茶木 (荃新天地) – 台灣餐廳

記得以前成日都食茶木，真係充滿學生時代嘅回憶🤩。估唔到佢依家晚市套餐都幾抵食，食物水準仲比之前高咗👍🏻，有得飲台式手搖飲品🧋就最開心！ · 單點凡市精選餐點可加$32升級至晚市套餐，配埋甜品🍮/沙律🥗、飲品🥤，台式奶茶茶凍同台式酸梅冰都個人心水推介，想再豐富啲仲可以額外追加小食同甜品添~ · ♡ 台式麻辣牛肉片拼牛筋拌麵 HKD$74 麻辣鴨血（台灣直送）拼素鴨 估唔到個麻辣牛肉幾有辣勁🌶️，仲有麻香，係入口會令口腔麻痺嘅感覺；而拌麵口感幾Q彈，麵質具粗度令口感更具咬口👍🏻。另外仲會附上一小碟麻辣鴨血🤗，食台灣野係一定要有鴨血，你懂的!! · ♡ 鹽酥排骨肉燥飯 HKD$82 鹽酥排骨好大塊啖啖肉，炸得幾香脆，炸粉外皮亦唔會好厚；肉燥飯係估不到的高質，咸香中帶少少甜味，用嚟拌飯食真係停唔到口🤩。 · ♡ 紅蔥地瓜燉牛頰肉 HKD$84 會有一個小火爐盛上🔥，一路食都可以保持熱溫，做法貼心💕。牛頰肉份量都幾多，燉得好入味，牛頰肉質地軟腍好易咬開，同朋友都好鍾意，推薦! · 📍茶木‧台式休閒餐廳 荃灣楊屋道1號荃新天地一期地下G60, G62, G79號舖

Qr 落單扣分 出餐奇慢 真係成45分鐘先出曬 成班員工得個經理正常 其他d人淨係識得企喺度吹水 牛肉湯湯底只係得鼓油 牛肉多但全部都係牛展 平價肉 鹽酥雞個皮吸曬油又淋 個飯係沙律撈飯 蝦係嗱過 價錢貴 咁既服務夠膽死收加人加一

《茶木》嘅甜品一向吸引，趁還有10週年優惠價，心思思又走咗去食 🥢巧克力曲奇蜜糖磚塊 - 餐廳嘅招牌甜品，吐司疊滿3層，搽滿蜜糖後再烤焗，食落香甜又香脆，頂層放上朱古力曲奇、特製奶油和朱古力雪糕，味道和賣相滿分！ ✨食甜品前都點咗幾款主食，質素都好好！ 🥢晚市套餐 - 台式麻辣半筋半牛肉拌麵 *拌麵煮得爽彈，麻辣醬汁辣度恰好，老少咸宜！ *牛筋和牛肉肉質軟腍，份量都豐富 *鴨血和素鵝 (跟餐) *台式酸梅冰 (跟餐) - 酸酸味味，醒胃又解渴 *香芋奶凍 (跟餐) - 軟Q嘅奶凍加上香芋嘅香味，最佳嘅飯後甜品 🥢香煎三文魚時蔬藜麥飯 - 好一份super food！藜麥飯食落有口感，三文魚煎到外層香脆，食落就肉質嫩滑，推介👍 🥢金黃鹽酥雞 (套餐追加小食) - 新鮮即炸，香脆可口，份量都唔少，追加價$26絕對抵食！ 🥢櫻花蝦花枝餅 - 炸到金黃色，食落香口彈牙，小食類我會推介呢款👍

下午茶時間：2：30後（星期一至五） 🍜🍖🥬 台式下午茶精選 — 抵食！ 🥢 清湯牛肉米粉～38元 湯底清甜不油膩，下午茶餐都有4片牛肉。牛肉炆得夠入味又夠淋，每啖米粉都吸滿牛肉香 🥢 牛肉拌麵～48元 麵條煙韌彈牙，拌上濃郁醬汁夠晒掛汁！牛肉片軟腍得黎又有咬口，加上香蔥提香，食完勁滿足👍🏻 🥢 鹽酥雞～15元 炸得金黃酥脆，外脆內嫩 🥢 櫻花蝦娃娃菜～15元 菜煮得啱啱好，保留爽口口感，上面灑滿香脆櫻花蝦，湯底帶淡淡甘甜，菜夾埋櫻花蝦一齊食，味道更好🦐🥬 🥤 紅豆薏米水～茶餐包埋 微甜不膩，紅豆煮得軟綿綿，意米有咬口，女士可走冰，好飲❤️✨

早餐沙律一般， 麵包粒唔脆， 薑母茶就好飲， 但係見到服務員，用抹枱布抹完枱之後再抹餐具碟。