三代目 (荃灣) – 日本餐廳

好好味啊 拉面🍜湯好濃但唔會油 面質煙韌唔軟唔硬啱啱好 鰻魚飯入口就化好正 但汁偏甜 串燒都好正🐣 係個啤酒明明叫sunset 但出黎完全冇分層👎🏻

想食日本野行過見到餐牌同價錢都幾吸引。 味噌甲羅燒好食，有好厚重嘅蟹羔鮮味。 彩虹凱撒沙律同燒油甘魚鮫都好新鮮，沙律料好多，有溫泉蛋、紅黃椒、新鮮粟米同沙律菜。油甘魚肉又香又滑，大件嘅，算抵食。 火焰雞偏向川味，仲有個新出炙牛拉麵都好食。 整體黎講樣樣都好味同幾抵食，店員都好有禮貌，會再幫襯。

好耐未去過愉景新城，朋友約咗過嚟呢邊食飯。食咗呢間三代目，之後都覺得唔錯可以評一評佢。 前菜叫咗個鹽麴枝豆（$32），呢個枝豆都幾特別，出邊啲枝豆通常都係加鹽就算。今次呢一個係加埋鹽麴，鹽麴係一個幾有益嘅食物，同時間佢令到個枝豆既風味都變得比較豐富。再配埋啤酒非常正👍 味噌甲羅燒（$98），個甲羅燒係配埋白飯同埋紫菜可以一齊食。蟹蓋內放了蟹膏及蟹肉。滿滿的蟹膏，加埋白飯同紫菜食好快就清晒啲白飯 和風炸雞（$68 ），一客入面有四球，但係份量都唔少。而且餐廳係即叫即炸，所以食個時要小心，但係啲肉汁就掃晒落去個炸雞球入邊，咬完就爆曬出嚟！即炸嘅炸雞真係非常出色嘅！ 最後叫咗兩個都有海膽嘅一口手卷，我自己叫啲個個就係純海膽，朋友嗰個就有個天婦羅加埋海膽。我嗰個海膽就多啲，海膽新鮮好味，我仲試埋個朋友嘅天婦羅，炸得都幾好食，配埋天婦羅都好夾。

✨牛之拼盤 拼盤包括牛舌、一口牛、牛肉蘆筍 非常推薦佢既牛舌，厚薄適中，而且爽口👍🏻 一口牛好嫩滑好香口，牛肉蘆筍配搭好夾，蘆筍爽脆。 ✨大蜆味噌煮 呢個大蜆會連埋火爐，令大蜆同味噌湯一直都保持熱辣辣既狀態。大蜆好肥美，粒粒都漲卜卜，包住味噌湯既湯汁好好食。 ✨燒喜之次 開邊鹽燒魚好香口，魚肉嫩滑，配搭醬汁味道更佳，但小心會有魚骨。 ✨辛燒豚梅肉拉麵 我比佢既湯底吸引左，唔算好辣且惹味，我最鐘意就係佢既豚梅肉，佢既肥肉係好好食，豚梅肉好淋，加埋啲湯簡直不得了！ ✨三盛燒肉丼 呢個丼飯相當豐富，三盛包括牛舌、煙熏雞，五花肉。牛舌與串燒係一樣厚薄適中爽口，煙熏雞嫩滑入味，五花肉更係出色，油香加肥肉令人更加垂涎三尺。

樣樣都好食的日本菜 愉景新城真係一個好大的商場，還好這家日本料理是面向大街的正門，紅黑為主色的日式型格裝修相當搶眼，從對面巴士站的天橋一眼就看見，不怕迷路。 🍻先來兩杯啤酒降溫，這款Suntory金啤有第二杯半價優惠，抵飲。 🦪飲啤酒當然要有下酒的小食，醉漬鮮鮑用花雕酒浸過，酒香帶出鮑魚的鮮味，煮得剛好有嚼勁而不靱，肥美肉厚切成四件夠兩個人食。 🍣一口壽司對我來說是兩口壽司，因為實在要兩口才吃得完，上面的海膽也份量不少，入口即化的海洋滋味充滿整個口腔，是幸福的味道。 老公的海老．蝦，是多一隻炸蝦所以海膽就不免少一些，味道沒那麼明顯但就令炸蝦就比平日更鮮甜。 🐮慢煮醬汁燒牛舌丼的牛舌圍着整個碗邊，只留下中間一個小洞給温泉蛋，偏偏温泉蛋卻滾到一邊去牛舌非常厚切但非常軟淋還非常入味，面層輕輕地燒過肉香更突出，再扒一口撈了溫泉蛋又軟又滑的熱飯，好滿足 🍤海之天婦羅幾乎集齊所有種類的海鮮，有蝦/ 黑松露帶子/ 鯛魚/墨魚和紫蘇葉，都炸得外脆內juicy。 其中最欣賞黑松露帶子，這兩樣食材一個香氣濃郁，一個鮮甜嫩滑，已經是天作之合，再做成天婦羅，鬆脆的炸衣加多一重口感，裏面的帶子剛熟保留到肉汁，每人吃半顆真的不夠，應該要獨立叫一盤 🍢但串燒總是無法抗拒 燒牛肉露荀把牛肉烤得脆脆的包裹着露荀，露荀吸收了牛肉的精華，又香又爽口。 燒雞肉京葱火候剛好，雞肉有肉汁京蔥夠香甜，提升了雞肉的味道。 一個晚餐有齊前菜小食/壽司/丼飯/天婦羅/串燒，每一樣都有水準，真是好適合心多樣樣都想試的朋友（即係我）呢