茶救星球荃灣店 – 無酒精飲料店

之前做完手術成日蒲荃灣搵 friend，都介紹咗唔少嘅食肆。咁其實我同朋友都有喺閒逛嘅過程裡面飲吓工業廢水（俗稱：手搖杯）嘅，尤其近年手搖杯風氣盛行，形形式式嘅手搖杯都蔚然成風。老實講，本身都好少飲呢啲嘢，都幾難介紹，難得有就講吓囉。 咁呢間「茶救星球」係攪邊科呢，睇返資料佢哋就話係開啟「讓世界愛上中國水果和蔬菜茶」嘅願景之路，都幾堅挺。佢哋仲話會致力為消費者提供「蔬爽」、「快樂」嘅蔬果茶時尚品牌，憑高創意同性價比，創咗第一杯「苦瓜檸檬茶」而聲名鵲起，理解嘅。 我朋友就隊咗杯 $29 嘅「苦瓜檸檬茶」喇，要咗正常冰、三分糖，佢就話冇乜感覺，不過不失。而我就買咗杯 $30 嘅「苦瓜鳳梨冰檸」，要正常冰、標準糖，加 $5 要埋「脆啵啵」，不過都冇乜感覺，咪又係工業廢水一杯，好鬼多渣喺入面但我又唔會食嘅。

有麻雀🀄️送 幾得意 但不能少冰 好似飲幾啖就飲完

食咗飯就同朋友行咗陣，突然之間就想飲啲健康嘅嘢，茶救星球之前響內地都經常飲，估唔到喺路德圍呢邊都開咗一間，叫咗兩杯，一杯係苦瓜檸檬茶，清新解膩，下火，一杯係馬蹄甘蔗奶茶，五分糖，不太甜，因為馬蹄同甘蔗本身都係甜，兩杯都好清新，苦瓜配檸檬唔會有太大嘅草青味，畀傳統嘅苦瓜汁好飲好多，一杯入邊可以飲到苦瓜，又飲到檸檬嘅清香，超級清爽。朋友點嘅馬蹄甘蔗奶茶，甘蔗好似用甘蔗汁做咗果凍，都幾特別，又為我哋嘅晚餐畫上完美嘅句號。

這裏真的很好, 美中不足嘅係冰太多, 所以可以喝到的部分也很少而且還蠻貴的, 首先要說說他們的苦瓜茶,他們的招牌飲料,小朋友可能飲唔慣,但係佢哋嘅苦瓜茶真係一啲苦瓜味都冇,完全打破咗我嘅思維,門口進店第一杯已經完成了, 仲有佢哋嘅馬蹄奶茶, 但係啲冰永遠都唔可以少好蝕( 少咗都係好多 )...他們的員工很好,有一次有個阿婆蠻不講理要換第二隻麻雀, 其實就係本身個阿婆抽到唔想要嘅麻雀就話要換 就係一開始話唔畀換嘅, 但係個阿婆就賴死唔肯走咁所以先畀咗佢, 佢哋喺呢件事度咗我覺得佢哋處理得很好, 仲有整個店舖都會播放一啲音樂, 可以揀嘅飲品唔算好多但係就麻雀雖小五臟俱全!

苦瓜檸檬茶美味好飲，非常解渴。 杯蓋附送迷你麻雀一隻 ，非常可愛。