江浙滬江南美食 – 滬菜館

係銅鑼灣嘢食經過好多次，但次次都無行過入去，某日諗唔到食咩好。突然想食小籠包諗起呢間食上海菜就入去試下。一入去環境幾乾淨，會安排入坐唔會叫你坐細枱，有大餐牌及qr code落單，整餐飯會收取10%服務費。 雞絲粉皮 $58🌕🌕🌕🌕🌕 麻油味好香，粉皮滑。 秘製咕嚕肉 $108 🌕🌕🌕🌕🌕 花雕醉香雞 $78 🌕🌕🌕🌘🌑 隻雞肉質唔老亦唔嫩，有好濃烈嘅酒味，醉雞汁偏鹹，雞同汁應該係分開煮，所以雞唔太入味需要浸一陣汁先好少少。 招牌鮮肉小籠包（4隻） $48 🌕🌕🌕🌕🌕 上菜時熱辣辣，小籠包皮都算薄容易夾起又唔會爛，餡足料咬落去都好多湯汁肉汁。 椒鹽排骨 $98 🌕🌕🌕🌕🌑 排骨肉厚身，雖然係瘦肉但咬得到，而且咬落有少少肉汁，排骨係幾好食唯獨冇乜椒鹽味，冇出面啲椒鹽料理咁野味。 五香牛展 $78 🌕🌕🌕🌘🌑 上菜賣相一般，五香味亦唔夠特出，比較普通嘅菜式。 上海粗炒 $82 🌕🌕🌕🌑🌑 同出面嘅差唔多，但師傅炒嘅時候菜有啲炒燶，令到粗炒有鑊氣之外多陣燶味。 江南白糖桂花糕（4件） $38 🌕🌕🌕🌕🌗 桂花味香，唔似傳統小食白糖糕/倫教糕鬆軟的感覺。 江南小米糕（4件） $38 🌕🌕🌕🌗🌑 小米糕口感鬆軟，食落有少少似廣式馬拉盞。 收加一之後人均$200內，價錢尚算合理，會再去試其他菜色。

🥢傳統老店 必食招牌小籠包 今晚有點夜唔少餐廰都收工了，但突然好想食小籠包🥹 我唔制！！行遠少少就比我搵到間夜收舖又不錯的老字號🤤 🥢 ▸ 招牌鮮肉小籠包 (4隻) $𝟒𝟖 我一個可以食好幾籠 隻隻都好～多湯汁又鮮甜 皮薄但夾起唔易爛 餡足肉嫩入味 必叫！值得一試👍🏻 ▸ 鮮蝦小餛飩 (8粒) $𝟓𝟖 見有唔少人叫 我又試下先 細細粒一口一隻 蝦肉新鮮彈牙 加上蛋花紫菜芫荽湯底清清地 ▸ 雞絲粉皮 $𝟓𝟖 雞肉幾嫩滑配上粉皮有咬口 雖伴有青瓜絲但可惜整體都係有點油膩 ▸ 魚湯蒜子津白 $𝟔𝟖 娃娃菜鮮甜煮得夠腍 加上有蒜香嘅加持更惹味 📝 ☑ 服務費 食物 ♥♥♥♥♡ 環境 ♥♥♥♥♡ 服務 ♥♥♥♥♡ 價錢 ♥♥♥♥♡ ⚐ 江浙滬 銅鑼灣渣甸坊37-39號地舖 ◂ ◂ ◂ ◂ ◂ ↯ ▸ ▸ ▸ ▸ ▸ #TT食在港島 #TThangry #TTeatagram #江浙滬 #江浙菜 #上海菜

用餐環境很吵！沒想到餐點還挺不錯的！ 蔥油拌麵：量多又好吃！ 乾煎黃花魚：香、外酥、內嫩！

「離愁能有多痛，痛有多濃。」係人都知 江南出產既四大才子，當中既唐伯虎基本上 無人不曉，無論電視劇定電影都總會出現過 無數次佢既足跡。才華真係一種好吸引既魅力， 就算我係男人老狗都覺得，呢種魅力可以令人 入升價十倍，同樣錢係買唔到既能力。 而令我不禁哼起林俊傑首江南.. 當夢被 埋在江南煙雨中，心碎了才懂。既然未去過 江南，吸收唔到天地靈氣，不如係銅鑼灣 走返轉「江浙滬」，一樣食到江浙菜 體驗呢份文化情懷。 - 📌麵 類 - ▪ 擔擔麵 - $46 ▫ 擔擔麵最講求麻醬既湯底，呢個就夠哂四川 風味啦，滿滿既花生碎混埋肉碎一齊，口感 非常豐富。而麵條唔會煮到過軟淋，配搭湯底 一齊食，麻香味夠出眾，我幾鍾意。 - 📌小 菜 - ▪ 瑤柱賽螃蟹 - $66 ▫ 最鍾意有賽螃蟹既上海菜，但好怕出面 餐廳整到好油膩，但呢個幾有驚喜。首先 蛋白質感嫩滑，味道唔會太濃，最重點入口 唔會好油淋淋，加少少醋再提高成個香味。 加上瑤柱同蝦既份量都幾足料，呢個價錢抵食。 - 📌點 心 - ▪ 招牌鮮肉小籠包 - $46 (4隻) ▫ 最成功既小籠包一定要皮薄多汁，呢個就 滿足到我啦。新鮮滾熱辣，一咬開頂部， 裡面充滿住湯汁，相當濕潤；而外皮唔會 太過厚身，仲唔會一夾就散；而豬肉食落仲 相當Juicy，口感非常到位，呢個一定要嗌！ - 📍 江浙滬 - Jiangsu & Zhejiang 🎈銅鑼灣渣甸坊37-39號京華中心地舖

年二九，老闆好人，提早收工!於是打算係銅鑼灣食晚飯之後，去維園巿花行. 經過江浙滬，又好似有段時間無食上海菜，於是入去幫襯. 今次食完上海菜，第二日年三十又去另一間餐廳太子沪小館食上海菜，一比之下，江浙滬即時比下去. 首先蟹粉小籠包，蟹味清淡，好明顯蟹份量不足. 生煎包外貌好普通毫無吸引力，慶幸包底夠脆，哩點我極重視，合格. 清炒河蝦仁份量略有不足，而且口感唔夠彈牙. 最失望係松子魚，先講味道，其實味道唔差，外表香脆魚肉嫩滑，茨汁酸中帶甜夠惹味，問題係外貌，完全無 "松子" 效果，只係一"舊"魚放係碟上. 最後，樓面兩件姐姐係到嘈，嘈到收銀都喝佢地收聲，攪到食慾大減，有咩辦法唔負評呢?