印尼沙嗲屋 – 印尼餐廳

串燒好好食，好豐富嘅沙嗲汁，毫不吝嗇。沙河嗲汁好味，食到有好獨特嘅香料，色香味俱全。食串燒可以選啲點到醬嘅嘢食。 另外叫咗個蝦醬炒飯，飯唔夠乾身、蝦醬味道唔夠。

串燒好食 但無堂食 一串大概有四舊 份量一般 。 沙嗲汁甜甜地幾惹味

冇得食燒賣，唯有去食印尼沙嗲補返數。 可能未到食飯時間，排隊嘅人唔算好多，由於係即叫即燒，所以就算人少，都要等15分鐘先至有得食。 唔知點解，印尼串燒之中粗眉仔都唔會食豬肉，所以簡簡單單，今次一牛一雞一羊就算。 印尼沙嗲嘅靈魂，主要都係沙嗲汁同埋熱辣辣嗰種刺激法。佢哋嘅沙嗲汁係自己調配，入邊有粒粒花生，食落椰香十足，好鬼正。 不過出乎意料，雖然價錢咁平，但係佢哋用嘅肉質素亦都唔錯，雖然個汁咁重咁濃仍然食得出肉味。 冇辦法，羊肉始終係最好食，所以比其他肉類貴一蚊都係值。 好多姐姐都嚟幫襯，而且連老闆娘同老闆都識講印尼話，可想而知佢哋有幾正宗。

2024/09/15 今日去度仲見到老細坐係度坐陣，咁就知d食物質素依舊，沙嗲汁最好味。 ===================================== 2022/10/14 已經食開多年, 最好食一定係沙嗲汁, 其他都係配角。

每次見到都十分多人排隊，而且香氣四溢，終於一試。串燒不熱的，肉很普通又有點靭，而沙嗲汁更有花生香但沒有其他味道。可能那些串燒不是現燒吧。