哈豆 (觀塘駿業里店) – 台灣餐廳

一直都好想食哈豆嘅打卡刨冰🍧 係一間台灣人主理嘅台式餐廳🍴 不過佢換咗Menu 係開心果刨冰🍧試試佢 最驚喜係呢個刨冰有開心果同朱古力2隻味 🤍 刨冰面頭係豆沙繡球裱花同埋海鹽奶蓋 豆沙繡球裱花係最好食 入口即溶 認真食落口感細膩 海鹽奶蓋好似cream咁軟綿綿 鹹鹹哋 (呢2款係成個冰最好食嘅地方)💫 💚 中間配料係幾豐富 有紅豆🫘開心果 果仁🥜 食到中間仲有開心果雪糕🍦層次感豐富 🤎 值得改善嘅地方係 我覺得刨冰唔夠幼細綿密 整體偏向硬身咗啲 開心果味唔算突出 不過撈埋啲開心果同果仁 味道啱啱好👌🏻 朱古力味淡淡地 唔會好漏 食到底味道都係偏淡 撈埋海鹽奶蓋食都OK - 整體最鍾意係豆沙繡球裱花同埋海鹽奶蓋✨ 不過刨冰嘅口感細膩綿密啲就會更好 推薦度：7/10 ($118) - 芋見檸奶凍吐司🍞 炭黑色烘烤三文治外層口感鬆脆 但不得不讚 裏面個芋泥好出色 口感綿密 奶凍勁香滑 凍L凍L 奶味突出得嚟 唔算甜 好欣賞佢裏面有麵包糠 增加口感 拼埋一齊食 完全唔膩💛好有驚喜 少貴 但係好食✨👌🏻 推薦度：8/10 ($64) - 甘梅番薯條🍟 番薯條外脆內軟 入面係香甜軟糯嘅番薯👌🏻每條番薯條沾滿大量甘梅粉 食落酸酸甜甜 新鮮炸起熱辣辣 又唔油膩 勁好食🤤大家一定要叫呢個✨ 推薦度：8/10 ($38) - 藥燉排骨湯 排骨湯真材實料 足足有3大嚿排骨🐷 索晒濃郁嘅藥材味 勁入味 仲好軟腍 味道苦中帶甘✨暖胃又補身 真心唔錯👍🏻 推薦度：8/10 ($38)

哈豆 農曆新年前夕對於中國人來說有千萬樣不同事項要處理以及準備， 添置新年服裝就是重中之重的事項，當天正好要到觀塘附近， 就不可以錯過觀塘特式的名物「工厦餐館」。 哈豆作為一家台菜餐館，一入門就有濃濃的台灣風格裝飾， 例如在黑板上繪畫了很多著名的台灣偶像劇的板畫， 牆身又有台灣各地著名的旅遊景點的油畫，最欣賞是老闆也是一位攝影發燒友，在場有一幅他親自攝影的相片，編印成大尺寸的玻璃相供客人欣賞。 食物方面水準之上，有絕對的台灣風味與品質， 畢竟餐廳老闆就是土生土長台灣人! 📍 觀塘駿業里6號富利工業大廈3樓A室 📍🐶寵物友善 是日點餐 蝦小紅燒牛肉湯麵$78 豆乳雞花椒麻香麵$68 酥炸鮮蝦丸$48 鮮榨檸檬椰果多多$38

【觀塘——古錐台灣菜】 今日嚟到觀塘，呢度出名隱世美食特別多，我哋就去OpenRice搵吓，發覺呢間台灣菜 @drbeans2012 廣受好評，價錢亦都唔貴，甜品亦都幾有特色，小編就嚟試吓。 豐盛紅燒牛肉湯麵 $78 上到枱你就知道點解佢叫豐盛牛肉麵，係因為佢嘅料同麵都非常之多。除咗有牛腱，仲有牛丸、花枝丸、酸菜、紅蘿蔔，麵條嘅份量亦都非常之足夠。湯底有牛肉，帶少少嘅辣味增加刺激感。撈埋酸菜一齊食，感覺會冇咁膩。主角牛腱大大嚿，厚切之餘燘得非常之淋同入味。牛丸同花枝丸就冇乜特別，但食得耐牛腱轉下口味都唔錯。紅蘿蔔亦都係大大嚿，淋得來仲幾甜，冇臭青味。麵嘅咬口都唔錯，小編影咗咁耐，都有彈性。整體嚟講小編覺得佢係一個好豐富、好有小店味道嘅牛肉麵。 味道：8.2/10 麻油雞麵線 $74 麻油雞湯同麵分開上，本身個面太乾，有少少黐埋咗一舊。但好在麻油雞湯夠熱，加少少落去就可以將面分返開。雞湯都好濃郁，食到淡淡嘅麻油香味，雞肉尚算嫩滑，麵條亦很爽口。整體來說係唔錯嘅item～ 味道：7.8/10 香脆豆乳雞 $48 大家千祈唔好以為佢係鹽酥雞，佢嘅風味會更加特別！因為佢用咗豆乳醬做腌料， 通常會加入紅糟同腐乳， 所以會有自己嘅獨特香味。，鹹鹹香香有微微嘅發酵味道。至於佢嘅麵衣就係經典台式皮，加咗少少地瓜粉，令到佢有少少煙韌，同一粒粒波波喺面，更加酥脆。入面嘅雞肉比較實淨，但都算嫩滑。但呢個真係再趁熱食，唔係香味會減半。 味道：8/10 躺平鴨珍珠豆漿紅茶 $36 近排小編鍾意咗飲豆漿紅茶，估唔到呢度都有。佢哋嘅豆漿豆味比較突出，茶味係淡淡然嘅嗰種。珍珠幾有咬口，帶微微黑糖香。最特別就係佢面頭嘅嗰隻躺平鴨，瞓咗喺啲冰上面非常可愛。但佢只係一粒菠蘿味棉花糖，對杯飲品來講就冇乜加乘嘅作用。 味道：7.9/10 鮮百香果綠茶 $40 淡淡的綠茶香，配上百香果，簡直係小編杯茶，亦都好足料，好多椰果同埋珍珠，口感豐富，珍珠亦都很煙靭，小編10分推介。 味道：8.1/10 抖起來——兔 $118 呢個真係打卡必備， 上面桂花奶酪整成嘅兔仔，揈吓揈吓咁好得意，忍唔住揈多幾次先捨得食。店家嘅佈置亦都好有心機，下面擺滿左仙早糖水刨冰、大量嘅紅豆，薄脆、 朱古力整成嘅蘿蔔，同芋圓。形成好似一隻兔仔，企味灑土上面揈吓揈吓。 味道上我會話佢係偏古早味，因為佢嘅味道來源都係仙草糖水同紅豆，冰碎偏粗。同而家市面上流行好多花巧嘅刨冰幾唔同， 勝在唔會太甜。 味道：7.7/10 環境：7.7/10 抵食：8/10 服務：7.8/10 哈豆 (觀塘) 觀塘駿業里6號富利工業大廈3樓A室 #hkig #hkfoodie #hkfood #hkeat #香港美食 #食評 #香港食評 #香港生活 #小紅書 #香港必食 #台式 #台灣菜 #手搖 #珍珠奶茶 #魯肉飯 #牛肉麵 #刨冰 #taiwan #taiwanfood #觀塘 #觀塘美食 #kwuntong #kwuntongfood #boba #bobatea #台北 #taipei #101 #台北101

於星期六中午光顧，店舖位於工廠大厦內，店內環境清優雅緻。點了蝦小蕃茄牛肉湯麵及香脆豆乳雞肉燥飯，牛肉湯麵的牛肉很軟腍，湯底濃郁，但麵條口感偏軟；而肉燥飯的脆雞很酥脆香口，但白飯卻較為硬身。

🐰抖起來兔刨冰：份量大又足料，奶凍滑身，打卡太可愛 🍤香酥腐皮蝦仁卷：腐皮好脆身，唔會太油膩，餡料豐富 🐓香脆豆乳雞肉燥飯：脆雞粒韌度適中，配肉燥飯香噴噴 🫕麻油雞麵線：湯底濃郁充滿麻油香，雞肉嫩，熱辣辣湯配麵線太舒服 🍠黑糖芋芋鮮奶：邪惡飽肚，芋泥可以更多，黑糖味唔太出 🫚黑糖薑母茶：薑味重，唔會太甜，飲完暖笠笠 📷牆身多畫作值得細看，影相都唔錯，不過燈光較黃同暗