Zan Chee Central – 餐廳

網上搵到ZanChee售賣韓式便當，見評語很好並由韓國人主理，決定去看一看。 店舖主要是做外賣生意，看到餐柜上的韓國食品，一碟一碟細細的盡入眼簾，韓國人好喜歡每個菜都是一小碟的，五花八門真的很難選擇，幸好有些方便便當，香港人當然是要方便的那一款，快靚正最適合我。 我選了魚糕飯卷、甜辣炸雞、炸紫菜粉絲卷和煎餃子的套餐，魚糕飯卷有非常豐富的餡料，包括蘿蔔乾、青瓜、甘筍、牛蒡絲、魚糕等等，份量超足的，一啖都食唔晒。甜辣炸雞不算很辣，甜味比較重，炸雞拎到返公司仲有微暖，外脆內軟，肉質不會好鞋。炸紫菜粉絲卷是最好味，清淡的粉絲被紫菜包裹著，炸得香脆。煎餃子味道一般。下次有機會再試下拌飯和炒粉絲。

🇰🇷Gimbap Gimbap🇰🇷 推介指數❤️❤️❤️❤️🤍 沙田新城市新開韓式料理外賣店，位於食肆層。門面光猛，白色粉綠作主調感覺清新。超大個display 櫃，放置唔同冷盤，櫃頂亦有熟食陳設睇下實物。未試過有啲花多眼亂，睇實物決定點都快過睇menu嘅～食住韓式外賣煲韓劇，爽爽爽！ 🔅R8飯捲+炸紫菜+炸雞HKD75 ✨一盒滿足三個願個願望，有Gimbap 有炸雞仲有炸紫菜。拎外賣時炸雞熱焫焫，返正屋企凍咗🥲食落醬汁甜酸度剛好，內層雞肉嫩滑juicy。 ✨Gimbap 餡料多過飯，且豐富又新鮮，食多多都唔會覺得膩呀！ 🔅芝士飯捲HKD45 ✨餡料同樣豐富又新鮮嘅飯捲，加上芝士做主角，多一份美味！ 整體食物都好新鮮，而且包裝盒好for size~ 舟車勞頓都走位或者漏汁。

天氣好熱，就想快啲買完嘢，返屋企開大冷氣， 坐係屋企邊度都唔去！喺一田行完街買完餸之後順便去買韓式便當！其實早起靚過以前我已經買過一次覺得幾好食！佢一個便當可以食六種菜式小食，仲有埋高纖維嘅紅糙米飯！賣相幾吸引！我揀咗韓式炒牛肉便當🍱韓式炒牛肉係三大格嘅其中一間！好吸引！佢哋嘅泡菜仲好新鮮唔算好辣，食落去好開胃！仲可以試埋佢哋嘅甜辣炸雞，比想像中更香脆！就咁睇都有三四塊，每件炸雞都沾滿甜辣醬薯仔煮得軟身，甜甜地鹹鹹地，不錯！仲有韓國辣椒開胃前菜 紅米煮得香軟， 口感豐富！ 鵪鶉蛋以醬汁炮製，份外入味！包裝精美嘅便當就咁拎返屋企就得啦！

中上環有好多好食既外賣料理店, 呢間都唔例外！ 一入到店內，已經比所有韓式伴菜吸引住，款式多到目不暇給，有辣有唔辣，有d仲好特別，一般韓式料理都唔會見到，例如辣小蟹、辣芝麻葉等等，好想每款都試下！加上店員服務態度熱切，一開口有濃濃韓式口音英文，看起來應該全部都是韓國人，簡直好似一入店鋪就去左韓國般！ 選擇困難如我，方便地選擇了最簡單的lunch box, 75蚊係飯盒的中上價，但質素出奇地好，屬於高階品質！ lunch box 包了主菜，五種配料及紅米飯，望落去真係賞心悅目，有菜有肉，不同味道都有，可以逐一介紹下！ 主菜四選一我選了辣炒豬肉，濃濃泡菜味，對我黎講有少少過辣，但配飯岩岩好。順帶一提，米飯咬落口煙煙韌韌，好有米香！ 另外配菜有炒雜菇、甜黑豆、辣泡菜、西蘭花沙律、炸天婦羅，樣樣都整得好精緻，睇得又食得～

今日睇完韓國綜藝，決定夜晚一定要連接住韓國感覺，所以就去到沙田市中心周圍行下睇下有咩食。 發現韓國餐廳不多，但俾我發現左一間由全部店員都係韓國人既外賣店。當然韓文一句都講唔到既唔洗太擔心，因為他們都可以用英文溝通。 店舖最吸睛既係一大個凍櫃入面全部都係韓國地道既小菜。 眼望應該有超過三十款，十分吸引。 另外，店舖都有熱食，有飯卷，炸雞等等。 最後我真係揀唔落手，所以店員推介左我可以揀一個box set. 有包括炸雞同飯卷！ 炸雞外賣後拎到翻屋企，本身都擔心會唔會軟哂，結果翻到屋企炸雞仲係好脆，而且唔油，十分推薦！ 另外，男朋友點左個辣魷魚拌飯，拌飯很貼心會另外給辣醬，令食客可以自行調整辣度。 順帶一提，拌飯份量很足，連大食既男朋友都話好夠飽。 這間餐廳性價比很高，而且中環也有分店，中環翻工既我又一大福音了。