所以個碗裂左 但我哋嗌左幾碗湯麵， 得呢碗係漏湯裂碗 其實件事已經發生左 我哋只係想要番碗湯， 又唔使餐廳送番過嚟， 態度使唔使咁差？ 以後唔會再叫，祝茶點好生意！

三個人等20分鐘左右先有位，分開拎飛會比較快，舖位細位置唔多，仲要用一張檯擺外賣。 蟲草花手撕雞湯麵同炸豬排湯麵湯底鹹度異常，麵條偏軟，炸豬排肉質普遍炸得偏乾，炸起無隔油所以偏油膩。 麻辣手撕雞冷麵既手撕雞調味同樣鹹到令人咳，麵身相反冇味，可能係諗住材料互相中和下？ 冷麵麵質比湯麵既麵有咬口。 椒鹽豆腐炸得幾好，外脆內軟，味道帶普通豆腐味。 炸花枝丸（？）外表炸得偏憹，但係食落唔脆 。 嘢飲無咩特別，埋單$229，性價算高，但係調味有好大進步空間，聽聞平日少人既時候會好食啲。

大埔這間台式餐廳茶點雖然名氣未必及坊間其他過江龍，但開業多年不時經過都大排長龍，相信對於不少街坊而言都是區內台灣菜的不二之選。 食物方面以各款肉燥粉麵及飯為主，另外亦有一些台式小食及飲品，價錢均相當親民。值得一提的是雖然外賣自取，但外面天氣炎熱店員依然安排我入內就座選餐及等待，服務態度一流。 酥炸豬扒肉燥飯 ($58) 大件厚切豬扒份量十足，另外配以半隻滷水蛋，豬扒外層酥脆而炸漿亦不會過厚，肉燥香濃拌飯一流。 跟餐可以優惠價加配一款小食，花枝丸 ($32) 則只要另加$28，口感彈牙加上蜜糖鹹甜交錯竟出乎意外地相襯。 另外再點了炸魚手指 ($32) 及炸豆腐 ($20)，同樣即點即炸外脆內軟。 每款主食原來亦已包括一杯價值$20的飲品，其他特飲只需補回差價，芒果牛奶 ($28) 亦只需另加$8，味道屬預期之內但實在物超所值。

-鋪面較細，很快滿座。12點半左右要等位。 -麵線幾煙un，個湯底亦唔係一般清湯，好飲。 -略嫌麵既份量有啲小，成人黎講只係岩岩好夠飽。 -鹽焗雞絲雞肉嫩滑。但雞翼口啲肉有點硬。 -大推炸雞扒，啖啖肉，又香口，好食！ -珍珠就時好食時唔好食。 -冬瓜檸檬綠茶味道一般般。 -青蘋果綠茶隻味好怪... -黑糖仙草奶茶好食，不過略嫌有啲甜。 *飲品時不時換包裝。