茶泰 Cha Thai (荃新天地店) – 泰國餐廳

‼️整體用餐體驗好一般 完全有待改善‼️ （方便容易理解 我將餐廳分ABC區） 4大1小入座時店員示意C區唔開只坐A B區 （店員個態度已經比人感覺唔想接客咁） 下午茶時段人少餐廳無開晒全場我理解 下一秒有客入 店員就安排去坐C區 OK FINE!!! 因有小朋友 所以想要個碗仔 店員上完菜 我隨即講「唔該我想要個碗仔唔該」 佢秒變面 比個碗我嘅時候 黑住面好似發脾氣咁大力放係枱 因有小朋友在場 我都禮貌咁講咗聲唔該 其實如果要我自己去攞碗嘅話 可以話聲我聽要我自己攞係無問題嘅 而唔係用啲咁嘅態度表現出黎 食物質素真心唔得 ༯ 輕量水門雞 雞油香飯配碗仔翅 $𝟒𝟑 成個下午茶餐比較滿意係個水門雞 雞肉確係嫩滑有雞香但份量少 好似求其夾幾件儲夠數就上枱 配碗仔翅幾特別 料同味唔太差但唔熱 ༯ 菠蘿椰子特飲 +$𝟖 見到都唔想飲 同張圖差咁遠 菠蘿蓉少味淡 椰子味有但飲落似溝咗水 叫少甜少冰唔知少咗去邊 ༯ 椒鹽炸豬皮 +$𝟏𝟐 係幾大舊 感覺份量不少的 唔會太油但零椒鹽味又無醬汁 好似乾啃咁 最後偷咗屋企人個茄汁點🤪 ◡̈ 以上食評乃個人意見僅供參考 ◡̈ 價錢僅供參考一切以餐廳為準

牛肉湯河（牛骨湯底）好味.肉碎煎蛋飯（碎肉少 味道怪 煎蛋又薄又乾）$68👎

諗住食少少野，呢個下午茶幾吸引。 有人帶位，之後就手機落單。 牛肉牛丸牛骨湯河配凍椰香啡（$35+$3），好快黎齊，比預期企理。 味道同料都唔錯，無因為平就俾差左，牛肉睇得出唔差亦滑，肉丸彈牙，湯可以，係河粉易碎少少。 椰啡唔差。 反而匙羹太淺唔能夠多些湯去食粉。 呢口價，只計食物都抵，加上環境亦新和企理。 餐牌其他亦吸引，有下次。

茶泰 (荃新天地2)，位於荃灣楊屋道18號荃新天地2 UG樓UG81號舖。 上次食過新都會廣場分店，價錢合理。 下午茶 ～ 輕量水門雞雞油香飯配碗仔翅 $43～ 荃新天地分店的份量不及新都會多， 味道正常發揮。 泰式煎餅拼椰子雪糕 $34～ 煎餅熱辣辣，香脆椰子雪糕香濃甜美。 爆珠鳳梨柳橙梔子花茶$8 ～ 味道偏甜， 茶味唔算出。 草莓乳酸梳打 $8～ 草莓乳酸清爽， 梳打解渴。 整體價錢合理，食物質素中等。

初三下午一點半去到等2枱已可以入坐，都好快，地方寬敞，坐窗邊枱觀景不錯。用qr code 叫了兩個餐，烤豬肉石煱飯及水門雞飯，石煱飯入邊的芽菜係生的。烤豬肉及雞飯還可以。 椰香咖啡香味吸引，可以一試。 服務方面有待改進，叫一杯水要叫2次，當時人數不多，建議可增設自助飲水區。收銀阿姐亦不十分友善，可考慮安裝自助收費系統，哈哈。