{“星期二”: “10:00-20:00”, “星期三”: “10:00-20:00”, “星期四”: “10:00-20:00”, “星期五”: “10:00-20:00”, “星期六”: “10:00-20:00”, “星期日”: “10:00-20:00”, “星期一”: “10:00-20:00”}
{“星期二”: “10:00-20:00”, “星期三”: “10:00-20:00”, “星期四”: “10:00-20:00”, “星期五”: “10:00-20:00”, “星期六”: “10:00-20:00”, “星期日”: “10:00-20:00”, “星期一”: “10:00-20:00”}
填寫評論
Read More Reviews
TAMMY TAMMY
3 年前每次打邊爐都會諗起振興肉丸，因為佢哋啲 肉丸實在太好食啦！每牛丸係必買是常識， 不過今次我亦都有新嘅心水四四第一次試呢 個冬陰功蝦球同埋麻辣小龍包◎真係食到我 同屋企人舔舔脷啊，麻辣小籠包一咬落去好 香麻辣味，非常之突出！冬陰功亦都係我嘅 至愛，估唔到咁好食，咬入去淡淡冬陰功嘅 醬汁標晒出嚟四四超正，佢唔會辣，仲有少 少甜甜地，味道都幾得意！下次必定 encore 184字
Fannie Mak
1 個月前扣左4粒星唔係因為品質或者價錢，係好食同埋係好貴，但係唔緊要，屋企人like 每次bbq party 都買好多，今日13:31 到坑口舖，阿嬋落咗閘話食飯，嗰牌寫住13:30-14:30 食飯，因為我之前3點左右又嚟過又係落閘, 1:15 又試過落閘, 我唔係住坑口係渣車去買，今次第三次死死地氣請阿嬋比我極速買4大包丸，佢惡到好似要殺我咁話食飯，btw 之前去過好多次有一位幾nice 嘅叔叔，心諗而家經濟咁差都咁嘅服務，希望老闆叔叔見到呢個message 可以改善一下!!
P L
3 年前最近其實都好想食一啲高質素嘅肉丸。因為呢一排成日喺屋企煮麵，點都會想有啲肉丸送下麵咁。今次同大家介紹嘅係位於灣仔嘅大埔振興肉丸，其實呢一間振興肉丸都幾出名㗎，所以我今次都特登去買返幾款試吓。首先想同大家介紹嘅係貢丸，我嗰日就揀咗胡椒豬肚貢丸。咬落其實都幾彈牙，而且都食得出胡椒豬肚嘅味道，算係幾有水準嘅貢丸嚟㗎。至於第二款我想介紹嘅就係五香肉丁餃子，自問自己真係第一次試呢一個配搭，但係估唔到原來都幾有驚喜㗎。餃子入邊個五香肉丁餡真係好特別，重點係佢唔會太重口味，絕對啱晒我！如果大家都鍾意食五香肉丁嘅話都可以試吓㗎。誠意推介大家嚟呢度試吓買番啲丸啦！
Tai Ruby
3 年前家中必備嘅振興肉丸 每逢打邊爐、打風前夕，都好鍾意落街買振興肉丸，今日係銅鑼灣咁啱經過見到門市，又忍唔住走去打個白鴿轉。 胡椒豬肚貢丸 貢丸同胡椒豬肚一向都係我favour ，今次竟然兩樣至愛走埋一齊，毫不猶豫就想買來試吓。貢丸超級爽口彈牙，而且非常Juice，真係有淡淡的胡椒豬肚味！好出色！ 五香肉丁餃子 呢個餃子味道非常創新，冇諗過餃子都可以有五香玉丁味。餃子皮薄，肉丁餡料多，帶辣，令人開胃！ 下次再買振興肉丸會繼續嘗試佢其他一啲創新嘅口味，相信依然會有驚喜！
Hilda Lam
3 年前一直都有喺超市幫襯買振興的牛丸食。全因質量高，無咩粉味，牛味重，肉汁保持到。每次打邊爐都會諗起振興。 今日又俾我行行下，見到鵝頸橋附近有間分店，款式仲比超市多好多添，目測有40多款。就黎望望先。一望，我的選擇困難症又復發。肉丸，蝦丸，魚蛋小籠包，好多特別的味道。諗左好耐，今次就試下我未曾食過的口味先，芫荽牛肉丸同菠菜魚蛋。 芫荽牛肉丸，芫荽味重，牛味唔算最重，不過肉汁都保持到，感覺有蔬菜平衡下，無咁膩。 菠菜魚蛋，顏色吸引，超彈牙，細細粒，最啱滷肉時放埋一齊煮，快靚正。