Thai Ox Baby – 泰國餐廳

位於元朗錦田嘅高質泰菜，門口有免費泊車位，仲要係寵物友善餐廳，寵物可以坐室內都得，亦都有戶外座位，夜晚有燈裝飾，都幾chill下。門口裝修好有氛圍感，有啲泰國度假feel。 食物方面好高質，份量好充足 🌟冬陰功湯 ($98) 好足料好入味，酸辣度啱啱好，絕對係正宗泰國嘅味道！ 🌟泰式炒椰菜苗 ($96) 好夠鑊氣，好惹味，椰菜苗炒到好翠綠，色香味俱全。 🌟香葉辣椒肉碎炒飯 ($82) 好好食，份量好足！ 🌟紅咖喱雞 (HK$96) 濃郁而不膩，搭配嫩滑的雞肉，味道鮮美。 🌟無國界蒜蓉包 (HK$55) 外皮酥脆、蒜香的香氣四溢，令人一口接著一口。搭配紅咖喱嘅醬汁，更加惹味。

放假帶左蛋卷去錦田玩，順便係果邊搵野食。錦田美食集中地就一定係喺天空之城一間泰式餐廳有户外位可以比狗狗坐，仲有車位可以泊車都幾方便 🌟肉碎生菜包（$88） 我哋呢就叫咗一份生菜包，酸酸辣辣咁。而且肉碎好香香葉味，生菜亦都好新鮮👍做前菜都幾開胃嘅 🌟鹽燒鯽魚（$148） 超級推薦叫呢一個鹽燒鯽魚，佢燒得非常之好，出邊外皮燒到脆一脆，入邊打開係好暖滑嘅魚肉。而且冇乜泥味，份量亦都好大條👍點埋佢哋嘅酸辣醬汁一齊食就Perfect啦 🌟 黃咖喱雞（$96） 食泰國嘢點會少得咖喱，我哋就點咗一份黃咖喱雞，雞肉好嫩滑👍而且黃咖喱唔算太辣，即使有小朋友食都幾啱 🌟烤薄餅（$42） 食咖喱就一定要配薄餅，佢嘅薄餅好香牛油味嘅。味道都幾唔錯 ，如果多人食嘅，我會建議叫佢哋嘅蒜蓉多士都好出名嘅 🌟芒果糯米飯（$68） 芒果糯米飯同樣出色，芒果每件都好甜👍配埋暖粒粒嘅糯米飯真係最好嘅配搭👍

今日趁冇咩雨落，下晝去左元朗行山，行完之後當然就喺附近搵餐廳食晚餐，最後揀左喺錦田食泰國野，黎左呢間泰國餐廳食飯。 燒雞翼 食泰國野就梗係要試下串燒啦，今次試左佢嘅燒雞全翼，呢度隻雞翼火候燒得剛剛好，雞皮咬落卜卜脆，裡面嫰滑雞肉仲好好多肉汁，加埋個酸辣醬食話咁快就食哂成隻雞翼喇。 無國界蒜蓉包 係呢間餐廳名物黎，我地落左order之後，發覺原來周圍每一枱都有叫呢樣野食，呢度蒜蓉包有6大條，每條表面都均勻搽滿蒜蓉牛油而且烤得金黃酥脆， 黃咖哩(雞) 另外我地都叫左個黃咖哩配雞肉一齊食，呢度嘅黃咖哩唔辣但椰奶味重，配料有青紅椒、洋蔥同薯仔，適合啲唔食得辣嘅朋友仔食。 馬拉盞炒通菜 份量幾多，馬拉盞少少辣好惹味。 菠蘿海鮮炒飯 有鮮蝦，魷魚，青口，蟹柳，飯粒粒分明，夾埋菠蘿粒，腰果，肉鬆碎黎食，好夾又有口感。 鮮芒果冰 呢個天氣飲真係一流，透心涼，芒果味好出好鮮甜。 凍柑桔蜜 飲入口好滋潤，即刻覺得冇咁熱氣。 呢間餐廳仲要係寵物友善餐廳，食飯都見到好多可愛嘅毛孩

前排去左爾巒探朋友，夜晚食埋飯先走，以為呢邊禁辟會無野食，原來佢話附近都有好幾間餐廳，連泰國菜都有！ 呢間泰國菜餐廳都幾大間，初初坐低時只有1-2枱客，之後過一陣就接近坐滿人。 泰式炸春卷 $75 網狀炸春卷，入面有啲肉碎、蝦粒等。 沙律串燒 $54 沙律串燒可以一串串叫，$18一串，我地叫左2串牛1串豬，牛肉幾淋幾易咬開，無咩筋！豬肉都好食，但個人鐘意食牛多啲！ 泰式炒金邊粉 $98 金邊粉幾大碟，4-6個人share食都無問題！有3大隻蝦，味道吾會太酸。 鹽燒鱸魚 $198 呢條魚需要等30-40分鐘，因為要慢慢燒，但慢工出細貨，的確幾好食，魚肉夠滑，仲有汁，夠juicy，帶微微香葉味，骨亦都吾算多，值得等禁耐！ 珍多冰 $30 呢度既珍多有3隻色，幾colorful！ 最後仲有甜品送！呢度仲有室外可以坐呢！

元朗錦田天空之城隱世泰國小店 🇹🇭呢間泰國小店真系好隱世，藏喺一條窄窄嘅巷仔裡面，要唔係有心人，真系好難發現！ 🍞呢個蒜蓉包咬落去，外皮脆卜卜內里鬆軟，仲有濃郁嘅蒜香同牛油香🤗味道層次好豐富。 蒜蓉包唔單止味道好，賣相都好吸引。金黃色嘅蒜蓉同麵包嘅顏色形成好靚嘅對比，令人一睇就流口水。 蒜蓉包嘅香脆同咖喱雞嘅濃郁完美融合，每一口都系享受。配埋一杯凍啤酒，真系人生一大享受 🥗呢個泰式炒椰菜苗真系色香味俱全！椰菜苗炒到翠綠翠綠，仲保持咗爽脆嘅口感，一睇就知道火候掌握得好好。上面撒咗好多蝦米、辣椒同埋蒜片，令到成個菜更加惹味。 蝦米嘅咸香同椰菜苗嘅清甜完美融合再加上辣椒嘅微辣，令到成個菜嘅味道更加豐富。蒜片嘅香濃更加提升咗成個菜嘅風味，令人食過返尋味。 🐟鹽燒烏頭真係色香味俱全，令人食慾大增！烏頭魚燒到金黃酥脆，魚皮上面帶有少少焦香，但魚肉依然保持咗嫩滑多汁，真係燒得啱啱好。 鹽燒嘅做法令到魚肉嘅鮮味更加突出而且帶有少少鹹香，好開胃。配埋旁邊嘅泰式酸辣醬同魚肉嘅鮮甜完美融合 鹽燒烏頭真係好有水準，👍🏻唔單止味道好，賣相都好靚，令人食過之後仲想再食🥰