米線陣 (連城廣場店) – 中式麵食店

極低性價比，加$11要豬軟骨，比得圖中細細舊（完全未開始食前拍照），向店員提出意見只獲得冷眼和一句回覆：份量係咁多就得咁多。$79一碗垃圾 完全唔值

工作繁忙，放工夜咗都會食埋飯先翻屋企，有時太攰無咩胃口食飯嘅時候，我就會選擇食米線，而米線陣亦係我首選 米線陣最近就推出咗季節限定新餐牌，當然要第一時間去食啦 🥢風琴豆腐串 X 風味鹽酥雞 香濃擔擔湯米線 - 季節限定米線，用上人氣湯底 香濃擔擔湯底，以長時間熬製嘅豬骨濃湯，加入花生醬、肉燥、秘方香辛料、榨菜、花生碎等等，每一啖湯都濃郁惹味！ 其一配料鹽酥雞亦係季節限定新推出，外皮炸至金黃酥脆，食落鮮嫩又夠juicy 其二配料風琴豆腐串，盡吸湯底精華，明知會爆湯都忍不住咬落去 🥢香蒜茄子 - 茄子微微酥炸後配上蒜蓉和醬料，食落蒜香微辣，我會推介呢款小食 🥢雙檸可口可樂 - 在可樂加入檸檬及青檸，雙重清爽感，消膩平衡 (可選正常版或無糖版) 🥢肥牛魚腐 麻辣蕃茄湯米線 (轉薯粉) - 呢款亦係我經常食嘅人氣米線，蕃茄嘅清甜搭配四川麻辣湯，酸甜中滲出麻辣香味。而肥牛和魚腐份量都好足夠 🥢大汗豬扒 - 厚切豬扒炸得酥脆，沾上麻辣紅油，以蒜香椒香粒墊底，鍾意食辣嘅不能錯過 🥢蒜泥白肉 - 食米線經常會叫嘅一款小食，每一口有齊麻、辣、香、爽多重口感，非常醒胃！

連城廣場 一杯凍檸茶除了一片正常的檸片外，其餘的是檸檬皮，細細粒唔知點切的？仲可以沖出來俾客飲。還有是忘記了加糖的。

米線及小食味道幾好，係有啲貴 。 杯野飲就唔得，水加薏米加一二片青檸，無味的 。

二人晚餐$179，有兩碗兩餸米線，二款自選餸同一款菜加兩杯野飲。 米線可以㨂兩款餸，都幾多選擇，豬軟骨要另外加錢，其他唔使。我地㨂左雲吞，豬頸肉，魚腐同牛𦟌，全部味道都正常，唔難食嘅。湯底原味豬骨湯唔使加錢，其他都要加。成碗米線味道一般，我個人覺得譚仔好食啲。 餸就㨂左： 口水雞：比其他舖食到嘅辣少少，唔食得辣唔好試，份量唔算好多，肉都算滑，味道都唔錯。 大汗豬扒（連骨）：有啲油膩，唔香脆，唔算辣，味道好普通，無特別。 上湯雜菇時蔬：成個餐最好食係呢個。 飲品：可以㨂特飲，青瓜豆漿幾fresh，幾特別，飲品唔會太甜，唔錯。 講真$179有咁多野食，已經算好。