La Barra Spanish Tapas Restaurant – 西班牙小食餐廳

接女朋友收工去食佢話想食好耐既西班牙小店。 先黎一碟黑毛豬火腿做前菜，咬落去油香滿溢帶少少嚼勁，配上微甜嘅白酒 Sangria ，2種甜味係口中交錯，為今晚嘅美食之夜拉開序幕。 見到 tapas 有3款可樂餅，全部$20 一件，即刻叫哂嚟試下。 松露蘑菇一切開，好濃郁既松露香氣撲鼻而來。 蟹肉入面充滿蟹肉絲，好鮮味。 一咬落去墨汁魷魚就係食到海水既味道，加埋粒粒魷魚好彈牙。 三款都炸得金香酥脆，每件同雞蛋差唔多大，一定要叫。 封門柳5成熟好軟腍，下面係鷹嘴豆蓉，打得好滑身，連埋塊牛一齊食更加滑，再飲多啖紅酒Sangria，清爽醒胃既味道沖淡左牛肉既膩，一啖牛一啖酒完全忘卻返工既煩惱。 我哋仲叫左精選魚塊配西班牙短麵，我哋覺得好似豉油皇炒麵既甜豉油軟腍版，因為短麵軟身細條可以直接用匙羹食，麵條吸哂海鮮湯既鮮味，麵底焦脆更加出色，中間帶有細碎既八爪魚粒增加口感，然後魚塊又好滑溜，三者加埋就係好食。 今晚呢餐飯食得好開心，食物出色，員工有禮貌，難怪咁嘅時勢都可以 full booking，我哋話下次要約多幾個friend 試埋西班牙紅蝦意粉同烤乳豬。

今次食每碟都好鐘意！回訪100%！ —— 西班牙封門柳 $168 肉質真係冇得彈好軟淋！牛肉味極濃！！！仲唔係薄切食落啖啖肉好滿足！呢個差唔多每枱必叫！淨係為咗佢都可以再嚟！ —— 西班牙蒜油蝦 $108 大癲，唔好以為個蝦係主角，同人一齊食嘅話，唔該快啲搶咗塊包﹐一吓浸落個蒜油到，啲蝦味爆炸咁湧晒出嚟，我每啖包都係咁倒蒜油落去 —— 蕃茄多士 $42 多士薄脆，蕃茄落咗橄欖油fresh得嚟又有啲調味，好好食好開胃 —— 紅蝦海鮮飯 $328 圓碟上枱俾你影咗相，之後店員幫你拆啲蝦膏出嚟撈埋個飯，不得了！！比普通海鮮飯更加濃香，啖啖都蝦膏味，飯粒煮到好煙靭超好食！ —— Churros $78 黑朱古力醬超級香，油條入面軟心但外面又好香脆，呢個份量比想像中多，有成六條仲長過隻手指！男朋友推介要連埋雪糕食，體驗冰火兩重天 🌟推薦指數：10/10‼️ ▫️▫️▫️▫️▫️▫️▫️▫️▫️▫️▫️▫️▫️ 📍 La Barra Tapas Spanish Restaurant 長沙灣福榮街512-518號地下A號舖

❝長沙灣超正西班牙菜小店🇪🇸🔥❞ig 人氣超高✨私心推介5️⃣道必試菜式🥰✌🏻 終於嚟食bookmark咗好耐，被譽為媲美Picapica嘅西班牙菜小店，果然沒嚟錯每樣都好食，0伏👌🏻 西班牙炒飯調味香濃，海鮮好新鮮🦐💦，而啲米比西班牙當地煮得相對淋啲，應該會比較啱香港人食。 一定要留肚食甜品churros🤎，炸得好酥脆少chewy，朱古力醬好濃唔甜so goood!!🥰 tomato bread嘅包好脆，蕃茄好refreshing但略嫌蕃茄味較淡🫢 croquette外皮酥脆，私心比較鍾意mushroom多啲🍄‍🟫，似食緊一個固體版mushroom soup，超濃蘑菇味👍🏻 🧾𝙞𝙩𝙚𝙢𝙨 𝙤𝙧𝙙𝙚𝙧𝙚𝙙: (🧡4/5) •seafood paella $258 •churros $78 •pan tomato bread $42 •croquettes (squid / mushroom) $20@ •octopus “a la gallega” $168 📍La Barra Tapas Spanish Restaurant 長沙灣福榮街512-518號地下A號舖

訂左1830枱， 1930 已經開始提醒要8點交枱， 份量普遍都較細份。環境窄坐正廚房出餐位大油煙

Set Lunch係抵食嘅！ 幾款Tapas比較普通 ，主菜Paella蝦湯底味濃郁飯粒有咬口，鹹度已經比一般調低至更易入口。