Centre Street Kitchen – 自助餐餐廳

約朋友飯聚，總要為食肆選擇而煩惱。其實一大班人柴娃娃，最啱就是去吃自助餐，皆因款式廣泛、選擇夠多，而且最正就是可以慢慢食、慢慢傾。講到食自助餐，港島太平洋酒店的「中西‧環」絕對是不二之選。 餐廳最近推出以「飛『粵』夢『功』場」為主題的自助晚餐，睇過網上資料，原來今次的自助餐可以品嘗到多款經典的手工粵菜，如：一品富貴鴨、古法煎釀鯪魚、蜜味金錢雞等，而且兩日前於網上訂座及繳付全費，更可享高達65折優惠，折扣後連服務費，成人每位由 $328起，非常抵食，一於先吃為快。 每次吃自助餐，一定離不開冰鎮海鮮，這裡的款式雖不多，但卻叫好叫座，有翡翠螺、鱈場蟹腳、藍青口、龍蝦、白蜆及熟蝦。龍蝦最受歡迎，大件而多膏；鮮爽的翡翠螺也不很錯，另外蟹腳的肉份量甚足，肉質結實，加上已經預先處理好，食嘅時候自然更方便。 冰鎮海鮮旁邊是沙律菜區，當中包括有參巴龍脷魚柳沙律、雞蛋薯仔沙律、蓮藕木耳沙律、和風秋葵雞肉通粉沙律，另外亦有兩款蕎麥麵同多款可以自由配搭的沙律菜和醬汁。龍脷柳相當滑溜，配上帶點辛辣的參巴醬，惹味非常。 至於刺身，基本上大路的都齊備，當中包括有三文魚、吞拿魚、鯛魚、希靈魚同八爪魚；而壽司方面，選擇亦比前更加豐富，有北寄貝、三文魚、鰻魚…等，賣相看起來亦相當誘人。 輪到吃熱盤，由於這晚的主題是「飛『粵』夢『功』場」，所以決定先攻幾款功夫粵菜。先吃豉汁蟠龍鱔，白鱔夠豐腴又肥潤、肉質彈牙，在香濃豉汁襯托下，一點不覺泥味，尤其是近皮的位置，簡直是脂香迷人，令人回味無窮！ 呢款係百花釀金錢，其實即是將蝦肉打成膠，釀於花菇上，然後再用西蘭花圍住，看起來很有傳統中菜的氣派。蝦膠面頭撒上了少許魚子作點綴，入口鮮爽彈牙，冬菇肥大厚肉，盡索蝦肉的精華，味道鮮美。 古法煎釀鯪魚，鯪魚起肉後加上冬菇粒、蝦米、髮菜等打成魚膠，再釀回魚皮中烹煮。魚皮咬下非常香脆、魚肉鬆化彈牙，加上鯪魚味頗重，豆豉汁亦扣得剛好，吃起來別有一番風味。 另外這幾款係脆皮燒肉、蜜味金錢雞、海味脆薄餅、柚子蜜燒肉排、懷舊春花卷、黃金鰻魚卷。蜜燒金錢雞以肥瘦適中的五花腩夾著雞肝和子薑片來燒，入口脂香四溢，層次豐富。而懷舊春花卷則以半肥瘦豬肉、冬菇、髮菜等剁碎後，再用腐竹皮包起炸至金黃色，入口甘香鬆脆。 呢款係一品富貴鴨，富貴鴨餡料非常豐富，內有紅棗、栗子、金針菇、雲耳等。鴨身金黃油亮，肉質鮮甜嫩滑，入口帶荷葉清香。最抵讚就是鴨腹內每件食材都被鴨肉的肉汁緊緊包圍，簡直令人食指大動。 另外凡惠顧的食客，每位均可免費獲贈一客荔蓉鮑魚酥。成品賣相一流，鮑魚入口煙韌彈牙，芋蓉炸至金黃色，外層酥脆，裡面細緻，食落既粉糯又不糊口，芋香味濃，配原隻鮑魚吃，更是一絕。 至於這晚的其餘菜式就仲有：鹽焗手撕雞、焗芝士羊肉餡卷配香草蕃茄汁、蒸海蝦慕絲龍脷魚卷配紅花汁、海參扒雞腿菇、紅酒醬燒豬軟骨香草薯蓉、燒西冷牛肉、燒香草羊髀、古法雙冬炆羊肉、生炒臘味糯米飯等，風味各具特色。 湯品共有兩款，一中一西，包括有蟲草花螺頭燉雞同野菌忌廉湯。蟲草花是保健食材，可以補肺、益腎、養肝，增強人體免疫功能，提高抗病能力，用來配搭螺頭和雞隻一齊燉，不但可以增強體質，而且鮮甜清潤，既好飲又滋補。 如果仲有食力的話，也可以試試Noodle Station 的即煮湯河，可以用來配魚皮餃、 魚片頭、魚蛋、貢丸等，甚至淨係灼菜食都得。 又到甜品時間，呢三款分別是涼粉芒果慕絲、洛神花荔枝布甸、黑糖珍珠砵仔糕。布甸味道唔錯，不但質感細滑，而且食落更帶荔枝的清香，配上面頭的洛神花，入口酸酸甜甜，相當醒胃。 另外瑤柱冬菇慕絲蛋糕亦甚具創意，蛋糕頂層鋪咗中式的冬菇和瑤柱，中西合璧，估唔到佢地配合埋一齊係咁夾。至於另一款花旗參豆腐芝士蛋糕亦非常之有驚喜，參片的參味香濃而不濁、入口甘中帶甜，豆腐和忌廉芝士嫩滑綿密，與花旗參味道匹配。 另外陳皮蛋撻同大良山渣炸脆奶 亦很值得一試，蛋撻食落夠脆口、鬆化不硬，加上蛋漿內混入咗陳皮，多了一分清香。炸鮮奶皮脆內軟，鬆化的脆漿跟牛奶的酥香相配，而且最特別就係餡料竟然還添加了酸甜的山楂，令人一吃難忘。 記得要留肚食雪糕，有 Häagen-Dazs 和雀巢紅豆，至於生果方面就有哈密瓜、菠蘿、西瓜同蜜梨可供選擇，食到咁飽，一於食番啲生果消下滯。 自助餐的供應日期由 2019年11月1日至2020年1月31日，如果嚟緊聖誕同新年仲未諗到去邊度食飯慶祝，這裡絕對是推介之選。

:D差不多當呢到係飯堂，食過好多次，因為真係便宜正，係信和薈會員仲可以有65折優惠，埋單都係平均HKD 300一個人。 因為表弟生日，早早打電話訂座，佢可以送一個生日蛋糕。:wow: 餐廳於2019年7月2日至9月30日期間，推出全新「大馬滋味台灣風」自助晚餐，因為當日係第一日推出，滿心歡喜同期待。 海鮮方面: 有螺: 幾新鮮有咬口既螺肉，唔錯! 長腳蟹: 清甜，有肉，啖啖既海水味! 不過肉還有點貼殼，比較難整開。 蝦: 好彈牙，食得出好新鮮，隻隻都平均地大隻! 龍蝦: 比較細隻，有點點雪氣，但勝在有膏，而且酒店已經好細心咁張龍蝦既夾整開左，方便食! 斑蘭雞蛋仔: 唔係太有斑蘭味，不過好野係要等，真係做到外脆內軟，有蛋香! 值得一讚。 娘惹叻沙:湯底濃郁有椰香味，加上精選配料如鮮蝦、魚片、豆卜、芫茜及豆芽，吸附湯汁後，飽滿香滑，可惜個面唔太吸味。 斑蘭椰漿飯: 配上辣椒、魚乾以及蝦醬炒製而成的辣醬，好惹味呀，風味獨特!! 飯都變成綠色:D 馬來西亞海南雞飯: 雞身好滑嫩，配上三色蘸料有薑茸、黑豉油及辣椒醬，好惹味，同出面既海南雞餐廳有得FLIGHT:yummy: 酸菜割包:夾着燻過的五花肉，油香四溢的豬肉配上酸菜去除油膩感，美味小食。 甜品最推介係佢既紫薯蛋糕: 真係真材實料，啖啖既紫薯香，食完一件又一件。 另外，芋園都唔錯，唔係太CHEWY 不過都做夠三色，誠意可加! 咁既價錢，真係好抵食，會再黎光顧:balloon:

粵食越有 講起食自助餐，我情有獨鍾西營盤港島太平洋酒店的中西環餐廳自助餐。中西環餐廳勝在用心經營，常常推出不同風味的自助餐，每次都有驚喜，所以百吃不討厭，一年總有幾次幫襯。11月又有新創意，推出飛粵夢功場自助晚餐，主力推介精挑細選且工序複雜的粵式傳統功夫菜，包括有古法煎釀鯪魚、懷舊蔥花卷、百花釀金錢、一品富貴鴨和豉汁盤龍鱔等等，可以一次過享受不同的傳統粵式功夫菜，每位客人更敬送荔蓉鮑魚酥一客，而且預訂及網上付款，自助晚餐更可享高達五至七折優惠 ，價錢夠晒親民，當然不能錯過。 各式食物約分海鮮區、沙律區、熟食區、飲品區、刺身壽司區、甜品區、和地道小食區。冰鎮海鮮區有龍蝦、藍青口、鱈場蟹腳、翡翠螺、熟蜆和熟蝦等。龍蝦和熟蝦肉都鮮甜，水準可以。 跟住是主打的多款粵色功夫菜，粵色功夫菜工序繁複，廚師使出渾身解數，盡顯功架。豉汁盤龍鱔賣相活靈活現，大廚將白鱔切成蟠龍卷著身軀造型，加上經炒製而成的豆豉醬，散發陣陣豉椒香味，白鱔口感甘腴鮮美，真是吃不停口。 至於一品富貴鴨，因為工序繁複，也是很難食得到的菜式。富貴鴨是把炒香的紅棗、栗子、金針菇、雲耳等餡料，塞進鴨腹裡，用荷葉包住鴨身，再包裹麵糰烤焗。焗好後，鴨香荷葉香四溢， 鴨肉吸收了餡料精華，鴨肉嫩滑鮮美，令人食指大動。 百花釀金錢是以蝦膠釀入鮮菇內，蒸煮後，在鮮菇的上面灑上少許魚子便成，不但外形美觀，而且食得健康。 古法煎釀鯪魚也是必食之選 ，大廚先將鯪魚肉起骨，留下魚皮，然後將混入蝦米，髮菜、冬菇的魚蓉釀回魚皮中，煎香煎熟。魚皮香脆，魚肉彈牙，真是粵菜中粗料精做的典範。 另外還有多款特色功夫菜，如海參扒雞腿菇、蒸海蝦慕士龍脷魚卷配紅花汁、焗芝士羊肉餡卷配香草蕃茄汁、還有冬天進補必吃的羊腩煲和最佳配搭的臘味生炒糯米飯。羊腩件肉冧味鮮，生炒糯米飯有臘腸、潤腸和臘肉，味道豐富。 此外還有一些特色廣東美食，如脆皮燒肉、蜜味金錢雞、海味脆薄餅、柚子蜜燒肉排、黃金鰻魚卷和懷舊蔥花卷等等。蜜味金錢雞用五花腩和雞肝烤製，口感充實，充滿油香。懷舊春花卷，將半肥瘦豬肉、冬菇 、髮菜全部剁碎 、用腐竹皮包起造成小卷，炸至金黃，酥脆金香。 除了有中西靚湯供應，中湯是蟲草花螺頭燉雞湯，西湯則是野菌忌廉湯，還有即煮麵檔，有廚師即時烹飪。另有自助沙律吧和多款刺身和壽司。 壓軸還有每人一客的荔蓉鮑魚酥， 煙韌彈牙的鮑魚，放在炸至酥脆的橢圓形芋蓉上面，賣相吸引， 滋味無窮。 另外還有多款中西匯合的特色甜品，花旗參豆腐芝士蛋糕，豆腐、忌廉、芝士、加上花旗參片， 口味清新。還有創意十足的瑤柱冬菇慕士蛋糕、大涼山楂炸脆奶、陳皮蛋撻、洛神花荔枝布甸和多款甜品選擇，奇味無窮。 至於地道小食則有豆腐花、芝麻糊、雞蛋仔等。最後還有多款冰鎮水果和任食haagen dazs雪糕 ，真是物超所值，食得精彩，食得回味。

與一般的自助餐價錢比較是很有競爭力，可能跟最近香港的經濟情況不好有關。食物品種還算可以，服務員的態度很好，又有禮貌。但是熱的菜太早拿出來了，到你吃的時候已經涼了，有些失望。

星期六午餐自助餐 12點到2點半 成人188元 長者168元 有刺身、中西湯、即煮生滾粥、凍盤、熱食、甜點、咖啡☕️茶水 👍🏼 補給都快 個人覺得好味道💕蘑菇湯、海南雞飯、Pizza、炒菜、蒸魚、炸魚、蒜茸青口、班蘭蛋糕、蛋撻、芝麻糊、豆腐花 不足之處，自助茶啡水不夠熱，要求服務員給我熱水，服務員都非常樂意及快捷👍🏼 女廁有二格，非常乾淨。