寶石餐廳 – 西餐廳

朋友生日，揀左呢間The Diamond restaurant 慶祝生日，呢間未裝修前都已經食過啦，質素唔錯架 之後全面裝修，變成一間提供融合菜式的西餐廳，聽講係由多年有經驗的大廚同埋創意十足的新力軍二廚合作添🤩 餐廳環境好靚，有高級西餐廳既感覺，而且座位舒適，空間感好大，好岩一大班朋友一齊聚餐👍 我地揀左二人套餐，有麵包，餐湯，前菜，主菜，甜品 💡麵包餐湯: 麵包好有驚喜，係鬆餅麵包feel，餐湯係南瓜湯+羅宋湯 南瓜湯好清新，羅宋湯更加濃味，岩我口味 💡前菜: 呢兩款前菜都好推薦，自家製煙燻油甘魚刺身及油甘魚他他。 油甘魚他他好鮮甜同清新，值得一試。 💡主菜: -炭燒紐西蘭肉眼扒+三色汁: 叫左五成熟，牛扒好大塊，炭燒後外層好脆，肉質keep到好嫩口，加埋特製三色胡椒汁，味道好夾好香濃，而且配菜好豐富 - 香煎鵝肝忌廉意大利飯 鵝肝厚身，油脂感好滿，忌廉意大利飯醬汁味道適中，完成唔膩。 🔶甜品: 熱情果乳酪忌廉杯 & 朱古力奶凍 餐廳性價比好高，而且環境高級，絕對可以再Encore。

以前叫「寶石餐廳」，而家叫做「The Diamond」，真係有驚喜！呢間餐廳2017年開業，之前一直以港式懷舊鐵板餐為主，但喺2024年經過全面裝修同改革，變咗一間悠閒嘅西餐廳，仲融合咗好多創意菜式。 我試咗佢哋嘅晚市二人套餐，餐包好香，羅宋湯同南瓜湯都好濃郁，熱情果沙律又清新，搭配嘅蘋果木煙燻帶骨豬鞍七成熟，肉質嫩滑，真係好好味！再加上風乾豬面肉卡邦尼意粉，意粉滑溜，味道濃郁，絕對夠味！ 最後，我仲飲咗芝麻拿鐵，味道香濃，完美收尾。而凍檸檬佛手柑鐵觀音茶都好好飲。 總括來講，「The Diamond」無論係食物質素、環境或者服務，都好值得一試！

呢日放工之後約咗同事去元朗呢間前身係寶石餐廳嘅The Diamond，餐廳經過翻身之後裝修好靚，位置又闊落，佢係芭堤雅姊妹店，性價比高。一坐低就有呢個welcome Drink。打開餐牌，見到啲dinner set都好抵食。 我哋點咗烤番茄醬海鱸魚柳配菇菌薯蓉同懷舊羅仙尼牛柳配薯菜呢兩個餐。餐包同埋餐湯都唔錯。 烤番茄醬海鱸魚柳呢道菜一上枱就有陣香噴噴嘅番茄味撲鼻而來，啲海鱸魚柳烤得啱啱好，表面微微焦黃，咬落去外脆內嫩，唔會過火。配埋酸甜嘅番茄醬，啱啱平衡到魚嘅鮮味，唔會搶晒佢風頭。 懷舊羅仙尼牛柳，簡直係一場味蕾盛宴！牛柳煎到係medium rare，肉質非常嫩，仲帶住少少肉汁，完全冇雪味。上面嗰層自製鵝肝醬係重點，幼滑香濃，完全提升咗成道菜嘅層次，食落有種高級餐廳嘅feel。配埋甜品同飲品，perfect！

自從餐廳經過重新裝修後，遲遲未有時間到訪，今日元朗放工終於機會嚟到喇。餐廳裝修後不單面目全非，連菜式都有大改革，由以往懷舊鐵板餐到現在創意無限的西餐廳。 餐廳位於元朗安樂路，港鐵站步行四分鐘左右就到，地點旺中帶靜。餐廳環境闊落舒適，設有長卡座，空間感十足。 - 煙燻迷迭香三黃雞（半隻）²⁸⁸ 三黃雞經蘋果木煙燻後，雞肉表面充滿煙燻香氣，食落味道鮮甜，肉質軟嫩多汁。而旁邊鋪滿色彩繽紛的配菜，有荷蘭豆、紅蘿蔔，薯仔等等。單靠視覺效果都已經令我食慾大開。以上為晚市套餐，包含餐包、餐湯、餐飲及甜品。性價比相當高！ - 香煎法式鵝肝牛肝菌意大利飯¹⁹⁸ 厚身鵝肝表面煎得香脆內裡軟滑，油脂感滿滿的。加上牛肝菌清新感覺中和了膩感，簡直係絕配。而意大利飯軟硬適中，醬汁份量及味道亦剛好，同鵝肝牛肝菌味道配合得很好，沒有互搶風頭的感覺。值得一讚！ - 凍檸檬佛手柑鐵觀音茶 佛手柑配上鐵觀音，產生的幽雅甜韻的輕盈口感，再用檸檬的清香酸爽作點綴，將平平無奇的檸檬茶昇華為煥然一新的滋味。消暑解渴必點！ - 紅豆奶凍 紅豆綿蜜香甜，奶凍滑溜Q彈，甜度適中，飯後甜品必選！ 整體餐廳評分很高。餐廳環境闊落舒適，枱與枱距離充足，很適合一大班朋友餐聚。店員服務態度好又夠細心，食材夠新鮮，性價比相當高。絕對是一間好值得推介的西餐廳！

The Diamond地址位於元朗安樂路，位置都鄰近地鐵站，港鐵站步行3分鐘左右就到，地點旺中帶靜。 去到餐廳門口，已經俾餐廳外觀徹底吸引，好似去咗外國嘅餐廳咁，感覺好優雅舒適，餐廳環境闊落舒適，設有長卡座，空間感十足，屬元朗少有大規模、座位舒適的西餐廳，最多可容納100人，適合大伙兒聚餐。 坐低後見到淺色嘅磚牆，配合柔和嘅燈光，仲有一幅砌出嚟嘅瑪莉蓮夢露畫像，營造咗一種好warm嘅氛圍，無論係設計定係擺設都充滿細節位。餐枱上嘅薄荷葉水樽，小花瓶上插住兩朵玫瑰，簡約嘅台燈，給人一種溫馨而精緻嘅感覺，成個環境同氣氛真係真心要讚！ 我地叫左兩個晚餐，除主菜外，仲包括咗麵包籃、餐湯、餐飲、甜品。 我地要左一碗磨菇湯同埋一碗羅宋湯，我飲嘅磨菇湯，個湯好creamy仲有濃濃嘅菇菌味 羅宋湯就偏向傳統西式做法，酸酸地好開胃 ，入面啲牛肉、椰菜、紅蘿蔔都煮好入味，味道濃郁 雙重芝士鮮菠蘿手搓安格斯牛肉漢堡伴薯條 漢堡包十分足料，芝士味濃郁，安格斯牛肉多汁肉味香濃，菠蘿酸酸甜甜可以解到牛肉既油膩感，最抵讚係呢到漢堡整得好整齊，唔會一咬就散開成手都係，完全不遜於漢堡專門店，另外薯條亦炸得好香脆，食得好過癮。 慢煮頂級牛小排配輕蔬薯蓉 用咗慢煮嘅煮法，相比平時食到嘅肉質會偏向扎實多D，但肉味就更濃郁，仲有用咗蘑菇去配落個薯蓉度都十分好味 凍檸檬佛手柑鐵觀音茶，茶非常獨特少見，結合了檸檬的酸香、佛手柑獨有的果香和鐵觀音茶的醇厚，入口十分清新，唔甜，整體層次感非常豐富。最啱食完濃味食物，作最後一杯茶清清味蕾再食甜品 意大利朱古力奶凍 奶凍好滑，朱古力醬濃而不甜，帶少許微苦提升層次感之餘唔會過膩，口感滑嫩，入口即化 熱情果乳酪忌廉杯 熱情果微微酸甜感，整體係一款比較簡單清新嘅甜品，連我不太喜歡乳酪的人也覺得這個乳酪忌廉杯不錯，質感綿滑，兩款都好出色 火焰阿拉斯加蛋白雪山 見到 Menu時已好吸引，送上嚟之後，職員用酒精點火，整個雪山即時燃起火焰，好壯觀！焦糖表面燒焦嘅香氣彌漫開來，令人垂涎欲滴。慢慢咬下去，會發現內裡有軟滑嘅雪糕，真係一種絕妙嘅口感。 可以一次過可以感受到雪糕的滑膩、焦糖的甜香同埋火焰的壯觀景象。 總結而言，餐廳乾淨整齊，服務方面，店員都是有禮貌服務好，侍應好好笑容，環境舒服乾淨。得滿意，推介推介。性價比相當高。絕對是一間好值得推介的西餐廳！