C3 – C.Free Restaurant – 西餐廳

茶餐廳咁嘅感覺嘅意粉地方 記得以前好好味，份量又大 越做越差 等超級耐，佢哋會等埋一次過有其他客人叫同一款意粉先會 預咗落咗單等。半小時先有得食。 永遠都係得一個侍應 同埋而家好似貴咗好多 份量又少咗 叫一個黑椒牛柳炒意粉 數埋都唔夠五粒牛柳

C3，一間樸素，員工友善，只有意粉和意大利飯嘅小店。手寫餐牌，字體好靚，一人煮理，講到明要耐心等候。 一次黃昏偶遇，6：15pm剛開店就入座，唔夠15分鐘，半間小店已坐滿人，7點離開已客滿。雖是小店，座位都唔算少。口味比較家庭式。 🍽️每個餐點都有🍄磨菇湯或南瓜湯+🥖焗蒜蓉包，不過蒜蓉包係送完即止🥲 兩個湯都試過，都係鐘意磨菇湯，鐘意有口感；南瓜湯就淡啲滑啲。 🍝鮮茄蓉蝦仁帶子意粉 $62 雖說是蝦仁，但見到實物應該係正常大小，一啲都唔細隻。反而帶子屬BB級，應該改口叫帶子仔🤣。意粉煮得剛好，真係食到鮮茄味，蕃茄味好濃郁，有4隻蝦，幾粒帶子BB，份量正常，唔夠食可以加底。 🍝菠菜汁煙三文魚意粉 $62 菠菜汁比較青淡，伴著煙三魚咸香，總體都係淡口，當然煙三文魚只有2片，係唔夠喉🤣。 🍝墨魚汁魷魚圏蟹籽意粉 $62 墨魚汁做得好夠味，以前食過較稀和較淡。呢間做得剛好，夠咸味，夠濃郁，每條麵都被汁包裹住。蟹籽夾雜係意粉中好有趣，突然有一啖咸香脆係當中。 ☕餐飲熱檸茶，茶較淡，唔係茶餐廳果啲濃茶。 🍹見隔離枱叫凍飲，個杯大到似啤酒杯，好誇張囉，凍飲都係+$2，抵👍。

味道不錯 每兜意粉都係即叫即煮 一碟一碟分開煮 有心意 但因為一人製作 所以等餐時間較耐 我嗰日大概等左40分鐘先上菜 如果趕時間要注意 侍應服務態度不錯 價錢都幾相宜 即使晚市都有$50左右既意粉 包餐湯 蒜蓉包 凍飲+$2 (好大杯)蘑菇湯好好飲👍🏻

喺IG見過幾次foodie推薦 影到好吸引 一直記喺心入面諗住有機會去試下 咁岩夜晚8點經過附近就嚟試下 門口keep住有人排隊等 好好生意 環境好茶座feel 諗住咁嘅環境都咁多人排隊食食物質素一定好高 結果係極之失望 首先出餐勁慢 但其實一邊等 坐下傾下計都幾好 問題係店內冷氣好細 空氣又唔流通 人又多 等到好辛苦 叫左2個餐 等左35分鐘 蘑菇湯其實調味幾好 但太稀太淡 蒜蓉包凍嘅 應該擺左一段時間 叫左一個帆立貝墨汁意大利粉 另外加$48要一件鵝肝，一個鵝肝黑松露意大利飯 帆立貝唔新鮮 霉嘅 而家一般平民西餐廳嗌件鵝肝多士都係$38 加$48件鵝肝仲薄過紫菜煎得又唔好 對比上網睇啲相賣相差極遠 個鵝肝黑松露意大利飯 稀到好似粥咁 唔係白飯求其溝啲白汁就叫義大利飯 自己屋企煮好過 $146個咁嘅質素意大利飯 我寧願食薩莉亞 同樣價位西餐廳元朗有好多選擇 嗰附近例如法國小屋，鳳琴街都好多好選擇 成餐飯唯一可取嘅就係佢跟餐飲品好大杯

餐廳環境尚算舒適，食物出品不過不失，唯獨所謂現製蒜蓉包不是現製的，這個有點失望。總體評分可以壹試。