盛勢科技(手機維修，iphone換mon，爆mon，爆芒，iphone爆mon，手機入水，iphone換電，三星維修，iphone維修，ipad爆mon) – 手機維修店

le間野一定係買like返黎，手勢極差，整壞我塊叉電版，搞到喇叭冇聲。 仲要係冇技術，唔識整收唔到錢就整壞你D野，膠水整到周圍都係，痴左D藍色印喺個接駁位到！ 結論：幫襯le間野嘅人都係抵死，冇睇清楚comment 就走去，好似我咁

比車碌過，師傅話電池壞，底板灣咗，屏幕壞，成部機都報廢‼️慶幸搞咗2個鍾有後著到機，將資料過曬去新手機就丟咗，師傅老實都叫我唔值得整了，加加埋埋夠買部2手。 全程睇住整，好放心，價錢$900唔知算唔算貴

我個Iphone去游水擺咗入防水袋,一直無留意,可能已經入水超過一個鐘,拎返出來已經唔著,而且會熱,心諗大件事,小朋友出世到而家相片都無曬,跟手就即刻上網搵整手機既鋪頭救命,問咗兩間都話要先檢查,但係出到去都要夜晚,咁啱有個朋友比個依間(爆mon專家)既電話我(佢之前係個到整過話幾好),我打過去問佢有無咩急救方法,佢問我浸到水定係入小小水,咸水還是淡水,我見到防水袋都入滿1/4就照直講,佢就話咸水未必救到,叫我第一時間拎去沖幾分鐘淡水,話發熱已經係影響到底板,淡水救得到都有一半,咸水就9成都死,我都半信半疑去沖洗,到夜晚先去佢鋪頭,一拆開仲有水係入面(已經用風筒吹超過20分鐘),心知不妙,師傅就話盡搞,不成功不收費,檢查費都係free,感覺都老實,就係鋪頭等咗佢兩個幾鐘,終於救得返,正常使用,原本報價係$700。。最後因為相機都壞咗,對焦壞要+$300,咁我無問過其他鋪但我覺得可以接受就ok,整體感覺不錯,最緊要成功救到相

黑店，二手件當新零件。揾佢地換三星電話螢幕，第一次換後發現螢幕有印。很明顯用舊件換上去。去理論重新再換一次，但用了3個月螢幕陸續出現紅線。再去理論話我電話入過水唔肯處理。但我電話從來冇濕過水！懷疑又是用舊件當新件。如果新件會唔會咁快出問題？幫襯前請三思。

黑店！黑店！黑店！Samsung S10+爆mon，不過顯示。就攞去盛勢科技搵阿天師傅整報價950，9個字之後返嚟攞機就見到：頭一，二張相嘅問題，個框甭咗同個mon熄咗都漏光。咁我問佢佢話你本身個mon爆咗換mon係一定有機會整到咁㗎，個框你本身都花咗㗎啦。咁我見可能真係有失誤都算，但係我好肯定我個框冇花，因為長期用套冇除過，講咗幾次之後先攞我原本個框出嚟解釋話因為曲mon所以要連個框都換埋。跟住俾完錢去搭地鐵，嘟唔到八達通，又返去搵佢，佢話我部機入邊條線都披口所以就斷咗用唔到，過幾日有貨先換俾我，我又要重新買過張八達通。好啦返到屋企，發現連差電都差唔到，打過去佢先話因為入邊條線斷咗所以八達通同差電都唔得，相機閃光燈都用唔到。最後解決方法係過兩三日去深水埗搵佢換條線先，再過兩個禮拜去搵佢換埋個框同mon。各位有時間同埋電話啲資料係唔重要嘅絕對可以推薦搵呢間鋪頭。最後佢仲同我講咁嘅價錢你仲想點，去三星原廠都要兩千幾，你行一轉其他鋪頭都要千四啦。整完機嘅相及付款記錄如下