麻甩爐海鮮雞煲私房菜 – 餐廳

出面食雞煲火鍋通常都係得兩個鐘左右就要走人，每次都食到趕頭趕命，最近朋友就帶咗我嚟呢間火鍋雞煲，呢度有三個小時食，時間可以食得鬆動少少。 餐廳環境幾寬敞，店內有 CCTV 俾客人睇到店外情況，泊車都安心啲，飲品雪櫃雖然得三格，但係種類都唔少，而且啤酒仲可以任飲。 餐牌提供海鮮、牛肉、烤魚三款套餐，自己係海鮮控當然食痛風餐，打邊爐之前就要揀咗雞煲先，雞煲有五種味道選擇，我哋揀咗招牌麻甩味。 每個套餐都會送嘅刺身拼盤，三文魚可以無限量添食。 雞煲打開蓋後香味即刻湧晒出嚟，味道唔算太辣不過幾惹味，而且雞嘅份量都唔少。 食完雞煲就到揀湯底，湯底有八種味道，揀咗出面比較少見到嘅蜆湯底，先食完蜆肉再加火鍋湯。 海鮮套餐嘅一次性拼盤有扇貝、鮑魚、花甲、蜆同蝦，蝦同蜆之後都可以任叫。 套餐提供二款牛肉，肥牛雪花紋幾靚有牛味。

我哋嗌咗麻海鮮盛宴（$368） 呢個套餐就包括咗一份時令刺身拼盤、豪華動L時令海鮮拼盤 其他嘢就可以任飲任食（包括三文魚刺身） 雞煲可以5選1 + 湯底可以8選1 我哋就揀咗要香濃椰子雞煲/蕃茄豬骨湯 我想講佢哋嘅雞煲同埋湯底都真係好濃郁 （椰子雞煲應該係我食過最濃嘅椰子雞煲） 飲落去真係超香椰子味🥥 呢個湯配娃娃菜簡直一流 同埋佢哋嘅雞肉食落去都好嫩滑 蕃茄湯飲落去都好甜 咁之後就講吓佢哋嘅肉類/海鮮啦 美國精選肥牛食落去紋路都幾唔錯 頂級牛版腱食落去嘅牛肉味比較濃郁 美國黑豚肉食落去比較爽口 黑豚豬腩肉就比較乾身 全部海鮮食落去都好新鮮🥳🥳 我自己就最鍾意帆立貝同埋鮑魚 因為食落去真係好煙韌 咁之後就講吓其他配料啦 不得不提嘅一定係我最鍾意嘅三文魚刺身‼️‼️ 食落好新鮮之餘亦都好厚肉 （我好似Encore咗三四碟🤣🤣） 除此之外佢有啲炸物亦都係新鮮滾熱辣炸起嘅 所以食落去真係好酥脆

海鮮盛宴 + 養生蟲草花雞 + 混你個醬卜卜蜆鍋 ($368/位) 三文魚可以無限任食，時令刺身拼盤刺身比起連鎖日式放題刺身更新鮮 養生蟲草花雞煲湯底亦充滿菇菌香氣，單是雞湯我也喝了三碗，不同部位的雞件亦十分嫩滑，若然食完了所有雞件仍未滿足，亦可請店員幫忙再加雞件任食。 混你個醬卜卜蜆鍋帶微辣，配上娃娃菜底的清甜十分開胃。 火鍋用的動L時令海鮮盛宴絕對是肉眼可見的新鮮，另有蜆﹑沙白﹑蚌﹑鮑魚﹑帆立貝，最驚豔的是肉質爽口彈牙的蚌及鮑魚。 炸物私心最愛白茶奶黃流心球，脆皮的外層﹑煙韌的糯米球包著鹹甜的奶黃醬完全正中我的口味。 不論飲品﹑配料﹑甜品全都一應俱全，三小時任飲任食絕對物有所值。

✨ 麻甩爐海鮮雞煲私房菜(大埔) 之前舊鋪位都有食過覺得唔錯 最近佢地又翻翻黎大埔有3個價位比大家選擇 我地今次簡左海鮮聖宴、招牌麻甩雞煲、湯底就叫左沙嗲湯～ 麻甩雞煲超濃味好好食我地仲加左一次雞🤣真係好惹味又唔會好辣 不過都真係幾麻 🐟刺身拼盤 三文魚可以任食嘅～整體質素都唔錯 食完雞煲就打邊爐!! 沙嗲湯底濃郁 唔使點醬都好夠味✨ 🦐海鮮拼盤 啲蝦勁生猛仲郁緊～仲有沙白、蜆、貴妃蚌、鮑魚同帆立貝 火鍋配料有肥牛、牛板腱、墨魚滑同蝦滑等～ 自助區都有各式各樣丸類同蔬菜俾大家揀 野飲、啤酒同雪糕雪條都有～

「麻甩爐」在大埔重開了！餐廳改用了放題套餐。新推3款主題任食（海鮮/和牛/烤魚），今次點了「牛肉盛宴」套餐（$328/位），由雞煲食到火鍋，重點係有A5豐後牛🐮登場！ 🔥 頭盤：椰子雞煲暖胃必飲 揀咗椰子雞煲，雞件嫩滑無雪味，湯底清甜到連飲3碗！ 🥩 重頭戲：7款頂級牛肉拼盤（每款1輪） ▶️ A5豐後牛：油花靚到發光！入口即溶牛油香 ▶️ 封門柳：厚切有嚼勁，牛味濃郁 ▶️ 安格斯牛頸脊：肥瘦均勻，涮5秒最正