紅盒迷你倉荃灣店 RedBox Storage Tsuen Wan – 迷你自存倉

Patrick Tsang 好有禮貌、知道得一個人、佢主動幫我搬運、亦都知道我嘅困難、亦都立即好快咁幫我解決、所有善後工作，佢都做得好好

Patrick優質服務態度，講解清楚細緻，很清晰地講解所有程序，合約也解釋得很清楚，有賓至如歸的感覺，設身處地為客人，值得嘉許👍🏻👍🏻

因為搬屋第一次用迷你倉，個倉十分整潔，空間亦都好大，價錢合理。佢地員工非常友善，同事Patrick仲好幫手。大家如果好似我咁搬屋臨時好多嘢需要地方存放，十分推薦！

【2025 年 5 月更新】：用咗兩年，極度失望，已遷出。 為咩要走呢？海鮮價，用咗兩年，不斷加價，遠遠抛離同業加幅，作為顧客，已經唔理解 貴公司做生意，係做緊 retention 同 loyalty，定係每個月要吸新客追 KPI。 本人2023年5年以一個折扣優惠價，開始使用 貴公司 SMART 迷你倉。當時協助我的 CS 同事，清楚講明德士古道呢個倉，係 貴公司自置物業；換言之，呢個地點，應該冇來自大業主嘅加租壓力啦？ 2024年4月尾，貴公司通知我，期望加價 19%（以折扣價作基準計算），嚇窒本人之餘，貴公司職員介入，將加幅下調至 13%，並且因為佢為本人「成功爭取」，佢嚮本人 Whatsapp 窮追猛打要求本人點名畀個 5 星 Google My Business 好評佢。呢件事嘅荒謬絕倫同濫用平台 rating 搏取個人利益，我於當時已向 貴公司 Support Team 同事詳盡覆述。 2024年5月，結果係折扣價上加 13% 繼續租用同一個倉。 十個月後，2025年3月，本人又收到 貴公司通知，期望加價 9%（以最新折扣價作基準計算）。本人致電查詢，為何不足一年內，貴公司需要二度加價。當時冇得到一個合理答案。本人得到嘅回覆係「暫時唔加住」。 不出所料，兩個月後，2025年4月 貴公司通知本人，期望加價 16%（以最新折扣價作基準計算）；若以最早的折扣價作基準計算，貴公司嘅期望係加價 18%。 嚟到呢個時點，已經冇討論嘅價值；貴公司 CS 同事最後嘅回覆係「公司係必須要加價去維持服務」。 多得 貴公司嘅表態，本人才發現，同樣在荃灣西區，畀 貴公司更方便嘅地點、更大嘅倉面積、更友善嘅服務，原來畀 貴公司平一大截。 我尊重 Google My Business 嘅公正性，盡我所能，將事實紀錄返出嚟；希望協助其他消費者做消費決定時有個心理準備。 係失望離場。 * * * * * * * * * 【補充返】 (1) 下面一 part 個 5 星好評，係寫於 2023 年 5 月，當時有位客服同事 Benjamin Wong，服務同態度優良，幫咗我好多，簡直係客服界嘅天花板，所以我就畀咗 5 星、兼且寫咗一個真實嘅評價 。 (2) 上面一 part 係寫於 2024 年 4 月，表達返月租加幅接近 20%、有幾深。 原則上，相信冇一個正常客戶會因為 貴公司加租，而浪費自己時間幫手寫好評、畀星星。但念在舊年 2023 年客服同事 Benjamin 咁幫手，我就無謂 delete 呢個好評，都只係加多兩句，表達近日發生咗嘅真實事情。同事唔係真係諗住加少咗租，會搏得客戶好評？ 【意見】 希望 貴公司在保持一貫服務水平之餘，review 返現行嘅「開名點評至計數」機制、以及檢討一下個 SOP 有冇修正嘅必要。免得將一件本來可以用來公開表揚 貴公司嘅好事，因為同事爭取業績而弄巧反拙，變成浪費客戶時間成本的僵化制度。 * * * * * * * * * 寫於 2024 年 4 月： 2024 年 5 月開始，細倉加租 13-19%。 2024 年香港整體通脹率預測係 2.4%。 本來係有計劃今年換一個大少少嘅倉，但咁加法，都係唔攪咁多動作，捱得幾耐得幾耐啦。 * * * * * * * * * 寫於 2023 年 5 月： 接待處同事介紹詳盡有禮。場內非常整潔、空氣及照明管理亦舒適理想。大廈距離最近地鐵站步程十五分鐘，屬可接受；環境可。 首輪回覆查詢的同事 Benjamin Wong，細心聆聽客户所需，亦應記一功。

首次入倉， Ivan 講解流程非常順暢。首次入倉非常愉快。對使用倉的守則更加熟悉。