泰Grill (荃灣享和街) – 泰國餐廳

嚟荃灣睇戲前食啲野，點知遇到間性價比高既泰國菜！店鋪唔算大，好彩唔洗等位，而且坐得都舒適❤️ ✨海南雞飯 啲雞好滑，仲有兩款醬汁選擇，而且油飯粒粒分明，跟餐仲配冬陰公湯，酸辣味道很開胃 ✨蛋包虎蝦炒金邊粉 金邊粉分量好大，兩個人都食唔晒 辣椒粉同花生都分開放，分量足夠，我最愛撈埋啲花生碎食～但蛋包虎蝦味道一般，整體都值得一試 ✨泰式奶茶 呢個奶茶好有泰國地道既甜味，呢排咁熱，飲落都好消暑 ✨芒果糯米飯 呢個糯米飯有驚喜，同泰國一樣味道，仲要跟餐好抵食。 整體而言，呢間泰國菜性價比高，lunch set 都好抵食❤️❤️

泰Grill 荃灣食肆林立，於享和街有一間由泰國廚師主理的泰國餐廳泰Grill，地道泰國菜，文青風裝修，環境舒適，食物又定價親民，泰國人親切友善的待客之道，令顧客放鬆享受食物和服務。 蛋包虎蝦炒金邊粉：金邊粉是由蒸煮米漿而成的粉條，口感爽滑煙韌，味道酸酸甜甜，大大隻虎蝦用蛋液包裹，炸至外殼金黃酥脆，蝦肉新鮮彈牙，全隻蝦連殼都食得。 青木瓜沙律：木瓜口感爽脆，車厘茄軟淋酸甜，整份沙律酸酸甜甜有少許辣，清爽開胃。 泰式小食拼盤：香烤雞翼醃製入味，甜甜的，少許蒜香；炸蝦餅新鮮彈牙；春卷香脆可口；一個拼盤多款口味，大大滿足。 椰青：大大個椰青，真材實料，新鮮清甜，是優質的天然消暑解渴飲品，食泰國菜必點。 泰Grill (荃灣) 荃灣享和街53號都城大樓地下E1號舖

今次去左荃灣尋覓美食，發現呢間性價比高又環境舒適既泰Grill, 裹面既店員都係泰國人，服務態度良好，適逢係假期去食，估吾到連放假都有set menu, 實在太好了！！！ 海南雞飯套餐🐓🍚 雞飯整體都幾好，雞肉嫩滑，飯就有少少乾，但都有好香入味。我哋仲追加咗蝦餅，好香脆可口，搭配泰式辣醬非常好食，誠意推薦。 蛋包虎蝦炒金邊粉套餐🥚🦐 金邊粉賣相吸引，食落都不錯，酸甜口味，可以無甘多油就更好，隻虎蝦好大隻足料。當然唔少得追加芒果糯米飯，好軟糯又夠熱既糯米飯配上椰汁，食吾停口。 跟餐:青木瓜沙律 跟餐飲品:椰汁冰 跟餐飲品:龍眼冰

成日幫襯荃灣西餐廳，又鍾意食泰菜，竟然未食過呢間泰Grill, 今次又約咗朋友嚟發掘新餐廳。小店座位大概二十多個，裝修走簡約清新風。晚上6:00左右到達，已有一枱外國客，之後陸續都係一班一班人嘅Booking。早食飯嘅好處就係唔使等位！見到隔籬枱嘅食物份量好大，於是同朋友保守叫咗一個小食拼盤、一個主食，加2杯嘢飲，就已經飽飽！ ——————————————————————— ✔️Omelet Pad Thai with Tiger Prawns $128 蛋包虎蝦炒金邊粉 金邊粉酸酸甜甜有鑊氣，呢個天氣食好適合。整體賣相有誠意，用金黃色網紋蛋皮包裹金邊粉，上面仲有大大隻一開二炸虎蝦！ ✔️Thai Style Platter $128 泰式小食拼盤 有雞翼、炸春卷、炸蝦餅各四件。雞翼外皮煙靭內裏雞肉嫩口，炸春卷同蝦餅即叫即炸，油香四溢，又脆又香口。 ✔️Cold Thai Milk Tea $22 凍泰式奶茶 又甜又多冰，係正宗泰式奶茶嘅風味！ ✔️Iced Longon $38 龍眼冰 清甜解膩，加上龍眼果肉，散發自然清香！

今次嚟到荃灣行下～尋覓下附近有啲咩好食呢？ 今次污嘴狗搵到一間好多人食嘅泰國菜！ 除咗佢服務質素好好之外🥰我地都留意到牆身有長駐畫家畫嘅畫～增添餐廳嘅藝術氣息🖼️！而且食物款式至多至好味！包你一定歡喜👍🏻！ 𝑭𝑶𝑶𝑫𝑺 1〉蛋包虎蝦炒金邊粉 $128 （大推薦🌟） 除咗用蛋包金邊粉嘅賣相已經好有特色好精緻～虎蝦大件得嚟好肉嫩彈牙多汁！掂啊！ 2〉炸蝦餅 $78 （推薦🌟） 炸到金金黃黃好吸引～熱辣辣新鮮即整上枱！每一粒都好大粒～食落皮薄餡靚！蝦肉肉質好彈牙！ 3〉串燒（3串 - 雞，牛，豬） $48 每串嘅肉質都好彈牙又唔會燒得太乾～醃製嘅味道唔會太過濃！啱啱好！最欣賞嘅係佢好易用筷子夾開一粒粒！ 4〉蒜蓉包 $35 每一塊都好脆口，每一塊都好足料！蒜蓉同牛油味好足夠！大大塊，性價比好高！ 𝑫𝑹𝑰𝑵𝑲 5〉椰汁沙冰 $48 （推薦🌟） 第一啖飲WO妹「嘩」咗聲，真係好濃郁椰汁味！飲落好綿綿，入口即溶～而且甜度平衡好好，甜而不膩！好fresh嘅感覺～ - 環境．9/10 服務．9.5/10 人均．$170～200 污嘴狗覓食指數．9.5/10 #污嘴狗 #hkfoodie #hkfood #food #hkig #instafood #foodie #hkfoodblogger #hkrestaurant #hkrestaurants #streetfood #美食 #美食分享 #荃灣 #泰Grill #泰國菜