鮨 無双 – 日本餐廳

第一次係元朗食omakase，好味！ 師傅好用心介紹食材，長知識，輕鬆愉快用餐。有機會再帶家人再食。

難得入元朗，即刻book個omakase一解鄉愁。和食係銀雪魚西京燒，食得太快唔記得影。同朋友兩個人食12:00，掛住傾偈食得比較慢，食完雪糕13:45左右職員提示有下一枱客，一出門口見好多人等緊，證明真係冇揀錯。

🐻爸🐻媽結婚週年紀念，自然要揾間Omakase食餐好慶祝下，鮨無双自然係必然之選，食過幾次都有驚喜，🐻媽早早訂位準備好，時間到就衝入去。 估唔到午市都全院滿座，決定好邊個套餐，就靜靜睇大將表演刀功，前菜胡麻冷豆腐同黑松露松葉蟹蒸蛋就前後腳到場，冷豆腐既冰冷感剛好消一消暑，而蒸蛋濃烈松露香，配蟹絲同嫩滑蒸蛋，為之後既大餐打開味蕾。 首先係刺身四款，有愛媛縣蜜柑鯛配岩鹽，入口一股清新鮮甜味道，鹽輕輕調味，剛剛好，令人回味十足。兵庫縣生蠔加上柚子醋，生蠔個頭小小但肥美多汁，口中感受到海水既咸同柚子醋既酸。仲有深海池魚配柚子胡椒，第一塊入口魚油滿滿，胡椒剛好解膩而不辣，第二塊配上紫蘇葉食更添層次，重點係厚切令層次可以添變化。最後係磯煮鮑魚，質地軟糯，鮑魚肝甘甜可口，真係食完都唔夠喉。 刺身過後就係壽司環節，首發係鱆紅魚壽司，大師熟成2日，口感清爽，肉味比平時更濃。沖繩黑糖伊佐目，以黑糖餵飼既伊佐目經過火炙，油感好重，魚味十足。 中拖羅壽司配上日本京葱，肥美肉香，入口半溶不溶之間，拖羅鮮美在口中徘徊。九州槍烏賊加上北海道海膽，烏賊改刀火炙後加上海膽，合爽甜香幾個層次，足見大將既功力。 美味既壽司接踵而來，令人停唔到口，再上一道白銀雪魚壽司以明太子調味，火炙後油份爆燈，直情係滑入喉嚨，口中留下濃烈既魚油同鮮味。 過場大將推出一道拖羅根配酸汁，一種平時食唔到既煮法，合脆與淋一身，越嚼越濃烈，相當好下酒。最後一道壽司係大將信心之作甜蝦壽司，甜蝦個頭大大隻，比一般甜蝦大好多，以蝦頭蝦殼煮汁淋上去，係用蝦完成既一貫壽司，入口就係蝦既全部。 結尾係北海道海膽魚子飯，海膽同魚子份量十足，配上醋飯既微酸，🐻媽個份大將造成手卷蛋糕慶祝我哋週年紀念，真係細心同窩心。成餐飯大將依然全場停不了口，一邊介紹壽司，一邊同成場客人深度交談，氣氛因大將拉高到極致，真係留連忘返令人，鮨無双的確係🐻最愛既鮨店。 鮨 無双 Sushi Musou 元朗建德街33-35號時景花園地下9號

✨經朋友介紹先知元朗有間cp值高既Omakase雖然位置有啲入，不過都值得去食，dinner course 共23品都係每人$1380🤩依間確實比出面既餐廳平，但食物同服務質素令我會想再次光臨💚btw個師傅叫Jacky👨🏻‍🍳佢好好傾同埋個風格比較有層次感，所有食物已調味，豉油可攞開一邊，I like it☺️ 🥚 食碗蒸蛋個陣真係要小心熱🤣因為會辣親個嘴架，味道好入味，口感都好順 🦀 師傅話先食個蟹肉，食左個鮮味，再將蔥同其他蟹肉同飯一齊食，層次再出好多🫶🏻 🍣 樣樣都好鮮，有啲魚既品種我唔記得見咩名吞拿魚、右口魚、馬糞海膽都入口即溶🤤魚既油脂係個口入面浪下浪下，諗起都流口水🤤 🥳 當然唔少得個甜品開心果雪糕入面有微細既nuts，有啲口感，不過開心果再濃啲就完美🤩有自家制好似蛋糕既玉子，不過我本人麻麻地玉子靜岡哈密瓜🍈好甜🫶🏻 🥃 師傅比左細細杯自家制梅酒我地試🥹好好飲，酒味較突出，飲落口好順，仲要賣晒就無可惜我地叫左比較甜既普通梅酒🥹 💚 我另一半就未試過我媽家姐，咁生日就同佢黎試十分推薦情侶生日/週年book位食🫶🏻

好少入元朗，不過屯馬綫開通咗，一于趁未開工入去探下朋友。朋友book咗呢一間壽司店，位置一啲都唔起眼，旁邊係冰室同埋汽車零件舖，入到去店舖只見到十零個位圍住壽司吧枱，不過就有三位廚師服務大家，佢哋用當日最新鮮嘅食材炮製呢個Omakase（我媽加些) , 坐喺個壽司吧前面睇住師傅一粒一粒咁造出嚟嘅壽司，真係未食就已經眼睛先享受，食材新鮮手工一流，我食完都豎起兩個大拇指👍🏻下次一定會再返嚟幫襯。ps. 最後上个嗰魚生飯唔單止賣相靚，啲魚油仲香到不得了，啲魚子一粒粒咁係個口入邊爆漿，實在太好味啦！