梅丘壽司の美登利総本店 (新城市廣場店) – 壽司店

逢星期四先有嘅放題 訂位的話，建議提早訂位 OpenRice會開放提早一個月嘅訂位服務 🍣梅丘壽司の美登利総本店🍣 🌌沙田沙田正街18-19號新城市廣場一期7樓703號舖 開頭送嘅刺身壽司好新鮮(*ﾟ▽ﾟ)ﾉ 海膽鮮甜同Creamy 刺身選擇唔多而質素都一般 蟹膏蟹肉沙律係佢嘅招牌菜，放題版有巨量蟹膏同蟹肉，只有一塊生菜，太鹹啦 壽司方面推薦帶子、火炙帶子、火炙魚鰭肉、三文魚子 餐牌上嘅三文魚魚係好靚仔，但係嚟到嘅時候好頹，圖文不符🫩🫩 炸物方面淨係叫咗炸蠔同埋炸芋丸 雖然炸得唔太靚 但係食得出炸蠔係幾新鮮 炸芋丸都OK 千祈唔好嗌明太子軍艦同埋象拔蚌 前者超級鹹鹹到好似腐乳咁 其實好耐之前普通堂食食過唔記得咗 今次又中伏XD 後者好霉，稱得上為劣食🤮🤮 結論：食物種類比較少，但部份嘅壽司都幾高質，可以一試。

核水排放前的最後日本餐！ 聽日福島核廢水就會流出大海，無人會知之後大海、海產會有咩影響，為咗安全都要戒食日本嘢一段時間先，所以今日特別嚟咗美登利食lunch，享用午餐定食！ 天婦羅烏冬御膳 $148 定食包括天婦羅、刺身丼、日式蒸蛋及烏冬，而刺身丼可從豪華三色丼、蟹肉帶子丼及海鮮刺身丼3款之中選擇1款。 我就揀擇咗有海膽、吞拿魚蓉、三文魚子組成的豪華三色丼。雖然吞拿魚蓉無平時食吞拿魚刺身的味道咁濃郁，不過海膽、三文魚子都幾鮮甜，仲有少少微鹹添！ 天婦羅有4-5件，分別有魚、兩件大蝦、紫蘇葉及青椒，當中最出色的就係大蝦，外面香脆，內裏口感依然彈牙。日式蒸蛋入面有蝦、帶子，水準不俗。至於烏冬，由於已有刺身丼，所以呢碗烏冬分量偏少，亦比較清啲，味道上略嫌有點過鹹。

有驚喜的店，叫左個魚生套餐，魚生新鮮好味，另一個三文魚套餐👍，有湯有沙律還有茶碗蒸蛋，飽飽，地方不太大冷氣比較大有點冷，員工禮貌，食物CP值高👍如比現金還有九折

壽司刺身新鮮。賣相一流，略嫌魚生壽司切得比較薄。比較起日本的店價錢貴一倍，性價比低一些。

壽司名店，被店外餐單吸引，座位燈光都舒適，點選特色套餐，已包11款壽司，沙律，味噌湯，茶碗蒸，非常飽足，本2人坐一張細枱，後因餐點比較大，幸好有位女職員熱心幫忙轉換到4人用餐枱，食得舒服更開心。