貓抓烤肉 MEOW BBQ HK – 燒烤餐廳

午餐時段 唔需要加一,仲有任食套餐選擇。套餐分A、B、C三款, 我哋揀咗B餐,$208一位,主打澳洲牛,真係冇令人失望! 牛肉質素相當高,非常新鮮,燒嘅時候肉汁鎖得好足,入口濃郁牛香,完全對得起個價錢。餐廳環境清靜,冷氣夠強勁,坐得舒服,抽風系統都做得唔錯,唔會油煙攻身。每張枱都鋪咗油紙,侍應反應快,不時主動換紙,咁就唔怕燒煨食物,細心位加分! 飲品方面有兩款免費選擇,我哋揀咗雙檸檸檬茶,酸甜清新,好解膩。出面有個小型自助區,有唔同醬料、沙律、 紫菜湯同甜品,幾豐富。雪櫃有好多款韓式飲品,試咗青檸梳打水,清爽好味。最後食埋個椰汁糕,滿足!

⭐️宮崎和牛三部位：牛肩柳、保樂肩、牛板腱 餐廳主打嘅宮崎和牛，絕對係全場焦點！宮崎牛係日本頂級和牛之一，油花均勻細緻，肉質嫩滑得嚟帶濃郁牛香。今次套餐包括三個部位，各有特色： ⭐️牛肩柳：肉質偏瘦但唔會韌，燒到五成熟剛剛好，入口即溶，牛味濃郁得嚟帶少少甜味，蘸少少海鹽已經足夠帶出鮮味。 ⭐️保樂肩：油花比牛肩柳多啲，燒完後油脂香氣爆發，肉質軟嫩，配埋餐廳特製嘅蒜蓉牛油醬，真係邪惡到極點！ ⭐️牛板腱：呢個部位比較少見，肉質帶少少筋，但燒完後反而有咬口，油脂分布均勻，牛味最突出，推薦配wasabi或者柚子醋，可以平衡油膩感。 ⭐️海鮮拼盤：美人虾 + 小吊桶 食完濃郁嘅和牛，緊接住係清新嘅海鮮！美人虾大大隻，蝦肉爽彈鮮甜，簡單用牛油燒香已經好正；小吊桶（即小魷魚）更加係驚喜，燒到微微焦香，入口嫩滑帶嚼勁，蘸少少檸檬汁更能帶出鮮味。海鮮新鮮度滿分，完全冇雪藏味，同和牛形成完美平衡。 ⭐️石鍋拌飯：韓式風味嘅滿足 雖然係烤肉店，但佢哋嘅石鍋拌飯絕對唔馬虎！上枱時熱辣辣，飯底有脆口嘅飯焦，配料有牛肉碎、蔬菜、雞蛋同韓式辣醬，撈勻後每一啖都香辣惹味。尤其係食完咁多肉，呢個飯可以中和油膩感，而且份量十足，兩個人share剛剛好。 ⭐️甜品：焦糖布丁 食到呢度已經好飽，但甜品係另一個胃！佢哋嘅焦糖布丁絕對係高水準之作，布丁口感滑溜，蛋香濃郁，甜度適中，唔會太膩。作為一餐嘅完美結尾，實在冇得輸！ ⭐️飲品：水蜜桃檸檬茶 今次試咗佢哋嘅水蜜桃檸檬茶，清新解膩，水蜜桃嘅香甜同檸檬嘅微酸平衡得好好，唔會太甜，飲落好refreshing，尤其適合配烤肉。

性價比高，買網上套餐再加散叫，飽到要攞走 staff 又nice，未人齊都叫我入去坐住等

貓爪烤肉近排出咗好多唔同嘅套餐優惠，喺旺角行完街，所以同朋友上去燒下肉。 一上到去見到大量貓貓，裝修都好用心。 一入門口附近仲有個自助吧，有沙律菜同埋各種配料比人選擇。 今次我哋嗌咗宮崎和牛套餐 宮崎A5和牛-牛肩柳 宮崎A5和牛以其卓越嘅肉質同豐富嘅油花而聞名，尤其係牛肩柳部位。 輕輕燒一陣，啲肉汁已經爆曬出嚟，肉質細膩且多汁。 每一啖都感受到肉嘅嫩滑同油花嘅爆發，真係舔舔脷。 宮崎A5和牛-牛板腱 牛板腱嘅口感非常出色，好好咬口，又有豐富和牛肉味。 呢種部位嘅肉質比較緊密啲，但仍然保持著和牛特有嘅細膩感，呢個價錢食到和牛套餐真係好抵 海蝦 & 魷魚 小品桶 海蝦口感爽脆，魷魚就有適當嘅嚼勁，兩者都好新鮮，呢個套餐入邊再加少少海鮮，同和牛嘅豐富味道拼埋一齊，即刻點綴咗成個餐嘅level 喵宇宙炸小酥肉 炸小酥肉係整餐中嘅一個小驚喜。 外層嘅酥脆同內部嘅嫩滑形成咗完美嘅口感對比。 食入口仲熱辣辣，我同朋友好快就清哂。 石鍋拌飯 石鍋拌飯係整餐嘅收尾重頭戲之一。 石鍋嘅高溫保證咗飯嘅外層酥脆，而內部則保持著適當嘅濕潤。拌飯仲加咗蔬菜粒同紫菜，調味恰到好處。 陳皮酸梅湯 朋友叫咗陳皮酸梅湯，微酸同陳皮嘅香氣，啱啱好中和咗燒肉嘅油膩感 貓肉掌焦糖布丁 焦糖布丁係整餐嘅甜點重頭戲。呢間貓主題嘅燒肉舖喺甜品上面做咗唔少心思，呢個焦糖布丁仲有貓貓嘅小肉掌造型。超級可愛！ 外層嘅焦糖甜度恰到好處，唔會太漏，就食晒成個甜品。 貓抓鮮奶奶凍 鮮奶奶凍係另一道令人驚喜嘅甜點。 呢個奶凍超級軟滑，貓貓造型好動L，朋友同我都忍唔住係咁搖呢個甜品。 奶凍嘅口感綿密，奶味濃郁，係一個清爽嘅結尾。 總括而言，依套燒肉肉質都十分之高質，環境又舒適又闊落，肉類同埋海鮮嘅種類都唔少。呢個價錢喺旺角食到燒肉十分之抵食，仲好有質素。 下一次會再同朋友嚟試埋其他套餐，見到隔籬枱嘅套餐都裝飾得好靚，而且份量都好多！

琴日終於去咗傳說中旺角嘅「貓爪烤肉」，室內座位寬敞，佈置貫徹貓貓主題 🥢厚切和牛貓罐頭 呢個一出場就全場焦點，用一個巨型罐頭造型裝住啲肉，好有創意！打開嘅時候，有啲煙噴出嚟，視覺效果滿分入面有厚切美國牛肋、厚切西班牙黑毛豬五花、厚切牛舌、厚切日本宮崎A5和牛同澳洲殼飼牛板腱，每款肉質都好唔同。尤其係宮崎A5和牛，油花分佈勻稱，入口即溶，真係鮮香滿口；而牛舌口感爽彈，配埋啲自助醬料，真係一流！ 🥢貓爪泡椒肥牛 呢道菜係辣味控嘅福音，泡椒味酸辣開胃，肥牛薄切卻又唔失肉味，吸晒泡椒汁嘅香辣，好惹味！ 🥢貓爪鐵板豆腐 豆腐煎到外脆內嫩，鐵板上仲有少少焦香，配埋醬汁真係好滋味，簡單而出色👍🏻 🥢小吊桶 魷魚仔經過燒烤之後，口感彈牙，微焦嘅部分增添咗一陣煙韌嘅香氣，仲帶有少少鹹香味，呢個配啲冰啤酒，感覺一定仲正！