秋香 – 現代居酒屋

＜秋香＞一個為人熟悉的名字，是一間帶點玩味而懷舊居酒屋，牆上寫著［別人笑我太瘋癲我笑他人看不穿］令人不禁諗起星爺嘅唐伯虎點秋香嘅經典金句 一睇就知道店主是好玩得之人店主好客又熱情，人情味小店，下次再來食嘢飲酒傾計🥰 5月店主搞搞新意思，將電影經典變成杯中物，搵嚟香港冠軍女調酒師Adela 幕後操刀，設計出7款以經典場面命名嘅Cocktails。今次我先試主角唐伯虎同秋香先 🔸️含笑半步釘-唐伯虎 用蜜糖川貝桔梗琴酒調出口甜舌滑又帶微甘苦嘅口味🤪 🔸️賞花賞月賞-秋香 用巨峰紫蘇冧酒帶出紫蘇獨特嘅香味及淡淡甜味🥰 🔸️汝家池塘多蝦魷配酸種包 🔸️鹽燒白鱔煲仔飯 ⭐️必食⭐️ 厚切鱔片啖啖肉 肉質爽脆肥美，燒得香口，喜歡白鱔的必叫! 🔸️雞皮餃子 🔸️手羽先串燒 🔸️日本辣魷魚串

上星期五晚約咗朋友喺呢度食飯 係我住附近嘅一個朋友介紹話呢度好食 我哋冇book位 原來呢間嘢都幾爆 店員話我哋最好book位 店員態度都好親切嘅 揭開餐牌發現嘢食都偏貴 最後我哋點咗個二人餐 其實所有食嘢食嘅味道都係ok嘅 食物只不過係一啲普通嘅炸物同埋串燒 加埋杯啤酒埋單要八百幾蚊就真係貴咗啲 餐入面嘅我哋揀咗個鰻魚煲仔飯 味道可以啦 普普通通 但係原來單點要成二百蚊 我覺得真係有啲overprice 除咗價格其實所有嘢都合格嘅

入口唔起眼，入到去座位舒服，服務唔錯。 二人餐前菜五色沙律味道較淡，味噌味道唔濃。燒蠔蠔肉幾鮮甜，調味就相對一般。 炸物拼盤有蟲，應該係隱藏喺沙律菜入面，好在都好快換一碟新既。炸魷魚味道同樣新鮮，單骨雞翅就冇特別調味，食落比較寡。 串燒全餐味道較好，尤其牛肉肉質適中，中間帶肉香同肉汁，建議可以燒既時候同較大火，保持肉質口感而令外皮更加香脆。 白鱔煲仔飯調味淡薄，味道唔香，感覺白鱔同飯完全分開煮，唔香易膩。甜品味道一般，全部加埋野飲一共850左右。

好出色嘅隱世居酒屋，每樣食物都有心機，擺盤又靚，實在有驚喜 免治雞肉棒外形似牛角包，外脆內多汁，夠厚身唔會dry 串燒同白鱔煲仔飯都好正

鬧市中的寧靜🌴｜懷舊輕奢風🍹🍶 🌸秋香🌸 難得假日，一於同豬仔嚟到屯門好出名既fusion日式居酒屋，充滿着日式懷舊風🏮入到嚟遠離繁囂，恍如置身時光隧道🤗牆身以粉紅色配上粉藍色嘅瓷磚，遠處望過去別樹一格，好獨特🥰餐廳有室內及室外位置，好寫意🌴 一入到餐廳已經見到一句香港人好熟悉嘅台詞「別人笑我太瘋癲我笑他人看不穿」既毛筆字，充滿玩味嘅感覺🤣裝修風格較復古，打卡一流🤩哩家餐廳嘅煲仔飯好出名，一於試吓佢 🌴午餐時段，餐廳提供「CHILL住食套餐」包括前菜、餐湯及汽水，特飲+$15 前菜係微辣鱈魚卵子，一咬下去好脆好彈口，「啪卜啪卜」聲在口腔內爆發，好有趣又好味🤣味道咸咸海水味又帶微微辣度，仲有好鮮鱈魚卵味，好開胃 餐湯係粟米蓉忌廉湯，粟米味道好濃郁，好綿密既口感，賣相仲好靚🤗 ✨鹽燒白鱔煲仔飯 $238 招牌菜式嚟啦！一上枱香氣撲鼻白鱔外皮烤得金香焦脆，魚肉好鮮嫩保持住肉汁 另外，份量毫不吝嗇，有五大舊白鱔煲仔飯以日本珍珠米、加上秘製醬油、日本流心蛋黃、蝦米、香蔥味道簡直無懈可擊💥💥💥蛋香味配上香濃醬油味既白鱔，又鮮又香甜👍🏻飯焦更係恰到好處🥰大家一定要試吓！ 必點指數✨✨✨✨✨ ✨薄燒日本豚肉煲仔飯 $158 哩度既豚肉煲仔飯都好出名，豚肉薄切，外皮烤得金黃香脆，配上香蔥、洋蔥、秘製醬油、日本流心蛋黃、日本珍珠米，好惹味‼️豚肉既油脂在口中散發，油脂味好香，配上蛋香味飯既秘製醬油甜甜地又咸咸地，一個字！簡直完美🤤 必點指數✨✨✨✨ ✨橙汁 （跟餐免費） 鮮榨橙汁，有一絲絲果肉，好清新香甜🍹 ✨熱香橙肉桂薑伯爵茶 +$15 茶味香濃，橙味配上肉桂香氣，淡淡薑味在口中散發，味道帶點微苦，糖度低，但橙味清新，散發健康既感覺🥰 餐廳從內而外都有多個打卡位，各位朋友歡迎一齊嚟朝聖🤗餐廳水準好高，無論食物質素、環境、員工服務態度都好好🥰 🏠 秋香 (康景花園) (屯門) 屯門青善街38號康景花園地下26-27號舖