犇道 – 美式牛扒屋

呢間西餐廳喺屯門站步行距離大概15分鐘，佢嘅特色之一就係門口就係單車徑了，如果去開屯門踩單車一日遊，咁就啱晒啦。餐廳門口對住城門河，環境優美又清靜非常之適合拍拖嘅餐廳。 我哋今次兩個人食買咗個二人餐，包餐湯同沙律。沙律菜到非常之新鮮，配上柚子汁我非常喜歡。另外佢嘅餐湯有大蒜忌廉薯仔湯。非常之特別，可以食得出佢嘅忌廉湯係自己人手打出來的。如果自己就試咗服務員推介嘅龍蝦湯龍蝦味非常之濃郁，非常足料好值得試。 鮑魚海鮮蟹汁意大利飯一定要試，佢平時食開嘅普通海鮮白汁意粉分別好大。我覺得呢個飯非常非常美味。另外主菜有廚師精選嘅8安士牛扒配上芝士薯蓉焗帶子。牛扒好大塊，賣相亦都好靚。 重點一提，佢嘅薯條同埋梳打飲品係可以飲添任食架！

今日放假約咗朋友去屯門行街食飯，佢帶咗我去一間西餐廳食物質素好好，餐廳仲可以望到個海邊感覺舒適，值得推介。 犇道 餐廳位置喺屯門業旺路101號弦海地下，餐廳裝修好有格調，一大片落地玻璃望出去有好多花花草草，仲有河邊感覺好舒適。 bbq豬肋骨 152元，bbq豬肋骨火喉控制得啱啱好，豬肋骨入口非常嫩滑，配上燒汁令到味道更加有層次。一啖咬落去仲好juicy。 蒜香橄欖油蜆肉大蝦意粉 108元，材料豐富有大蝦蜆肉份量都好多，意粉煮到啱啱好，軟硬度適中，加上欖油令到意粉更加嫩滑，意粉有蝦肉同蜆肉嘅味道，鮮味十足。 澳洲沙朗西冷牛扒七成熟配上黑椒汁，179元， 西冷扒賣相吸引，size好大，邊位燒都有少少焦香，入口牛肉味香濃，肉質嫩滑，火喉控制得啱啱好將肉汁鎖住。配埋餐廳嘅燒汁令到牛肉味嘅層次更加豐富。 牛角窩夫鮮果雪糕 68元，牛角窩夫又香又熱，入口鬆脆，配雪糕食真係有冰火嘅感覺，味道又唔會太甜，甜到適中。

Bookmark咗屯門呢間河畔餐廳好耐，餐廳位於弦海，喺龍門居附近，屯門河嘅旁邊！餐廳環境舒適，設有落地大玻璃望住出面嘅屯門河，另外仲一個大螢幕播住歌，非常之有氣氛！假日真係好適合來呢度感受下閑情逸致，一邊欣賞河畔景色，一邊喺呢間悠閑嘅餐廳度食下嘢傾下計，感覺非常寫意～ 是日廚師發辦牛扒 (大約7oz)配薯菜💰HK$138 呢度係一間Cafe兼扒房，梗係要食下呢到嘅牛扒，所以就點咗是日廚師發辦牛扒，而今日嘅廚師發辦牛扒就係西冷牛扒！我地叫咗5成熟，一切開牛扒入面嘅顏色仲係好粉嫩嫩，食落有牛味，肉質亦好夠淋！旁邊嘅粗薯條亦都好香脆，呢到嘅薯條仲可以免費添食添呀～ 每個餐都設有日餐湯配麵包，今次嘅餐湯就係粟米湯，而麵包似係自家整嘅蕃茄味軟包，將個軟包點埋粟米湯一齊食更加好味～ 跟餐熱飲免費，朋友就揀咗熱檸檬茶，比較養生～ BBQ豬肋骨配薯菜 💰HK$128 燒烤醬味道甜甜地，啲肉醃得好入味，入口軟腍，而且容易甩啲肉出來，切嘅時候唔需要太費力～ 薯菜除咗薯條之外，仲有杏鮑菇，紅蘿蔔等等，有返啲蔬菜可以中和下食肉嘅飽滯感～ 假日追加3款小食💰HK$52 小食我地揀咗骨附腸、 辣雞翼、蔥花蛋卷！辣雞翼皮脆肉嫩，蔥花蛋卷蛋香十足，骨附腸味道幾特別～ 芒果生椰乳特飲💰HK$29 面頭有少少芒果肉同柚子肉做點綴，將底下嘅芒果汁撈勻，飲落去仲食到啲西米，成杯特飲嘅感覺就好似重椰汁味嘅芒果西米露咁，味道清甜～ 朱古力心太軟加雪糕 💰HK$48 一切開啲朱古力漿就流晒出嚟，香濃嘅朱古力味加埋雲呢拿雪糕一齊食，仲有埋一冷一熱嘅口感，唔會太甜同埋令人覺得好漏，食埋呢個甜品之後，成餐飯真係令人心滿意足哂～

朋友住屯門，今日佢話車我入屯門玩，晚餐推薦我地去呢間餐廳食飯，佢話同屋企人都成日食。**** 餐廳都幾多人，座位幾闊落，又有sofa好舒服，樓底夠高，有落地大玻璃，環境乾淨整潔，仲有免費泊車，記得事前同職員講聲就可以了。**** 呢度有晚市套餐，價位都幾親民，亦可以散叫，聽講平時午市都好多人食。**🥳🥳** 首先，我地點左是日廚師發辦－牛扒伴薯菜，牛扒五成熟烤得剛剛好，保持住肉汁，每一口都是享受，份量有7oz，兩人食都足夠，薯菜炸得金黃酥脆，上桌個陣熱辣辣！🥩🍟 其次，仲叫左BBQ美式燒烤豬寸骨，肉質鬆軟多汁，45分鐘慢煮使肉更加入味，BBQ醬汁又好惹味，總共有6條，配上酥脆可口嘅薯菜！🍖🍟 最後，朋友點左小食，忌廉蘑菇釀雞中翼 ，有五隻，雞中翼咬落好juciy，內裹嘅餡充滿蘑菇和忌廉的香濃味道。🍗🍄

情人節前夕，男友同我去咗呢間位於屯門嘅河畔西餐廳提早慶祝~ 呢間餐廳裝修特別，以大自然同單車做主題，食物高質而且價錢合理，有龍蝦牛扒嘅2人套餐都唔貴，正！ 🧡蝦蝦霸霸牛扒2人套餐（$488） 🔸餐湯 & 前菜 餐湯充滿蕃茄蒜香味，用料充足，味道濃郁！前菜係巴馬臣火腿蕃茄多士，鹹香火腿同多汁蕃茄新鮮青菜非常夾，下面嘅麵包脆脆添加多一份口感，非常開胃！ 🔸活龍蝦鐵板燒配牛油檸檬汁（半隻） 龍蝦蝦頭帶有唔少膏，龍蝦肉爽口彈牙，滿滿鮮味！ 🔸廚師發辦精選牛扒 7oz 配薯菜 叫咗5成熟，廚師處理得剛剛好，入面仲見到粉紅嫩肉！牛扒肉質柔軟，薯條亦非常香脆，份量十足！ 🔸哈里薩辣醬黑毛豬米型意粉 米形意粉嘅口感比Risotto更有咬口，哈里薩辣醬微辣帶有好重蕃茄香，好食！ 🧡雙倍特濃朱古力（跟餐+$24） 朱古力味道香濃，入口冰涼舒服，大大杯好滿足！