{“星期二”: “12:00-22:00”, “星期三”: “12:00-22:00”, “星期四”: “12:00-22:00”, “星期五”: “12:00-22:00”, “星期六”: “12:00-22:00”, “星期日”: “12:00-22:00”, “星期一”: “12:00-22:00”}
{“星期二”: “12:00-22:00”, “星期三”: “12:00-22:00”, “星期四”: “12:00-22:00”, “星期五”: “12:00-22:00”, “星期六”: “12:00-22:00”, “星期日”: “12:00-22:00”, “星期一”: “12:00-22:00”}
填寫評論
Read More Reviews
koo winnie
3 週前實測人氣豬肉專門店 主菜配菜都有水準 每次經過沙田呢間美式餐廳都坐滿人，今次同朋友提早六點嚟試。主打豬但餐牌選擇比預期多，意粉、沙律、海鮮都有得揀，甚至還有墨西哥料理。 🐖 招牌豬肋骨 好抵食🔥 幾條肋排鋪滿鐵板，份量超足！ 輕輕一切就骨肉分離。 醬汁微辣帶甜，肉質軟淋唔乾柴。配菜有清爽椰菜沙律、香甜玉米同粗身薯條，薯條放涼咗都仲脆身。 🍝 蒜辣大蜆意粉 有驚喜❤️ 大蜆數量算充足，隻隻開殼冇沙。 意粉軟硬適中，蒜片同辣椒炒得香口又唔會過油，橄欖油香襯托到蜆嘅鮮甜，算有驚喜 🍨 心太軟配雪糕 最滿足 ‼️ 流心朱古力濃度剛好，唔會甜到膩。雲呢拿見到有雲呢拿籽，凍熱交替食好過癮。 兩個人叫咗兩個主菜加甜品，埋單差唔多$600。平日七點前入座唔使等位，要讚係上菜速度夠快，落單後15分鐘就到齊。 --- 🏠The Salted Pig 📍沙田正街18-19號新城市廣場一期7樓702號舖
da daily
1 個月前又來到我最愛的美式餐廳 碟碟菜式份量超大 而且每一道都很讚 🥗Skinny Pig Salad 先來一客沙律打打底 大量的菠菜、西柚和紅菜頭 加上新鮮的橙汁作調味 非常清新 🐷招牌德國鹹豬手 有足足1kg重！ 上枱時已切開 不用自己處理 豬手啖啖肉 皮脆肉香 雖然是鹹豬手 但不會太鹹 配酸菜又是另一種風味 可以解解膩 配菜的薯角和炸甘荀都很出色 🍄🟫雜菌松露意大利飯 份量很多！ 香噴噴的松露醬汁非常creamy 兩人食超飽的 價錢又不算貴 推介給所有沙田友👍🏻
Cherrie Lau
1 個月前今日繼續去新城市廣場覓食，去到7樓一間西餐The Salted pig ，之前都食過佢嘅九龍灣分店，今日放工同男朋友去食晚餐醫下肚🤩🤩！ 叫咗一個晚餐set，$288有前菜、主菜、甜品，Menu好吸引，前菜同主菜都加錢嗌咗想食嘅嘢 前菜揀帶子刺身沙律！幾好味，刺身新鮮，有jelly感，配上蕃茄沙莎醬，味道好開胃，值得一試！ 主菜係食羊架（+$100），一上枱就好驚艷，雖然份量唔大，但係肉質真係好靚，燒得好柔嫩，肉汁好足夠，係好高質嘅一道羊架🫶🏻🫶🏻配上黑松露薯泥同雜菌，配菜味道都調校得好好。 再加點一道主菜，青汁燒雞肉貓耳朵意粉，見到貓意粉，即刻好想試，碗型很掛汁，彈牙口感很有趣！ 貓耳朵的形狀就是獨特🥰🥰
Yi Chan
3 週前酸辣欖油大蜆意粉：微辣,幾惹味，蜆肉大隻鮮甜，意粉彈牙， 煙煙韌韌. 招牌手撕燒烤雞肉三文治配薯條：薯條即炸，上碟熱辣辣，粗身有薯味，三文治好足料，咬落啖啖肉，推介 BBQ ribs:份量多，肉質鮮嫩，唔嚡口，好腍，小朋友都啱食 新豬肉配墨西哥芝士粟米薄脆： 粟米薄脆脆卜卜，上面鋪滿墨西哥芝士和新豬肉，還配有多款醬料供自由配搭，好豐富
豬太郎君
2 個月前一家人出去食飯最驚要等位，好彩豬門店自己有Website 可以Book 定枱，唔駛擔心會餓親小朋友！平日嚟上菜速度都快好多，呢度嘅食物分量都幾大，妞妞仲細，一家三口 2 個set Dinner都好夠！$228嘅Set Dinner就有齊前菜、主菜同甜品。部分都可以再加錢錢upgrade㗎！ . Starter ➜蕃茄芝士肉丸 以滿滿嘅蕃茄醬同芝士烤焗嘅肉丸，仲可以拉絲，入口酸甜Juicy又好味，作為前菜非常開胃！ ➜煙三文魚凱撒沙律 簡單嘅沙律都可以好吸引！一次過有齊爽脆嘅沙律菜、肉質軟滑帶有鹹香嘅煙三文魚，仲有脆脆嘅麵包粒。 . Main ➜雙重海蝦意大利飯 帶小朋友出街點都要有啲飯落肚嘅，呢款海蝦意大利飯吸滿龍蝦湯汁，粒粒飽滿，配料嘅兩款蝦肉（海蝦&虎蝦）都好爽口㗎。 . ➜香烤阿根廷肉眼 12 安士 烤到外香内嫩嘅阿根廷肉眼牛味濃郁，入口又嫩又多汁，對我地兩公婆嚟講勁享受呀！唔駛點太多Gravy Sauce 都已經好夠味，留返嚟點薯條都一樣咁正！ . 主菜都好夠飽，豬太郎就冇再upgrade甜品，同妞妞食完自家製雪糕就返屋企嚕！ . #msmessypig_food