Bendito Cafe 幸福森林咖啡館 – 咖啡店

#eatgood_元朗 🍝三文魚籽墨汁蟹肉意粉 $128 (6/10) 食落去好大浸蒜香味，唔係好食到墨魚汁味，意粉硬度剛剛好，賣相都唔錯，但係味道就欠缺咗層次，蟹肉同埋三文魚子都唔突出。 🍝辣味蕃茄醬雞胸長通粉 2.0 $108 (7/10) 呢個比墨魚汁意粉好食，食落去有蕃茄嘅酸味，同時又帶少少辣，雞胸就正正常常，整體嚟講冇咩驚喜。 ☕️熱鮮奶咖啡 $30 (6/10) 正常苦苦地，不過比較細杯啲。 ☕️凍香橙美式咖啡 $40 (7.5/10) 好飲好多，飲佢酸酸地有橙汁嘅香味好清新！ 推薦指數: 7/10 唔使揸車專登入嚟食，搭車就更加不了，不過住元朗又想超吓嘅話都可以一試嘅，冇驚喜，但係唔伏！ 📍幸福森林咖啡館 (元朗) 元朗新田下新圍村福興里23號 #香港美食 #hkfoodie #食好西 #hkig #hkeat #hkfood #food #tasty

🔷🔹〚🌳錦田｜🪵隱世木屋咖啡店🌴☕️〛🔹🔷 📍地址: 元朗新田下新圍村福興里23號 ✿味道：4/5 ✿🏙️環境🏙️：4/5 ✿🤵🏻服務🤵🏻‍♂️：4/5 ✿👀賣相👀：3/5 ✿💰價位💰：3/5 ↠⏰時段：Lunch 13:00 ↞ ✦✧「幸福森林咖啡館」喺新圍村入面，地理位置比較隱蔽，不過就遠離繁囂，小店以深木色小屋🛖搭配木系嘅傢俬，配埋植物作為裝飾，以森林為主題；另外仲有室外座位，以木系傢俬同埋草地配搭；而且免費泊車同埋pet friendly。 ✧✦ 呢間餐廳係自助落單，但係店員嘅服務態度都超級好，而且性價比都OK，不過如果想食埋佢啲蛋糕就要早啲落單，好快就會冇晒；另外餐廳仲有少少麵包同埋曲奇餅賣。 ————————————————————— 🍽️❝Bendito Desayuno 全日早餐❞ $118 ☞ 呢個全日早餐重點配咗南瓜芝士薯餅，其他餐廳比較少有，而且真係出奇地好食，另外佢係有Parma Ham同埋哈蜜瓜🍈配搭，加埋沙律菜同埋炒蛋；相對其他全日早餐有少少特色。 ————————————————————— 🐥❝Caramelized Deep Fried Chicken Wings 焦糖脆香單骨難翼❞ ☞ 呢個單骨雞翼係餐廳送嘅，當日只要follow ig，就直接會送呢一碟雞翼，而呢個雞翼係單骨嘅，上面係有啲蜜糖，但係相對味道比較淡。 ————————————————————— 🥛☕️❝Flat White❞ $40 ☞ 呢杯Flat white拉花還好，咖啡豆嘅味道唔算好出，入口都順滑，整體都還好。

係香港，要搵一間pet friendly 既餐廳，其實都幾少選擇。有日look look 下，見到一間好relax 既樹木系cafe，話可以帶狗狗。咁就帶埋朋友同我個寶貝女去探下路先！ 睇地址好似好格攝，其實都唔算難去。 自己揸車，佢有mark左啲cafe專用停車位，就係正cafe隔離，夠哂方便。 搭車，都可以打的，或者坐76K，都一樣好易搵到。 地點其實比我想像中便利。 環境非常舒服，好恬靜❤️，好relax，我自己就好鐘意。餐廳裏面，都比較簡潔，又有啲大自然嘅元素，令人覺得好舒服，喺度睇書，或者一個人me time下，做吓嘢，都幾寫意。 如果有狗狗呢，就要坐室外啦。不過，店員都好細心，準備咗大風扇，同點咗天然嘅驅蚊蚊香。狗狗同主人都舒服。 ⭐️全日早餐 配 南瓜芝士薯餅 一定要提個炒蛋，好好食！質地好鬆軟，加咗好香嘅橄欖油，個底係好香嘅香草軟包，成件事好夾好襯，唔會太heavy，好好味‼️本身想走嗰陣時買返個香草包，點知又唔記得咗 另外個南瓜芝士薯餅，都幾特別，出面都好似好少見到，外面炸得好脆，入面有南瓜蓉，同埋拉絲芝士，都幾得意！👍🏻 再加啲哈蜜瓜同埋Parma Ham伴碟，好豐富啊❤️ ⭐️Egg Benedict 配 煙三文魚 可以選配煙三文魚或者Parma Ham，我就揀咗煙三文魚。 Egg Benedict最緊要就係隻蛋，切開係流心，真係好重要‼️底部係比較硬身嘅muffin，但係因為比較索汁，所以都吸收晒流心蛋嘅蛋黃，再加埋煙三文魚，都幾好食。仲有一整排好甜嘅芒果伴碟，正！👍🏻 ⭐️Orange Americano 本身驚住又甜又苦會好古怪，點知原來有幾得意喎。下層係香甜嘅橙汁，上層係Americano，攪勻左之後，咖啡味已經唔突出，橙汁變成主調，但個底又仲會飲到淡淡嘅咖啡，無淨係飲橙汁咁甜，都幾得意。 ⭐️手沖咖啡 咖啡豆嘅選擇唔多，只係得兩個地區嘅咖啡豆，亦都係比較Fruity嘅口味。最後，揀左味道無咁酸，帶朱古力味重啲嘅哥斯達黎加。又估唔到，其實都唔係好酸咋喎，冇想像中咁Fruity。雖然個底都係有提子嘅酸味，但朱古力味可可味令到口感變得Nutty，我覺得都幾好飲。 總括嚟講，本身一心只係諗住，搵一間可以帶狗狗一齊食嘅餐廳。 點知佢嘅環境，令我好意外，好有驚喜！ 喺呢個比較冷門嘅地利位置，佢嘅食物質素(特別係麵包)，令人印象非常深刻。 想同狗狗relax一番嘅朋友仔，可以試吓呢間餐廳呀！

我們是即興walk in，店外有寵物友善座位，職員會跟狗狗玩，而且室外會開風扇很貼心。 當天試了店家自己釣的魷魚，略嫌調味有點鹹，比較期望吃到食材的鮮味，漢堡包正常發揮，喜歡他的薯條是現成薯仔㓟成 而不是急凍薯條。 揸車可以泊在旁邊的學校停車場空地，都算方便。

🌟餐廳：幸福森林咖啡館 📍地址：元朗新田下新圍村福興里23號 💰價位：$101-200 ⏰營業時間：星期一08:00 - 17:30/星期二全日休息/星期三至日08:00 - 17:30 📱電話：97052824 放假最爽就係訓到自然醒， 跟住再慢慢整野換衫出門口💗 今日去位於元朗新田既幸福森林咖啡館🌟 朋友之前去過幾次，大力推介我試吓， 好彩佢好貼心一早BOOK咗位🤪 12點LUNCH TIME全場滿座，仲有唔少人等緊位🏻‍♀️ ——————————————————— 🔹Egg Benedict 班尼迪蛋 可選配巴馬火腿/煙三文魚 賣相擺盤100分，超吸晴 英式厚鬆餅咬落相當鬆軟， 荷蘭醬濃稠滑順，帶點酸香味，開胃又惹味～ 水波蛋一切開即流出軟嫩蛋黃， 再配以甘甜芳香又柔軟既巴馬火腿，層次豐富！ 伴碟仲有淋上意大利黑醋既新鮮沙律菜， 以及金黃香甜既芒果片～ ——————————————————— 升級套餐揀咗是日餐湯🔹栗子南瓜湯， 口感綿密滑順，帶點奶香味，相當CREAMY。 ——————————————————— 🔹煙三文魚配青醬菠菜忌廉汁扁意粉 扁意粉口感厚實有嚼勁，掛汁一流～ 煙三文魚嫩滑甘香，帶點煙薰味， 青醬菠菜忌廉汁香氣十足，濃滑清新！ ——————————————————— 🔹伯爵茶咖啡 伯爵茶清雅帶點佛手柑香，完美融入咖啡， 口感圓潤醇厚，飲落細膩清爽。 ——————————————————— 🔹凍美式梳打咖啡 香醇美式咖啡加入梳打水，清爽易入口。 ——————————————————— 🔹焙茶芝士蛋糕 芝士蛋糕綿滑保持濕潤感， 與甘香焙茶平衡得剛好， 口感綿密，入口回甘～ ——————————————————— 味道：4/5 🏢環境：4/5 💁🏻‍♀️服務：4/5 💵價錢：4/5 🤟🏻性價比：4/5 ———————————————————