偶遇台北 – 台灣餐廳

今日同朋友去呢度吃晚餐，先唔講價錢啦，＄100蚊一個飯。黎左個滷肉飯。肉就好少，飯就好多，我就問經理可唔可比多一匙size既肉我。佢既神情表現不滿同憤怒，然後比左一小碟油肉我。該碟就80％油及20％肉。我就講道理表示，如果d肉好貴，你覺得咁樣會蝕錢既，你可以直講架，唔洗係度passive aggressive 我。 佢就表示好多客人都係咁，所以公司規定左，如果係咁樣，就會比一碟多油既肉我。 咁我話同你爭論3日3夜冇意思啦。唔會再幫襯。

呢個普通到冇得再普通又細份既鹽酥雞扒滷肉飯午餐收咗我90大元 雞扒偏薄 炸得ok但得個咸味 零鹽酥味 白飯又乾又硬 應該擺咗一段時間 滷肉味道正常 肥豬肉比例高 超級唔值呢個價 附近有更好既選擇 唔會嚟第二次

今日lunch跟同事試新店，呢間位於荃灣廣場4樓嘅地道台式餐館「偶遇台北」。 🥢 鹽酥雞 鹽酥雞外層酥脆，裡面肉質嫩滑，而且仲有九層塔嘅風味，再加埋椒鹽，令到口感層次更豐富。 🥢 蟹柳粟米起司蛋餅 蛋餅裡面材料豐富，除咗有大大條蟹柳和香甜嘅栗米之外，還有生菜和沙律醬，重點系勁多芝士，仲可以拉絲添，真心覺得好好味。 🥢 台式紅燒牛肉面 呢個系我必食嘅牛肉面，佢哋用咗粗麵條，軟硬康度適中，而且口感夠爽滑。牛肉方面選用咗牛肋條，炆到夠腍身，而且肉質夠香嫩，個湯底熬到好香濃，攪到我飲曬成碗湯。 🥢 溫泉蛋鹵肉飯 呢碗飯鋪滿曬鹵肉，而且鹵肉肥瘦適中，連埋啲鹵肉醬油汁，再加埋溫泉蛋，使到每一啖飯都有濃郁嘅香味，話咁快就消化咗成碗飯。 🥢 黑糖愛玉珍珠芋圓 呢碗芋圓好足料，愛玉又好Q彈爽滑，黑糖唔系太甜，份量足夠2人食用。 🥢 手打鳳梨檸檬茶 茶底夠香濃，配合埋鳳梨嘅香甜和檸檬嘅酸爽，令到整杯茶飲清新爽口，絕對啱曬夏天飲用。

半筋半肉，味道不錯，牛筋和牛肉相當鬆軟唔會好柴

荃灣廣場新開張 地道台式餐廳🧋🇹🇼，有多款食物選擇，蛋餅、臭臭鍋，好豐富。