蠔之神 – 生蠔吧餐廳

無意中發現 Oyster Season 做緊生蠔優惠，$9/隻生蠔 即刻就 Book 位衝去元朗試下！ 🔥$9 生蠔優惠 生蠔係由法國蠔場直送到港，雖然唔係超大隻，但 $9 隻真係無得輸！不過提提大家：想食一定要預先 Book 定，因為每日數量有限，賣晒就無㗎喇～ 🦞 豪華海鮮拼盤｜$1228 二人餐 有餐湯、前菜、熱海鮮、主菜同甜品 我哋揀咗個二人 Set，生蠔 6 隻 + 原本想試嘅 $9 隻生蠔，總共有 4 款唔同品種 🦪 另外仲有北海道赤貝、黃金螺、帶子同生蝦 🐚🦐 上枱時，店員好細心介紹每款生蠔，教我哋由淡味食到濃味，順時針咁食，仲會介紹每隻蠔嘅名… 不過食到後面已經唔記得邊隻打邊隻 🍲 前菜、餐湯 Appetizer 揀咗蜜瓜 Parma Ham，蜜瓜未算熟，口感比較爽脆，火腿鹹香味適中～ 餐湯有黑松露蘑菇湯，香濃足料，有松露油同磨菇蓉，以餐湯嚟講比想像中高質！ 🇫🇷 法國藍青口 青口擺盤靚，用白酒忌廉煮，醬汁咸香味濃，青口肥美～如果有幾塊法包可以點汁食就更好嘞 🥖 🍽 2 款主菜我哋揀咗： 黑毛豬扒配松露忌廉汁 (+$80) 豬扒厚切，份量唔少，肉質結實，味道鹹咗啲 (可能我哋口味偏清淡)。 招牌鵝肝粒焗雜菌飯 完全畀個名呃咗！大大嚿鵝肝居然叫鵝肝粒？ 店員建議將鵝肝壓爛撈飯一齊食會更入味！ 🍰 甜品最後送上係 4 件迷理 Cheesecake～ 如果係慶祝生日或者特別日子，呢度仲可以幫你寫字落甜品碟！ 🍷 其實講到食海鮮，點可以無白酒！ 套餐包咗兩杯飲品，白酒、紅酒都有得揀！店員幫我揀咗杯 Sauvignon Blanc～另外仲叫咗杯 Mango Passion 果汁，甜甜地味道 OK～ 好多人成日都話香港嘅飲食業服務好唔掂，但呢度嘅店員親切，有禮貌又樂意解答問題，地方雖然細啲，但勝在坐得舒服，用餐體驗非常好！

超級推薦🏻係元朗非常之罕見嘅海鮮餐廳，佢哋嘅生蠔原來係法國蠔場直接送過嚟，超級鮮味。海膽食太屈機成塊咁樣上，放上紫菜直接食，鮮甜味十足。佢哋牛扒脂肪比例均稱，牛味香濃，特別日子仲可以甜品寫字🫶🏻

生蠔好新鮮， 食咗佢$9同原價嘅生蠔，發覺都一樣新鮮！ 然後再叫咗個卡邦尼意粉，係好香口。 整體嚟講，都好值得推介

朋友之前黎過呢間餐廳食生日飯，佢話呢度D野食幾好食，所以我就約朋友去試啦！上網見到佢地最近做緊$9一隻生蠔，好抵食呀。當晚我都叫左黎試，生蠔都係黎自法國，細細隻重海水味，蠔味十分，有興趣既朋友可以提前打電話預約，咁就保證一定有足夠既生蠔留俾你啦。當晚我地叫左個2人餐$1468，食到好飽好滿足。 🟡海鮮拼盤 店員好細心咁介紹生蠔既名，同埋教我地由淺色既肉開始食起會更加好食。拼盤入面有原隻波士頓龍蝦、海膽、生蠔、時令貝類、刺身帶子2隻同埋黃金螺2隻。店員仲教我地生蠔由左邊開始食起，三款法國生蠔各有味道，個人比較鍾意第二款，海水味岩岩好，而且夠飽滿。龍蝦睇落去細細隻但好多肉，食到啖啖肉架，蝦鉗好大隻仲好鮮甜，蝦頭仲有好多膏。今日當造既係美國車厘蜆，大大隻海水味濃。而黃金螺Size超大隻，係我食過既最大隻螺呀，大大隻好有咬口。食海鮮點可以無白酒呢，我地仲另外叫左杯House of Wine。 🟢煙三文魚黑醋汁沙律＆羅宋湯 羅宋湯好濃味，見到湯底有蕃茄蓉，唔似湯水咁稀。煙三文魚配埋黑醋一齊食帶點酸酸，夠哂開胃。 🔵清酒蒜蓉煮蜆 店員介紹佢地係用左美國產既馬拉蜆，一上碟見到粒粒都好大隻呀仲要無空殼架，好滿足 🟣安格斯肉眼扒配洋蔥燒汁(+$120) 主食方面，我地叫左5成熟既牛扒，一見到塊牛扒就睇得出師傅煎得好靚，牛肉味唔算好重，但肉入面好Juciy，而個燒汁亦都好香，燒汁加埋洋蔥甜甜地唔會好咸 🔴招牌鵝肝粒焗雜菌飯 店員講解飯入面加左煎鵝肝既油，叫我地將鵝肝壓碎攬拌食會更加好食。鵝肝好香一D腥味都無，加埋雜菌食就更香口。 🟢海鹽&開心果雪糕 甜品有兩款雪糕，開心果雪糕唔會有好假既甜味，食到開心果仁香氣，而海鹽雪糕咸咸地，咁就唔怕食甜品食得太漏啦

9蚊生蠔抵食又新鮮，從來唔點食生蠔既我今次都食左一打半牛肝多士回味無窮