{“星期二”: “12:00-16:30,17:30-23:00”, “星期三”: “12:00-16:30,17:30-23:00”, “星期四”: “12:00-16:30,17:30-23:00”, “星期五”: “12:00-16:30,17:30-23:00”, “星期六”: “12:00-16:30,17:30-23:00”, “星期日”: “12:00-16:30,17:30-23:00”, “星期一”: “12:00-16:30,17:30-23:00”}
{“星期二”: “12:00-16:30,17:30-23:00”, “星期三”: “12:00-16:30,17:30-23:00”, “星期四”: “12:00-16:30,17:30-23:00”, “星期五”: “12:00-16:30,17:30-23:00”, “星期六”: “12:00-16:30,17:30-23:00”, “星期日”: “12:00-16:30,17:30-23:00”, “星期一”: “12:00-16:30,17:30-23:00”}
填寫評論
Read More Reviews
Jaysen Chan
1 個月前做完gym想同朋友食個西餐，入到嚟$10一隻蠔優惠嘅蠔賣晒，唔緊要，牛扒一樣有protein。叫左個24oz牛扒，400幾蚊大大份幾抵食，最開心呢度食牛可以練到做gym練不到的部位: 1. 手腕與前臂：平均每一小塊牛板腱需要切25下左右先切得開，全方位訓練手握力、前臂以及手腕。 2. 咬合力: 由於gym沒有鍛鍊咀嚼肌嘅器材，依到的牛完美提供鍛鍊咬力的機會，back day之後成功加插一個mouth day，希望聽朝下顎線會明顯咗。 3. 心力: Sol House 的食物提醒咗我做人唔應該淨係為咗享受，要有刻苦耐勞嘅心態，只有雪水味冇其他味嘅牛扒完美做到依一點。本人最後成碟清晒，吃得苦中苦方為人上人。 仲有個炸豬手同德國拼盤其實都好值得分享，但由於篇幅所限，下次食再分享。 總結：雖然同特價生蠔無緣，但短短一餐晚飯令我身心獲益良多，推薦荃灣街坊去食 （對面就係Anytime fitness，做完gym黎加操完美）
chun ki lau
4 個月前食物方面：幾好食我叫咗個和牛面頰意粉，意粉唔會煮到好腍有少少彈性，面頰有三舊大嘅肉，有小小臊味但係可以接受，女朋友叫咗個龍蝦辣椒蒜片闊條麵，龍蝦偏細隻肉質梅咗少少，面質彈牙幾好食調味適中唔會過辣或者過鹹，甜品叫咗檸檬撻，好食不過佢都係叫貨只可以話揀得幾好 服務方面：簡直係災難，侍應非常之冇禮貌，唔覆單都算數，我攞住個餐牌叫嘢食每叫一樣你淨係識覆我「嗯」，跟住問佢嗰個闊條麵入邊有冇菇菌類同埋洋蔥，佢話應該有，咁我就叫如果佢有就幫我走咗佢，點知上到嚟都仲係有菇，咁我自問都好客氣問佢點解有菇，跟住佢就好串咁同我講聽唔到「喎」，咁而家使唔使幫你換咗佢「吖」，最後我驚佢加料所以我都冇要求更換
Kwok Louise
1 週前Good quality lunch set deals we had really enjoyed ❤️❤️❤️ love the foods and love the service! 休閒午餐之選！ 👍👍👍
lAM lAM
11 個月前14：00 左右先到餐廳, 因為過左食飯時間, 所以好似包左場咁, 除左牛扒啲筋多左啲同埋香梨芝士蛋糕同我心目中有出入之外, 其他野食既味道都好好味, 雞扒個皮煎到好脆 👍🏻 打完卡個雪糕都唔係溶左好多, 下次會再黎
Germaine Tse
2 年前荃灣入咗夜都真係幾多人，要搵一間唔會限時嘅餐廳都唔係咁容易。 呢間餐廳喺荃灣市中心，位置都算便利。 餐廳入邊都算大，可以容納到好多人，一大班人食飯，黎呢度都幾適合。 而且佢選擇都幾多，仲有$10一隻生蠔優惠，呢個真係勁吸引‼️ ⭐️ $10一隻新鮮生蠔 雖然佢好平，但真係好鮮甜好新鮮‼️即開即食，超級正！講起又想再去添 *每位顧客止限六隻 ⭐️ 烤12oz特級牛腹肉 熟成程度啱啱好，肉質鮮甜，表面煎得香口，點少少鹽都夠晒味啦 ⭐️ Cheesy Nachos 鍾意佢有兩種芝士鋪面，啲配料全部係set side，你鍾意點咩醬就點咩醬，作為餐前小食，或者摸着酒杯底傾吓偈嘅佐酒小食，都係個唔錯嘅選擇👍🏻 ⭐️澳洲藍青口配西班牙辣肉腸忌廉汁 辣肉腸忌廉汁都幾特別，但就唔係好食到辣味，反而覺得個Sause 好Creamy，而且佢仲有跟蒜蓉包，點住個忌廉汁食超級一流👍🏻 我哋都有叫其他嘢食嘅，我就主力介紹返我鍾意食嗰啲，其他嗰啲就留返你哋自己去發掘啦❤️ 📍 Sol House Oyster Bar and Restaurant (荃灣) 荃灣享和街43-59號都城大廈地下57A號舖 Please follow my IG if you like my review. IG: goodeatmeal