PLAYT Buffet Restaurant – 自助餐餐廳

最近與兩位長輩及朋友一行六人，趁著銅鑼灣佰寧酒店上層餐廳推出「買二送一」優惠，齊齊享用了一頓自助午餐。這次用餐體驗，從地點、環境到食物質素，都令人十分滿意，值得一讚！ 地點方便，環境寬敞 餐廳位於銅鑼灣佰寧酒店的上層，地點極為方便，地鐵站步行幾分鐘即到，對於我們這群有長輩同行的食客來說，交通便利是一個大加分點。餐廳環境寬敞，枱與枱之間距離充足，即使是六人同行也不覺得擠迫，氣氛輕鬆愉快，適合家庭或朋友聚會。 食物種類豐富，凍海鮮區提供新鮮的蝦、蟹及貝類，蝦的肉質鮮甜。刺身拼盤同樣新鮮，魚生切得厚薄適中。特別值得一提的是泰式刺身蝦，酸辣開胃；熱盤方面，選擇同樣豐富，燒烤、燉菜、薰製食品，唯燒牛肉較鞋和燒蝦太乾。 甜品區更是亮點，選擇多到令人眼花撩亂，自家製雪糕尤其吸引人。當中茅台雪糕味道獨特、荔枝、楊枝甘露都好味，仲有乳酪雪糕選擇。 服務方面，員工表現得非常親切有禮，細心周到，無論是點餐、取餐還是解答問題，都迅速回應，態度友善，令整頓用餐體驗更添舒適感。整體而言，這家餐廳的性價比極高，無論是環境、食物質素和種類，還是服務態度，都讓人感到滿意。 總結，銅鑼灣佰寧酒店的自助午餐是一次令人滿足的美食之旅。地點方便、環境舒適、食物選擇豐富且質素高，服務態度親切，配合「買二送一」的優惠，性價比極高。無論是追求新鮮海鮮、刺身、泰式美食，還是獨特的茅台雪糕和乳酪雪糕，是一間值得再訪的餐廳！

星期六下午茶自助餐在KKDay book 買2送1，人每人$259已包10%以這個價錢食物款式也很多，味道也不錯。職員服務態度很親切。

母親節自助餐之選 今個母親節，柏寧酒店為媽媽準備咗一個「感恩母親節之骨膠原美肌自助餐」，從5月1日至5月18日期間推出，唔止係食物好味，仲有健康養顏的元素，真係為媽媽們設計～ 今次自助餐最特別之處，就係主廚同位元堂合作，帶來咗一系列以「正珍珠末」為主題嘅養生菜式。正珍珠末唔單止味道清香，仲有安神定驚、潤膚養顏等多重功效，食落去真係有益無害。「珍珠末竹笙奶白魚湯浸魚片」，湯底係用竹笙煮成，湯色乳白，香氣四溢，魚片浸入湯中，吸收咗湯汁的精華，肉質非常鮮嫩。每一口都可以感受到魚肉的鮮甜，加上竹笙的獨特風味，讓人回味無窮。 「珍珠末蟹肉炒鮮奶」，蟹肉嘅鮮甜再加上鮮奶的滑溜，搭配上正珍珠末，吃起來既有層次感，又有健康之道。蟹肉的鮮味與奶香完美結合，口感豐富，令人忍不住一口接一口。 除了珍珠末菜式，餐廳的海鮮選擇更係令人驚喜！例如，龍蝦、長腳蟹、新鮮生蠔、保持咗海鮮最原始嘅鮮味。特別係生蠔，搭配一啲檸檬汁，鮮美的滋味瞬間爆發，口感彈牙，令人食指大動。 仲有各種刺身，例如帆立貝、西班牙紅蝦，味道鮮甜美美，真係唔可以錯過。每一口都係大海的味道，讓人感受到海洋的鮮活，實在令人陶醉。 每晚七點，餐廳仲會提供原盅燉湯，香氣四溢，湯底濃郁，對於喜歡滋補的朋友來講，必定係一大享受。此外，仲有原隻鮑魚，新鮮滑嫩，搭配上特製醬汁，真係食得返本，滿足感十足。 甜品方面，「珍珠末白朱古力蛋糕」同自家製Gelato都係必試！Gelato方面，榴槤同茅台味特別受歡迎，味道真係好濃郁。質素甚至好過市面上幾十蚊一杯嗰啲，真係唔容錯過。 總體來講，柏寧酒店今次嘅母親節自助餐真係精心設計，從菜單到服務都感受到滿滿的心意。無論你選擇邊一間餐廳，保證都可以同媽媽享受到一個難忘的母親節。食物的多樣性、環境的舒適度、服務的周到，都讓人覺得值得一試。大家快啲預訂啦，唔好錯過呢個難得的機會！

(成日掛住食唔記得影相） - 上官網book枱有八折，同匯豐咭優惠差不多，但上官網就不用局限用邊張咭 - 前一日細心地會有message 提示 confirm booking，不用聽電話，不用擔心是詐騙電話 - 食物供應充足，種類繁多，即開生蠔源源不絕，食到尾聲（少啲人排隊時）仲有職員為你開蠔；有時會有煎鵝肝，又係食到你唔食；以前蟹腳龍蝦嗰啲任攞，好難同人爭，而家係職員分，保證有得食，份量都唔少；燉湯次次唔同款，但都好好飲，俾人拎晒等一陣又會再有，起碼飲到兩盅 - 服務幾好，每次出去拎完食物，已經有職員收走舊碟，好有效率 - book嘅時候講明生日，會有生日蛋糕，可以寫埋名 - 埋單時職員一定問有冇泊車

選擇算多 整體比一般自助餐好吃(只計香港) 中上質素 主要有生蠔、凍熟海鮮、龍蝦蟹腳、帶骨牛扒、小羊肩、燒雞、西班牙燒乳豬、即煎鴨肝、即炸天婦羅、pizza、燒味、鮑魚花菇、中湯