寿し雲隠 Sushi Kumogaku – 壽司店

「Omakase 吃得多、DIY 就真係未試過」 , 從小到大只學到1+1等於2、 認識到你之後學到1+1等於10 、反客為主的自定肥勃Omakase 定理從此誕生 整個自訂菜單非常「鄧風」、 與其他坊間普遍的Omakase相比、望到車尾燈都當你贏、絕對（發發聲）、松葉蟹、越前香箱蟹、大間一應俱全、當中薑蔥炒白子，小弟初嘗、吃後回味時絕對是梁朝偉的「你是如此的難以忘記」 足球小將裏的戴志偉無論幾好波都需要一個泰萊陪伴、個人認知食壽司配香檳、白酒或清酒，能夠反轉顛覆地用上2011「菜刀」配上大間Toro, 意想不到的超級配搭，虧郵差先生「超眼光」👍，正所謂「兄弟同心、其利斷金」 這道配搭絕對是志偉泰萊的「雙人射球」

環境舒適，服務親切友善。 等齊人一齊食同一餐呢個安排係一個非常好的時間管理。可以make sure 師父專心做好每件壽司，客人又可以有足夠時間享用壽司。吾會食得太急或每件等太耐。 壽司飯酸度剛好可以帶出魚鮮味。軟硬適中有少少空氣感。 美中不足係生魚片份量比較單薄。如果比例上魚生片可以厚身返小小，以相同價位但少2件壽司維持收資平衡，或者適量再提高少少價格，我會覺得成件壽司體驗更完美。

由健師傅主理的omakase, 整體的調味好合我心水! 舍利粒粒分明軟糯, 入口可以清楚食到米粒的糯甜味, 雖然好多人話壽司醋偏酸, 但個人口味覺得可以正好平衡油脂豐富的魚類的油膩感。 整體食下來覺得選用的魚料鮮度/質感/壽司的舖排都十分完美, 唔會話=去到最後幾舊就無驚喜或者粒粒一樣味, 個人最愛係Uni同鮟鱇魚肝泡芙。前者超高甜度, 仿如口中吃了一口海中砂糖, 後者外殼酥脆中間, 鮟鱇魚肝細膩綿滑, 仿如慕絲一般, 是十分滿意的一頓!

【中環 │ Mori】 『揀Omakase dinner呢間絕對係我嘅首選，如果book 到嘅話』 ⁡ 又係拖左四個月嘅post，Mori呢間神店都唔需要多介紹，19年第一次造訪身體不適冇留低太深刻的印象，今次食晚飯終於領略到佢嘅魅力。我諗Mori San應該有種魔力，即使唔係熟客去到坐低都唔會覺得有壓力。當晚的菜式驚喜不斷，食完已經想book下次(但係2021已經full左啦) ⁡ 舍利同魚料的配搭比例恰好，舍利偏硬身，酸度中等。相比壽司我會覺得酒肴更加出色，傳統中融入創新元素，同其他主打創新的Omakase不同在於Mori的變化好貼合食材本身的特色，而非一味加入柚子/紫蘇花/烏魚子等等，甚至可以話Mori的創新不在於賣相花巧而係注重味道。 ———————————————————— 其實除左麻婆白子我覺得太膩之外，其他都好鍾意 ⁡ 剝皮魚✨ | 大尾魷 | 鹽醃針魚 | 春子鯛✨ 熒光魷魚，吉列筍，蠶豆醬木の芽 鳥貝✨ | 白蝦海膽 | 沙甸魚💯 魚翅蒸蛋 | 昆布蝦 | 池魚鯊魚軟骨大和芋 白飯魚 | 目光魚一夜干 | 金目鯛✨ 響螺 | 醋鯖棒💯 紫蘇葉太刀魚天婦羅 | 燒赤鯥 麻婆白子 青森縣大千白海膽 | 鮟鱇魚肝配米通 赤身✨ | 大拖羅 炭燒鰻魚 | 玉子 牛奶布甸✨| 蜜瓜 ———————————————————— ► Dinner - HKD2800 共25-26道 ♣ Mori ☌ 中環砵典乍街45號H Code低座8樓 ◔ 7pm-11pm ⁡ 回頭率：🌕🌕🌕🌕🌕 環境：🌕🌕🌕🌕🌗 份量: 🌕🌕🌕🌕🌗 味道：🌕🌕🌕🌕🌕 價錢：HKD2800p.p(no service charge)

🍣寿し雲隠 Sushi Kumogaku🍣 超人氣難約中環omakase! $800pp (+ 加咗 $180 鮟鱅魚肝泡芙) 作為全港其中一間最難預約嘅Omakase餐廳， 好朋友 @sushi1001_ book到午餐時間，當然要同佢黎試一試!佢既壽司飯偏酸,個人覺得可以中和唔同魚類既油膩感,睇吓你自己鐘唔鐘意就算唔係特別鍾意食omakase嘅人都可以嘗試吓!佢就係咁好食,唔怪得知咁難book到!🍙 ———————————————— 當中包括: ❆ 蒸蛋 ❆ 平鱸魚 ❆ 深海池魚 ❆ 白蝦 ❆ 針魚 ❆ 獅魚 ❆ 竹籤魚 ❆ 北寄貝 ❆ 帶子 ❆ 劍魚醬油漬 ❆ 北海道戶井的拖羅海鰻 ❆ 蔥吞拿魚蓉手卷 ❆ 玉子燒 ❆ 麵豉湯 ❆ 鮟鱅魚肝泡芙 ———————————————— 整體: ✦ 價格: 4.3/5 ✦ 味道: 4.6/5 ✦ 服務: 4.7/5 ✦ 環境: 4.5/5 ✦ 再訪指數: 4.6/5 寿し雲隱 @sushikumogaku 地址: 寿し雲隠 (中環) 中環砵典乍街45號The Steps ‧ H Code 8樓 營業時間: 星期一至二 12:00-14:00, 19:00-22:00 星期四至日 12:00-14:00, 19:00-22:00 在 Instagram 上關注我，了解更多美食評論/旅遊資訊！@sofoodiaries.hk