Food Maze – 餐廳

同女朋友行到屯門市廣場，唔係特別肚餓，就揀咗「Food Maze」入面兩間唔同風格嘅餐廳試下 我自己就揀咗「厚興瑜記手撕雞專門店」嘅上湯魚腐娃娃菜。成碗湯清清地，唔油膩，魚腐滑溜溜，啖啖都吸曬湯汁，娃娃菜爽口又唔會煮到爛曬，啱曬唔太餓但又想食d暖嘢嘅我 女朋友就揀咗「胡椒廚房 - Pepper Lunch」，個鐵板餐一上枱就熱辣辣，d肉汁吱吱聲，圍邊仲有「Caution Hot!」嘅字樣提醒你唔好心急。飯上面鋪滿咗肥牛、粟米、同西蘭花，香味撲鼻，夾埋d蒜蓉汁好惹味，女朋友仲加咗佢最愛食嘅芝士腸，味道同鐵板餐嘅味道超夾 整體嚟講，「Food Maze」雖然d餐具唔太乾淨，要自己用濕紙巾消毒，但環境算ok，座位唔算太迫，啱曬想輕鬆食餐飯又唔想太正式嘅情侶或朋友聚餐。下次肚餓d再試埋其他店舖啦！

今日同朋友約咗喺屯門，每次出嚟都系要食咗嘢再行街，今次就揀咗去FOOD MAZE，位置在屯門屯順街1號屯門市廣場1期2樓2253A號舖，呢個都系朋友帶我去，原來入邊有好多間美食鋪，可以滿足兩個人想食嘅嘢！ 佢比平時嘅food court裝修得靚好多，今次就選咗一個甜品和三餸飯！ 三餸飯選咗紅燒豆腐，咖喱雞，蒸水蛋，豆腐嫩滑，咖喱雞都整得几入味，蒸水蛋好滑，家常便飯的味道！ 甜品就選咗爆炸朱古力雪糕窩夫套餐，呢間在FOOD MAZE一入門口位！窩夫整得外脆內軟，配埋雪糕就是一個合格嘅飯後甜品！ 里面太多選擇啦，今次就揀呢兩個啦，下次可以再試埋其它！

環境舒適既food court, 地方大,選擇多,有唔小學生幫襯,所以 返學日子 lunch time 係超多人, 好難搵位,如果係學校假期既平日, 係鬆動好多,亦易有位 我食過幾間 Pepper lunch, 成間 food court 最有人氣, 閒閒地要等半個鐘先有得食, 泰潮, 海南雞飯好食,雞肉嫩滑,油飯好味,但小左碗雞湯, 冬陰功湯檬粉唔夠辣亦唔夠酸，可能就香港人口味 日色野,櫻木食堂, 滑蛋豬扒飯, 豬扒脆口,夠厚, 滑蛋好味, 天婦羅飯, 炸蝦脆口，蝦肉爽彈，蝦味夠，其他炸物都好正, 但跟餐送既綠茶/烏龍茶係唔凍既紙包飲品,扣分 韓式野, 泡菜炒飯唔夠味,麻麻

泰菜又幾好食嘅 只係啲米唔得 但串燒同餸好好食！仲送椰子雞湯 韓菜唔掂

屯門市廣場 food court 一般東南亞中西餐，應有盡有，價錢大衆化，值得試試。