牛気 (荃灣店) – 涮涮鍋餐廳

牛気十周年喇！佢地喺呢個特別日子推出「牛気十年．烚出香港情🇭🇰🥘🔥」，一齊賀賀佢，一齊「牛気充天」啦喂yeah!! 期間限定🔟【烚年】火鍋週邊美食 - 全牛宴🐮 及 港式情懷🇭🇰，全牛宴特色美食包括清燉牛尾湯🥣、牛肉小籠包🥠、咖喱牛筋腩🍛、北海道產馬鈴薯牛肉餅🫓，凡惠顧Level 5以上的套餐更可享「日本縣產和牛盲盒🐮🎁」～ 而港式情懷限定美食包括辣酒煮黃金螺、臘味糯米飯🍚、玫瑰雪燕蛋撻🥧、桃膠雪蓮子燉銀耳、雞蛋仔味雪糕🍦。 Lv 4👉🏻澳洲穀飼黑安格斯牛🐂 x SRF美國極黑牛🐃放題x海鮮🦐🐙放題（$338） 呢個餐完全係食肉獸嘅福音🤗，牛牛愛好者一定勁滿足!! 有得任食澳洲穀飼黑安格斯牛🥓、SRF美國極黑牛🐃、特選牛小排🥩、PRIME美國肩胛肉眼等高質牛肉🤤，個人較喜歡澳洲穀飼黑安格斯牛，牛肉口感會比較柔軟；而不得不試嘅仲有SRF美國極黑牛，大大一片，全塊紋理勁吸睛🤩，牛肉味相對會比較濃郁。 而海鮮任食亦係亮點之一，日本帆立貝、青口🐚、大海蝦🦐、花膠、水魷🐙、墨魚滑、蝦滑等，想講隻大海蝦真係有我手掌咁大隻✋🏻，好有份量!! 花膠又係勁大條，係滿滿嘅骨膠原，女士恩物呀！另外，仲有挪威三文魚刺身🐠、壽司🍣、迷你魚生飯任食，即刻心心眼咗～ 湯底我地仲試咗期間限定嘅🦐「味噌海老鹽湯」，呈橙紅色嘅湯頭完全係大蝦精華🤤，建議可以再加入蝦頭繼續熬煮，會更具蝦的鮮味呢～ 火鍋配料、熟食、小食款式都好多，可以用📲QR code落單外；而店內亦有自助區自取，特別欣賞設有「本地水耕菜專區」🥬，有得食新鮮水耕石斛苗、小棠菜、小松菜!! 宜家更有期間限定嘅黃金蒜香生蠔🦪，燒得好香，蠔身亦唔會大縮水👍🏻；甜品有得食🧀🍰焦糖芝士巴斯克蛋糕好surprise🤩，另外仲有迷你雜錦脆皮泡芙、草莓大福、豆腐花、自製綿花糖等。 成個火鍋放題係勁多野食，超飽勁滿足!! 老實講一次根本食唔哂，要嚟encore多幾次先得啦👻！ 📍牛気Nabe Urawa 荃灣大河道98號如心廣場二期1樓104號舖

📍 牛気 (如心廣場二期) (荃灣) 荃灣大河道98號如心廣場二期1樓104號舖 👉🏼 Lv4: 澳洲穀飼黑安格斯牛 + SRF 美國極黑牛放題 + 海鮮放題 💰338 .8/5 今次來到牛気同爸爸任飲任食放題打邊爐，真係好興奮！「牛気十周年」的主題下既邊爐放題真係唔可以錯過，特別係「牛気充天」的精神，令人期待無比！✨ 任食配料方面，首先，澳洲穀飼黑安格斯牛，質感超級滑，肉味濃郁，每一口都咁滿足！啖啖肉汁流出，就算配上少少醬油，味道更加提升，讓人忍唔住多食幾片。 再講講SRF美國極黑牛，真係一流！特選牛小排肉質嫩滑，油花分佈得好均勻，整個口感就好似在享受一場美味的盛宴，入口即化，令人陶醉🥰 而且，仲有好多海鮮選擇！日本帆立貝、挪威三文魚刺身、新鮮大海蝦等等，每一樣都好新鮮，特別是青口同墨魚滑，味道鮮美，搭配牛肉真係無得輸。 唔好忘記嘅係，特選豚肉同精選雞腿肉，都好有水準，真係一個多元化的邊爐體驗！每樣食材都非常新鮮，搭配上牛骨髓，真係令人回味無窮。 回頭: yesss，總括而言，牛気十周年的邊爐放題，唔單止食物質量高，仲有埋呢種慶祝的氛圍，令人感受到「牛気充天」的真諦！下次一定要再嚟，繼續享受呢個美食盛宴✨❤️！☺️☺️☺️

湯底方面揀咗蕃茄湯同牛肉清湯。蕃茄湯酸甜開胃，唔會太膩；牛肉清湯就啱晒鍾意清淡口味嘅人，襯牛肉一流。 重頭戲——牛肉：食咗澳洲穀飼黑安格斯同SRF美國極黑牛，兩款都高質。黑安格斯牛脂肪分佈靚，口感夠嫩；SRF極黑牛就真係入口即溶，油香撲鼻，係全晚嘅最愛！ 海鮮拼盤都有驚喜，蝦、青口、帶子樣樣新鮮，唔會煮完縮晒水，啖啖鮮味；仲有三文魚刺身，厚切肥美，冇雪味，喺放題嚟講真係好有誠意。 整體嚟講，今次牛氣 Level 四放題體驗非常滿足，質素對得住價錢。牛氣10周年搞放題優惠，唔試真係走寶！如果你係牛魔王或者鍾意高質海鮮刺身，呢個放題真係值得一試！ 牛気 (如心廣場二期) (荃灣) 荃灣大河道98號如心廣場二期1樓104號舖

今次我哋揀咗極尚嘅澳洲和牛加海鮮放題套餐，湯底我哋選咗昆布湯底 🍅，味道清新又開胃 首先就嚟咗海鮮拼盤！有新鮮嘅蠔 🦪、扇貝、蝦 🦐，見到呢個陣容，真係令人好緊張。未到主角，已經咁犀利👏🏻海鮮新鮮到不得了 可以媲美出邊專食海鮮嘅火鍋店而且仲係任食簡直係回本之選 🥩而家就係重頭戲—澳洲極尚和牛賣相震撼，脂肪比例均勻，睇到都想嚐。輕輕烚兩下，醬油都唔使加，已經好好味👍🏻，真係好靚嘢🏻。仲有好多沙律、小食同飲品任食任飲雪糕甜品基本嘢一定有齊 竟然仲有自己整棉花糖🍭食到真係過癮🥰。

集團式火煱放題食品, 輕簡熟食味道, 尤其肥牛肉, 關東煮👍 其他火煱配料應有該有！ 60min單点火煱放題, 真心抵食👍👍👍 唔駛100元可以食自助吧食品飲品甜品, 超值！ 值得棒場