心意之日本料理 – 日本餐廳

1 日式壽喜燒牛肉鍋 (配白飯) $62 凍檸茶 +$3 肥牛非常之多, 有7-8片, 絕對非常抵食, 賣相非常之麻麻, 果隻蛋同張相比覺得不知所謂, 蛋完全唔似樣, 蛋黃香冇乜, 唔係日本蛋 不過, 肥牛有幾點值得讚: 1. 肥瘦比例適中 (1:1), 唔會太多肥膏太膩, 亦都唔會瘦到完全冇油香味 2. 完全唔會overcook咗, 入口完全咬得開 3. 有肥牛應有嘅味道, 唔會太羶, 也有肉香味 配料: 娃娃菜、嫩豆腐、粉條、蘿蔔 最有誠意整嘅係蘿蔔, 蘿蔔有關東煮陣鰹魚湯味 唯獨是欠缺壽喜燒甜甜鹹鹹的味道, 娃娃菜都幾好食, 好新鮮又爽脆, 幾掛湯, 豆腐都唔錯, 真係幾滑, Good, 粉條可以換成更加吸湯嘅粉絲 飯未算最差嘅果種, 最少軟硬適中, 不過喺凍嘅 凍檸茶 +$3 用左鐵杯都幾有誠意, 能夠keep到野飲嘅凍, 不過我認為冰加得太多, 最少有1/3杯, 茶味都係冇乜, 不過尚可以接受 總括嚟講, 食物質素好高, 下次必去! Ps. 服務態度優秀 e.g. 個客覺得熱會攞Menu撥扇 全部食物即叫即製, 以今次為例, Main Dish 要等10分鐘, 繁忙時間或者趕時間就要留意 2 日式慢煮雞豬骨湯烏冬 $56 凍奶茶 $3 我認為佢嘅慢煮雞胸真係冇乜味, 小小嘅天然香料for example 黑椒香草香蒜都冇比到, 所以味道就相對比較單一, 不過值得稱讚嘅地方喺, 佢嘅豬骨湯唔喺味精湯底, 喺新鮮自己製作, 味道有濃郁嘅豬骨香味, 湯底唔會有太多雜質, 最重要就係唔會好咸, 不過我就覺得因為佢個味道冇乜層次感咁所以我就在眾目睽睽下加左少少凍奶茶落去嗰湯底度, 其實個味道都真心唔錯, 有左奶茶加持底下, 味道就會有少少甜, smooth咗 烏冬嘅質地正常, 溏心蛋嘅味道 OK, 入味 不過我都係覺得雞胸有少少失色, 有四粒星唔錯 佢嘅凍奶茶我都覺得非常唔錯, 首先佢嘅口感好smooth, 唔會好rough texture, 重點唔會好甜 3 照燒雞扒鮮茄湯烏冬 $56 凍齋啡 $3 照燒雞扒嘅味道做得唔錯, 雞皮幾香下, 照燒醬味道好夾, 有一兩件雞扒比較粗鞋, 好似係有雞味, 大大塊都幾過癮, 夠曬中意食肉嘅我 鮮茄湯出奇嘅地方就係上面嘅蕃茄喺生嘅, 純天然無添加茄膏, 所以味道唔會太撻口, 味道做得比較平衡, 唔會太傾向酸玩傾向甜, Awesome! 佢嘅咖啡喺深焙咖啡, 味道雖然非常之苦, 但係會有香味同層次感, 起碼佢唔會酸到過哂龍 裝修冇太大變化, 因為有部份餐廳可能重新裝修連menu都改埋, 果然係老字號, 有日本風味, 深得街坊喜愛, 整體值得五粒星!

好耐冇食過日式餐廳，朋友推薦呢個海壩街抵食日式小店，呢到出名唔收加一，份量多～ 芝味咖喱雞石頭飯💰HK$56 面頭有好多蟹籽，炸雞份量多，配上日式咖哩汁、芝士同埋蛋炒飯，撈勻哂之後仲有拉絲嘅效果，相當吸引🤤個人認為汁撈飯比起啲炸雞更出色～ 日式牛肉壽喜鍋配白飯💰HK$62 壽喜燒鍋材料嘅份量好多，入面有白蘿蔔、獅子狗、牛肉、生雞蛋之外仲有埋粉絲！個湯底係壽喜燒果種一貫嘅清甜，令人好開胃！

午飯時間可以去食，又平又抵食，質素仲要唔差。叫左個咖喱雞球蟹籽石鍋芝士飯，熱辣辣出曬煙，咖哩汁好香濃，蟹籽芝士🧀互相配合拉曬絲，份量夠曬飽，之後加杯熱奶茶完滿結束。算多人幫襯，包括學生哥打工仔，$50幾蚊既日式午餐，環境舒適。

性價比極高！！！！ 冇雷 夜晚都好爆 似街坊生意

刺身新鮮，午餐價錢合理，出餐很快，食物味道可口，唯一美中不足是座位比較狹窄。