Amber – 高級法國餐廳

這是我今年第二次到訪Amber Amber係我近期試過最令人難忘嘅法國餐廳。每一道菜都展現出主廚嘅創意同心思，無論味道、擺盤定用料都非常講究。餐廳選用本地有機食材同可持續海產，令每一口都食得安心又美味。服務團隊非常專業又親切，無論細節定氣氛都照顧得好周到。整個用餐體驗由頭到尾都令人感受到奢華同溫暖，真係值得一試再試！ Amber的廚房體驗真係超難忘！用餐中段，會被邀請親身走入廚房，近距離欣賞主廚團隊即場烹調，仲會有專人講解菜式靈感同食材配搭。現場氣氛好專業又溫馨，食住廚師新鮮即做嘅菜，感受到佢哋對美食嘅熱誠同創意，真係好窩心！

7道菜式Menu(HSBC信用卡有買一送一)，仲要廚房體驗！平均$2788/ppl+1！主打美味、健康並存，新鮮靚食材加埋特別煮法同配搭，食得出食材最純淨原本味道，人生好值得試嘅一間餐廳。 每一道菜式都好唔錯，特別係佢最招牌Aka Uni, Cauliflower, Lobster jelly, Daurenki Tsar Imperial Caviar，望落勁震撼，上層爆多魚子醬，夾着龍蝦啫喱、海膽，一定要每啖都食勻哂每樣食材，口感超豐富，超鮮味，超正！單食外，仲可以放上個海帶脆片，唔會膩，當晚最愛。 其次有一道菜是會邀請你去廚房體驗，廚房會係你面前稍作烹調，今次係帶子再加左D自家醃製汁，用火松槍燒一燒，再原件黑松露逐片逐片削落去，好Juicy滑嫩！滿滿儀式感。 主菜我叫左鹿肉、和牛(加錢)，第一次食鹿肉 Game Meat，冇想像中咁難入口，味道帶好輕微騷味，點埋個黑朱古力BASE醬汁都幾特別。另外一款日本宮崎A5和牛就真係入口即溶，油脂感重，但都仲帶有牛香，絕對值得加錢。 甜品超多款，首先係米麴嘅甜品，表面再灑上少少脆米通，入口好軟滑，唔會太甜，做到好奶香！之後仲有甜品拼盤＋水果拼盤，每樣都唔差！當晚仲有個Infinity Cake，太飽最後打包拎走，佢勁幾新柚子檸檬，一D都唔膩，口感好似Cream cheese 咁細滑，好食。

今次享用了lunch full amber experience。 特別以下三款食物會想再食 -sourdough 配自家製堅果牛油 -king crab tomato -Normandy scallop salt-roasted celeriac 只有點可惜是食物送餐排序， 因為品嚐完較濃海鮮味的signature Aka uni 之後緊接就是Normandy scallop salt-roasted celeriac，令到後者味道有少少失色了。 而整體偏濃味，其他都正常發揮。 waiter 都好nice & helpful 適合慶祝生日，並前來感受一下米芝蓮2星的風味

一間好出色嘅米芝蓮法國餐廳，雖然價錢有啲貴，但食物嘅質素同味道都係非常之高！而且所有服務員嘅服務質素亦都係非常之好好有禮貌！

Amber 📍：香港中環皇后大道中15號置地文華東方酒店7樓 🚗：中環地鐵G出口 步行3分鐘 📞：+852 2132-0066 💲：~HKD1720/head for dinner Food quality ✔️：Amber 7 course Dinner HSBC 總結： 祝賀amber首奪三星 上年去食仲喺二星嗰陣就覺得佢值得三星🫡 其實都無需多言 成個體驗好好 有匯豐信用卡記得去試 抵食 amber二星實至名歸👍🏼 由頭到尾冇冷場 食物冇伏有舖排 每碟介紹得好詳細 唔止係食飯咁簡單而係可以去理解餐廳🍴嘅理念歷史 食完aka uni後驚奇地被邀請入廚房 親自睇廚師🧑‍🍳即場烹調金目鯛 體驗好特別 招牌aka uni 鵝肝珍寶珠同黑蒜肥肝都非常出色 成個配搭一流 令人印象深刻 其他菜式都唔錯 有層次感 唔單一 服務都好周到 經典文華東方式完美無可挑剔 但我個人喜歡貼地少少 感覺令人有點拘謹 朋友碟金目鯛食到魚骨 仲要幾大塊 二星唔應該犯嘅大忌 所以要扣啲分 ======評分====== ：🌕🌕🌕🌕🌗 💲：🌕🌕🌑🌑🌑 📸：🌕🌕🌕🌕🌑 👩🏻‍🍳：🌕🌕🌕🌕🌑