肥仔記麵食 – 中式麵食店

午餐。 好耐冇食荃灣肥仔記。 雙拼33元一碗，雙拼可以加一元就有多一杯豆漿。 河粉和餸份量十足，如果點麵的話份量是比較少。 推薦牛筋牛腩牛肚豬手。 加10元有埋油菜一大碟。 還想試它的鵝腸和魚肉春卷滑牛。 這裡的品質味道份量對得住價錢有餘，食完順路去街市。

1 鮮牛肉米線 $28 牛肉有7舊, 醃到淋哂, 好彩有一兩舊食落有D口感, 不過實在太重口味,好咸, 湯喺大地魚湯, 個湯唔會淡到好似水, OK好飲! 米線正常唔會太淋 總括黎講食物質素中上 注意鋪頭裡面嘅椅都好迫, 路亦都好窄 2 招牌雲吞牛筋米線 $33 + 凍豆漿一杯 +$1 隔左好幾個月, 我而家先發現到其實真係幾抵食 招牌雲吞嘅蝦大大隻好爽口, 唔會太霉 牛筋係我鍾意嘅口感, 唔會太膠, 幾乎一撳即散 大地魚湯可以突出到海鮮嘅鮮味 凍豆漿只係+$1, 我都已經唔在乎佢有冇豆味 只要唔係糖水好似飲緊糖水咁就可以接受 下次會試下佢嘅肥牛或者喺其他小食!

食過香港仔個間，乾淨，同一樣既魚皮餃牛根撈。荃灣呢間可以講難食好難食，主打黎飲啖地仔湯，因為香港無乜地方有，個湯油到PK，似個碗未Q洗乾淨，所以咁油。個撈粗淥麵到爛晒，D牛根完全唔入味，D牛根腩汁水汪汪，好心咪Q加呢D所謂「汁」落碗麵到啦！ 成碗野出嚟唔知係撈面定湯面。 如果唔係有碗地仔味既湯，其他食材真係好差。

相信喺香港🇭🇰食一碗雲吞麵🍜可以有好多選擇，但係可以食到咁平嘅雲吞麵真係好少何。 今日慕名而來，就係想食到佢嘅平價🫶🏻招牌雲吞麵，盛惠$27。 希望可以食到又平又正嘅雲吞麵✨ 除咗粉面之外，都有飯🍚食。多款選擇，走過路過，不要錯過✌️ 【食後感】📝 ✔️麵條吃起來口感很紮實，又有彈性🫰 ✔️🍲湯係濃郁，而且好清 ✔️雲吞大而飽滿有蝦子味🦐 ✔️雲吞皮又薄又滑👍 ✔️蝦肉比例均勻🐷 ✔️環境唔錯，食飽就走 ✨全日粉麵$27，真係要推介

見肥仔記厨窗貼了很多麵食配搭圖片，單拼$27，双拼$33及+$1送埋豆漿，真係很抵，於是進店幫襯。 我叫了牛肚拼雲吞米線+豆漿$34，吃著都並不覺好吃，湯底又咸又濃味又有辣味，的牛肚碎陰陰，雲吞尚可，但啲餸都被的湯底攪到得一種咸辣味，並不好吃。 原來肥仔記並不像其他牛雜店的做法，不是即切牛雜料，是預先煮好在熱窩內浸煮著，到客人落單就抔出來，所以的食材很碎陰陰和死咸辣味，食到喉嚨很不適，要飲大量水來援解。 肥仔記是我食過最難吃的牛雜麵食，勝在平少少來吸引客人，但事實並不好吃！ 啲女店員說話大聲大氣，家鄉話滔滔不絕，都好令人有煩擾感覺。 平價但食材湯底完全唔掂呀！ 一次性幫襯，不值推介。