Cupping Room Coffee Roasters
{“星期二”: “10:00-19:00”, “星期三”: “10:00-19:00”, “星期四”: “10:00-19:00”, “星期五”: “10:00-20:00”, “星期六”: “10:00-20:00”, “星期日”: “10:00-19:00”, “星期一”: “10:00-19:00”}
Cupping Room Coffee Roasters
{“星期二”: “10:00-19:00”, “星期三”: “10:00-19:00”, “星期四”: “10:00-19:00”, “星期五”: “10:00-20:00”, “星期六”: “10:00-20:00”, “星期日”: “10:00-19:00”, “星期一”: “10:00-19:00”}
填寫評論
Read More Reviews
麵豉湯
1 年前閒日同朋友嚟西九文化區飲咖啡兼曬太陽🌞，車可泊露天停車場， $28 一小時（星期六日$32/一小時），在西九文化區消費滿$200 （可夾兩張單）就可以換領免費泊車兩小時。 ［換領免費泊車🅿️地點］： 1）在故宮博物館樓下，或 2）露天停車場出閘口嗰間亭。 Cupping Room嘅咖啡☕️一向不錯（幫襯過中環、海港城），今次西九文化區分店就第一次幫襯。個景真喺超正，雖然夏天下午嘅氣溫高達攝氏三十度，但朋友話想曬太陽，於是就同佢一齊曬，出一身汗⋯好爽！ 可惜在室外飲☕️不能用瓷杯，要轉用紙杯，口感就不太好了 閒日14:30-18:00嚟飲咖啡，可以➕$28享用一件蛋糕🍰，結果即場叫了杯Oat milk Dirty ☕️+ Earl Grey Cream Roll，而朋友嘅蛋糕🧁quota就叫了芝士蛋糕（攞走返屋企第二日送咖啡），一樣都咁好味呀！
April Lau
3 年前🌬打風前的一杯咖啡☕️ 今日下午因為打風而打亂了行程，那麼唯有靜靜地守候打風前燒天那一刻，可惜燒不起！ 位置：在故宮博物館的地下，店前方正好是海濱長廊，是欣賞日落🌄的好位置！ 環境：以灰色為主調，落地玻璃門採光十足，室內以長方形，一邊是以灰色瓦片作牆身的圓形座位，中間是咖啡和吧台，天花掛有圓滾滾的白燈，穿過一個圓栱形的門就是一張大玻璃枱和角落的吧台，整體是現代型格工業風格，帶少有許中式設計。 服務：用枱上的QR Code下單和付款，不過有時職員清潔枱不夠乾淨，不過不收加一服務費就算了，自行清潔了！ 🥥Coco Chanel Iced ☕️ $50 椰香🌿抹茶鮮奶咖啡☕️ 在餐牌上覺得特別又可以打卡的咖啡，三層色：🌿綠、🥛白、☕️啡，底層是綠茶，中間🥛鮮奶，上層是☕️咖啡，未攪拌前喝一口，很甜的味道，所以一定要攪拌，奶味較淡，抹茶和咖啡之間平衡👍🏻，能喝到少許的椰絲，是不錯的精品咖啡☺️。 總結，店內食物當然性價比不高，但環境和位置是頗佳🥰，可以靜靜地享受獨處的時光也是不錯的選擇！
fai0286
1 年前兩個月之間來了幾次，幾次都幫襯呢間因為唔太想食餐又想坐低Hea 一粒鐘左右，今日呢杯椰奶抹茶Latte以凍飲$58來講貴係貴咗d但有景又唔熱，杯飲品都可以嘅。原本覺得抹茶咖啡同椰奶可以夾咩？？但如結果係都幾協調喎。係第一啖會好覺個啡味但攪勻之後又變返杯抹茶飲品
KawaiiBroccoli
11 個月前每星期都有1-2日過嚟飲杯咖啡, 啡好飲,服務態度nice ! 但都唔會次次寫評價吧! 估唔到今日終於要寫~原因係見到個無理客人買其他嘢食去人哋餐廳食不特止,仲聲大夾惡話個店員,話邊度寫住呢個area只係呢間餐廳架? 呢張枱呢個area係西九area嚟架........ 一路bilibala 鬧果個帶帽嘅男仔, 心諗咁劣質唔擺佢出嚟點得呢~hahahaha,我好好人用emoji架喇 :) 想讚揚一下果個staff,遇著呢d KAM客都保持禮貌咁請佢哋離開,果位女士d語氣惡劣到一個點都保持應有嘅服務態度~抵讚!!! 平時我都有同入面d staff傾兩句, 之前有個女仔,呢幾次嚟都見唔到佢,可能冇做了, 又係好nice好好人架:) 在於本人立場又唔係好似其他評價講到咁差啫~可能我早(11點左右)冇乜人掛, 試過下晝放狗見到人多到驚,何況入面做緊嘢打緊仗嘅staff呢, 比d同理心啦香港人~ 另外, 多口有少少提議,可唔可以放個溫馨提示响枱上面提一提d人,唔駛產生不必要嘅争拗 :) 大家開心
Bobo Chow
4 個月前呢間精品咖啡️Cafe 越開越多分店☕多次喺咖啡界奪獎🏆除咗咖啡 仲提供輕食, 意粉, 甜品✨設戶外座位 望住海景 夠晒寫意🌊 . 📌SMORREBROD北歐式三文治 $138 〰️TWO toppings任選兩款〰️ 嚟到當然要試吓招牌北歐三文治🥪選用黑麥麵包 扎實煙韌 酸中帶麥香🥖 1️⃣Pan-seared scallop & avocado香煎帶子配牛油果 牛油果蓉份量勁多 軟滑Creamy 濃郁清香🥑兩大粒帶子 好厚身 煎至半熟 軟嫩入味🦪配埋三文魚籽同炸蒜 鹹鮮香口 好惹味🍣🧄 2️⃣Fig & hazelnut toast (with ricotta & maple)無花果榛果吐司配里考塔芝士及楓糖 無花果軟熟清甜 配上綿滑濃香Ricotta 清新輕盈 味道超夾🧀再加埋香甜楓糖漿同香脆榛子 層次更豐富🍯🌰 . 〰️Lunch Combo〰️ 📌Satsuma chicken spaghetti 招牌忌廉雞肉意粉 $138 唔知係唔係午市套餐 份量偏少👀忌廉汁濃稠度剛好 香滑creamy🤍加咗少量辣粉 惹味得嚟 平衡膩感🌶️意粉爽彈煙韌 口感唔錯🍝雞肉好嫩滑 不過有雪藏味🍗另外仲有啲肉碎 都幾足料🏻 . 📌3”黑森林巴斯克芝士蛋糕 $68 @lavina.hk 嘅蛋糕 賣相好精緻❤️🔥除左車厘子 仲有酸甜爽滑車厘子啫喱🍒配以64%黑朱古力 同軟滑雲尼拿mascarpone 口感味道更豐富💯朱古力巴斯克芝士蛋糕外層扎實 中間軟心🍰啖啖甘甜朱古力味中 帶點芝士鹹香🍫🧀雖然得3” 細細個 但食落都幾溜👀 . Lunch配$50或以下飲品 📌Long black (Iced) 咖啡口感順滑 甘苦濃醇☕️手多加咗豆奶 味道唔太夾 嘥咗杯靚啡↕️ . 📌Coconut matcha latte (Iced) $58 做到三色漸層 打卡一流💚🤍🤎清甜椰子🥥回甘抹茶🍵香醇咖啡☕️三者味道完美平衡‼️ . 如欲查看相關食物相片 可到本人Instagram/OpenRice查閱🔍