ÔDELICE (Tsim Sha Tsui) – 法國餐廳

最近同朋友去咗尖沙咀 The One 的 Odelice! 食晚餐，環境一入去就覺得好舒服，法式小酒館風格好有氣氛，黑白棋盤地磚配藤椅，坐窗邊位仲可以睇夜景，影相一流📸。服務方面真係要讚，店員有禮又熱情，主動介紹菜式同講下笑，成晚都好照顧，氛圍好輕鬆☺️。 先來頭盤「蟹肉牛油果他他」：底層牛油果熟度啱啱好，滑而不爛，面層蟹肉鮮甜，混入小量甜椒粒同香草，口感清爽，旁邊番茄汁帶微酸，令整體更開胃🥑🦀。之後嘅「凍肉拼盤」都幾有誠意，集合咗西班牙風乾火腿、辣味意式腸、法式火腿同酸種麵包；鹹香、辣勁、清爽同麥香一次過滿足，配埋小酸瓜同橄欖，味道層次豐富👍。 主菜我哋點咗「帶子燴飯」同「英國黑毛豬肩胛肉」。燴飯以魷魚、八爪魚香炒做底，所以一入口就有濃郁海鮮香；米飯保留少少嚼口，醬身橙紅帶番茄甜味，同海鮮的鹹鮮好夾，面頭四粒帶子煎到金黃，外層微脆、內裡嫩滑，夠晒滿足🦑🍚。黑毛豬肩胛肉厚切但唔鞋，肉汁豐富，表面再點少少香草油更惹味；配菜有燒粟米芯、薯蓉同法式獵人汁，粟米帶焦香甜、薯蓉幼滑奶香、獵人汁帶少少菇香同酸度，幫豬肉增添層次而不覺膩🍖🌽。 湯品「甘荀椰子湯」係小驚喜：甘荀自然甜加上椰奶嘅滑順，入面仲有菇粒同香草，暖笠笠好舒服，做前菜或者收尾都啱🥣。飲品方面我哋揀咗兩款無酒精雞尾酒：Coconut Dive 用菠蘿汁、椰子、檸檬調成，熱帶風味清甜解膩；Pistachio Royale 就偏向甜品感，底層有開心果醬、雲呢拿糖漿、植物奶，面層加忌廉、開心果碎，再放上酥脆卡塔菲絲，入口奶滑帶堅果香，中間有脆脆口感，甜度適中，幾驚喜🍹🌰。 總結：尖沙咀 The One 的 Odelice! 食物水準穩定，擺盤靚、味道有層次，尤其帶子燴飯同黑毛豬表現突出；配合熱情有禮嘅服務，整體用餐體驗愉快。以商場餐廳嚟講價位中上，但以份量同質素都值得回頭，再約朋友嚟試其他菜式都無問題✨。

【📍尖沙咀 法國菜 - 日常化的法國菜 貼地抵食又好味！】 Odelice! 嘅理念係想將法國菜更貼近生活，唔洗受傳統觀念覺得要好正式好傳統咁食一餐法國菜。上菜速度都係就返大家進食嘅狀況，完全冇大家印象中要食3個鐘嘅安排哈哈～ 重點推薦晚市套餐＄538兩位已經可以試到唔同菜式，又有前菜同湯。餐湯先上粟米蕃茄芝士湯，酸酸甜甜，十分開胃，又會保留口感。軟餐包配牛油，麵包香氣十足。 💡法國 Charolais 生牛肉他他 生牛肉冇食過嘅人唔洗怕會有腥味，Charolais牛肉本身就有種獨特既甜味，搭配簡單嘅調味應該好足夠。麵包仲要烘到好熱熱地咁食，好夾！店員見我哋好快食晒啲麵包，仲主動問我哋要唔要多少少，非常貼心～ 💡法國田螺 法國出名食田螺，白酒牛油香草湯汁平衡到螺個種腥臭味，薯蓉都非常好味。 💡紅酒牛面頰意粉 牛面頰份量好大，輕輕一切就夠，好腍同入味，意粉比想像中濕底，有少少湯麵feel。 💡煎鴨肝 油封鴨腿意粉 鵝肝肥美，油香落入意粉，都令鴨腿更有油香，意粉有用忌廉底，香滑好食。 💡Tequila Royale Tequila base 但唔會太嗆口，少少甜味，感覺似香檳。 💡Honey Ginger Punch 呢杯入口自然，甜味唔係化學糖漿味，係蜜糖同其他果甜，薑味添加左多一分層次。 // 🔍Odelice! (The ONE) 📍尖沙咀彌敦道100號The ONE 4樓L407號舖 //

👫🏼同朋友放假想搵個地方悠閒食 brunch，見ÔDELICE!有法國小酒館feel，就book枱試吓。Brunch set已經有齊頭盤、主菜同飲品，$98起又唔算貴 。 🥗 法國生牛肉他他做頭盤，牛肉嫩滑新鮮，拌酸酸嘅醬同蛋黃，入口好順，開胃又唔會太膩。 🐟 煙三文魚拼盤配雅枝竹煎醬酸種麵包好正！三文魚煙燻香濃，入口軟腍，酸種麵包焗得脆卜卜，抹上煎醬一齊食，味道好夾 。 🍲 地中海大蜆鍋配茴香酒醬汁，大蜆肥美多汁，湯底帶茴香嘅清香同酒香，味道濃郁又唔膩，啖啖鮮甜 。 🍔 煎法國鴨肝配手撕油封鴨腿肉漢堡配黑松露薯條係今日MVP，鴨肝煎到外脆內軟，入口濃香四溢，油脂同煮到嫩滑嘅手撕鴨腿肉好夾，鴨肉juicy又帶咬口，黑松露薯條香氣爆棚，食到停唔到 。 🥩 阿根廷安格斯肉眼牛扒配薯條，牛扒我地叫咗medium，外層微焦內裡仲可以將肉汁鎖得住，牛油汁濃滑香口，薯條金黃鬆脆，點汁食簡直一流！ 🥞 榛子朱古力醬煎香蕉可麗餅，可麗餅煙靭，香蕉軟熟同朱古力醬好match，食完心情都靚晒。 🥂 氣泡酒同白酒，特登叫咗2杯酒，2杯都清新帶微甜，解膩又加分，perfect！

在The One購物，見到這家溫馨別緻的法式西餐廳餐館好吸引人，藤編座椅、垂墜的吊花、昏黃柔和的燈光，每一處細節都充滿了不經意的法式浪漫，氛圍感直接拉滿！💐✨ 我們點了一整套菜色，從鹹點到主菜，再到火焰甜點，每一道都令人驚艷。 法點拼盤 多款小食誠意十足！ • 炸白汁三文魚球：外層酥脆輕盈，一咬開，溫熱濃郁的白汁和三文魚鮮味立刻湧出，口感層次豐富。🐟 • 煙三文魚鹹香軟嫩！ • 迷你蛋批：蛋香濃郁，帶著淡淡的奶香和焦香，非常討喜。 • 吞拿魚撻：吞拿魚肉鮮美，調味恰到好處，與酥鬆的撻皮是絕配。 加上 青瓜刁草醬增加了味覺的清爽！ 煎鴨肝 油封鴨腿意粉 鴨肝煎得外皮焦香酥脆，內部卻如奶油般細膩柔滑，入口即化，豐腴的油脂香氣在口中久久不散！油封鴨腿絲絲分明，鹹香入味，肉質完全不柴。意粉掛上了鴨油的香氣，每一口都讓人回味無窮。🍝 英國黑毛豬肩胛肉 豬肩胛肉烹飪得極其軟嫩多汁，肉香十足。搭配的法式獵人汁是點睛之筆，以蘑菇、香草和葡萄酒熬製，風味複雜濃郁，完美提升了肉的鮮味。旁邊的燒粟米芯清甜多汁，薯蓉則絲滑綿密如慕斯，奶香濃厚，讓人忍不住一口接一口。🌽 火焰橙酒可麗餅 服務員在桌邊淋上橙酒並點燃，藍色火焰騰空而起，酒香與焦糖香氣瞬間瀰漫開來。可麗餅吸飽了帶有橙皮芬芳的香甜醬汁，溫熱的口感，十分完美！ • Tropicolada 菠蘿和香蕉的熱帶果甜與椰奶的醇厚完美融合，清爽又充滿活力！🍍 • Pistachio Royale 這杯簡直是為開心果控量身打造！濃郁的開心果醬與雲呢拿的香甜交織，頂層的忌廉輕盈綿密，加上開心果碎和酥脆的卡塔菲絲（一種極細的酥絲），每一口都有豐富的口感與堅果香氣，令人無比滿足！🥤 這是一間無論在環境、服務還是菜品上都無可挑剔的法式餐廳！

法餐的配塔不知怎樣總覺得很有情調，今次仍舊點了清新的青瓜湯，杏仁片脆脆的，與青瓜味道很合襯。接着的法國生牛肉他他也非常豐富，他他的份量很大，足足有一板罐頭大小，還帶着芫茜香，非常抵食美味。 而法式煮青口方面，西式的煮法總是超嫩滑，牛油檸檬香湯汁再沾上塗上他他的麵包，絕對是香濃回味，當成湯飲亦妙。主菜點了香橙油封鴨腿， 飄來鹹香味十足的鴨味，伴碟是蒜香牛油炒薯仔，夾帶橙香汁零舍開胃！之後的澳洲和牛牛脊肉，切出多汁五成熟無花無假，鵝肝醬汁淋上後更突顯了和牛的滋味。 最後賭上會變成11分飽的風險，飲了一大杯香蕉奶昔，菠蘿乾好吃，車厘子帶有雲呢拿香。再用檸檬香濃茶味清除腦袋的雜念，有價值的飲食就應如此！