沖繩二段料理 (愉景新城) – 日本餐廳

YouTuber 介紹咗好耐 今日終於特登試吓 但整體失望 蜜糖芥末雞肉餃子-熱辣辣炸起加配只需$10/4隻，無投訴 布甸炸雞-炸雞係熱辣辣炸起，配搭凍布甸，口感怪怪，布甸食剩半舊因為太甜，頂唔順 海焦糖donut-最正常嘅 明太子櫻花蝦蒸飯-最期待呢個飯，但啲飯好削，完全係嚡口都幾難食…見到佢哋有包秋田產嘅米，但唔知係咪啲日本米蒸完個形狀唔係晶瑩飽滿？！ 只覺得好似係印度食嗰啲long grain 咁 所有食材好似被浪費 試咗一次就夠了

食最平嘅套餐$69係抵食嘅！ 再主菜+小食+甜品+飲品！

🏣今日約咗朋友去南豐紗廠，不過都知道週末既話餐廳都會好快爆滿，而且同友人都唔太好打卡風既餐廳cafe，所以集合後就首先去咗The mills對面既愉景新城食lunch。 🎗估唔到呢個親子商場都有幾間黃店，最後揀咗呢間黎自沖繩既過江龍餐廳。門面已經有大量日文吸睛，同埋可愛既logo都令到小朋友停步觀看，主要運用木建材去裝飾餐廳，配合牆上既燈籠都幾有味道🎏 Menu都幾多花款，最後我地揀咗沖繩特盛二人定食，貪佢咩都可以試到。 🍟沖繩天婦羅拼盤 7/10 紫薯春卷夠哂甜，網面既炸衣特別脆。蕃薯條份量都幾多，食落冇乜油溢味。洋蔥蓉圈幾有趣，不過我都係比較鍾意原本既洋蔥圈，因為會更加爽脆清甜，同炸衣可以起到一個對碰加強層次🧅 🥘原味鰹魚牛肉壽喜燒湯烏冬 7/10 上菜時見到好多料，同圖片一模一樣。湯底好香，牛肉煮得剛好，唔會韌。烏冬煮得火喉唔錯，食落煙煙韌韌。伴著牛肉既洋蔥好入味，同烏冬一齊食最夾🍜 🫕沖繩石鍋塔可蕃茄芝士炊飯 8/10 原來同食一人火鍋一樣，會同個小火種同時上，令上面既炊飯保持熱力，芝士粟米蕃茄霸哂成個飯面，當我將熱融既芝士同飯完美拌勻後，店員就主動過黎熄火，服務幾貼心。呢個炊飯好好味，單食唔配餸都起碼值68蚊，芝士夠香濃，飯好吸汁🧀 🍲柚子鍋燒咕嚕雞 6/10 相當失望，d雞好一般。雞既炸衣比較厚，入面肉都偏老，而且所謂既柚子鍋燒係類似韓國既柚子蜜係底，要自己撈埋，但係都唔太夾。感覺上如果係出菜前先熱一熱個鍋先再比客人會好好多🔥 🍩花之雪糕冬甩 8/10 唔少人都激讚呢個甜品，話係成餐飯既靈魂所在，食完之後我都好同意呢個說法。因為呢個冬甩外脆內軟，咬落有韌度，口感一流，加埋上面既雪糕令人有種係冷熱之間回蕩既刺激感。唯一美中不足既係旁邊既吉士擠得冇乜誠意，完全冇花既形狀，扣咗少少分🍦

整體價錢較長沙灣店高，+10% service charge. 店有BB櫈，迎合D Park嘅需求 。 炸雞方面個皮就相對遜色咗少少 ，有啲位畀炸得乾到硬咗 。 冬甩就一皮好有水準 。

諗唔到食咩但又想大大份有野飲有甜品既話 佢係荃灣區budget有限既人or懶人既選擇 最近轉左Menu 個肉味噌湯烏冬甜左些少