一幻拉麵 (荃灣店) – 拉麵店

特濃蝦汁叉燒拌麵 🦐 推介：粗麵(硬)、鹽(嚐到原味蝦湯) Eatigo 推廣不同時段優惠， 早上 11 點享有半價 ☘️

買一送一，好抵 豚骨蝦湯拉麵 幾易入口，食完又唔會口乾 不過又未必至於會再返轉頭食

喺北海道試過一環真係比足5*好評，值得排隊 。 第一次試香港嘅一幻拉麵，揀咗星期六lunch去荃灣嘅一幻，完全唔使排隊直入 。 是足佢嘅限定龍蝦湯，有兩隻蝦，湯底係OK嘅，自己再加多一隻糖心蛋，再跟埋餐 。 沙律嘅汁落得太多好鹹太重味，扣分 。 未食完個沙律已經上咗甜品，抹茶蕨餅⋯ 點解佢唔識得後上？ 手機落單有冇得揀後上 幸好自己揀咗硬啲嘅粗麵，食落先剛好 而default嘅幼麵淋咗啲，鹽味蝦湯亦相對遜色 ，味道還原度不足 。

一幻間唔中都有搞餃子放題，平時都好難搵到有人陪我去，因為大家都覺得「食得幾多隻啊」今日終於有朋友願意同我一齊去試 🍜每人必須點一碗拉麵先可以加到餃子放題。 頭兩round餃子上菜速度都還可以，但係到咗後來要點兩次先來一次，甚至乎唔催佢都唔俾我。不過其實都唔使急，因為食到第四第五碟，再加埋碗拉麵都已經好飽。 🥟餃子質素方面，做唔到脆皮效果。但係勝在肉汁夠多，咬落口十分Juicy 20幾蚊可以食到咁多隻餃子其實都抵嘅，大食嘅朋友都可以嚟挑戰吓食到幾多隻🫢🫢

午市其實幾抵食，話晒麵餐有齊野飲，小食，甜品。 本身湯底夠晒味，夠濃夠香，麵又掛汁，唔嗆喉。 餃子就一般啦，甜品幾好味。