野川拉麵之深燒食堂 – 日本餐廳

有好朋友特登黎元朗搵我食飯，緊係要帶佢去食好野啦，咁岩佢同我都鍾意食日式，就去左呢間野川拉麵の深燒食堂，我覺得性價比好高既餐廳👍 餐廳環境方面，有分室內同室外坐，如果夜晚涼涼地，坐係出面飲返杯啤酒，都真係好舒服架，餐廳入面仲有大大個MON, 有歌聽，有MV睇。 我們兩個點左好多款菜色，從拉麵到串燒再到小食。 🔶汁燒極上和牛拉麵: 揀左地獄湯底，好濃郁又夠辣，岩哂鍾意食辣既我地，拉麵都幾彈牙，重點係嗰啲和牛肉，味道超香! 🔶三文魚腩刺身: 係我每次去都必叫，新鮮肥美，又厚切，性價比相當高。仲叫左幾款壽司，最推薦係軟殼蟹手卷!! 🔶串燒: 炭燒豬頸肉串同厚燒牛舌都好正，但最正既係燒黑豚肉五花腩，燒得啱啱好，外脆內嫩，帶住炭香味，會停唔到口 🔶炸雞: 仲有叫左炸雞，外皮酥脆，仲要勁大份呀，岩哂一班人一齊食，同啤酒絕配🍻 🔶飲品：我地叫左ALE PREMIUM啤酒同芒果沙冰蘋果酒，飲落好清爽，啱啱好解膩。 餐廳仲放左個好大個IRON MAN, 打卡一流呀。 如果你係一個宵夜控，又係元朗，這家餐廳營業到凌晨兩點，就岩哂夜貓子既你地啦。

呢排工作好辛苦，咁啱朋友都忙完就約左一齊食餐好嘅獎勵下，元朗朋友大推呢間。入到餐廳已經有唔少食客好旺場好有氣氛，位置都好闊落舒服。呢度嗌啤酒仲有一款串燒跟，有驚喜！ 椒鹽雞軟骨，熱辣辣新鮮又脆口，份量都好多，lock lock聲好過癮！牛油蒜蓉焗蜆，幾乎見到每枱食客都有叫，好香濃嘅牛油味，唔會太咸，蜆肉大大隻又飽滿又彈牙，正！香蒜大茄燒，呢個都係不得了，茄子被燒過嘅蒜頭烤到好惹味，一絲一絲咁拉出嚟食配埋啤酒，真係好夾！ 烤大頭蝦肉質爽彈，蝦頭啖啖蝦膏，外層有薄鹽係面，好有日本居酒屋feel！至於烤鮮活鮑魚都好正，大大隻鮑魚，厚身得嚟唔會韌，推薦！燒火雞腎串，平時雞腎好易食到好鞋口或者好韌，但呢個唔會，值得一試。厚燒牛舌串，牛舌嘅厚度真心有份量！厚厚嘅牛舌咬落啖啖都好juicy！ 燒扇貝，巨巨的扇貝，食得好滿足，仲要有大舊膏，爽！脆脆鰻魚串都係推薦之一，魚皮表面好脆身香口，魚肉保持到軟身，非常好！香草內蒙羊仔架，羊仔架唔會騷，肉質剛好唔會鞋口，配埋香草very good！ 燒三文魚水潑，愛食魚之人就會明白水潑嘅吸引之處。烤過嘅魚肉好香口，魚油迫曬出嚟，又係送酒一流！燒千層大蔥串，份量滿滿誠意十足，外層金黃內層keep到水份。燒油甘魚頭，不得了之選，魚鮫位燒到好香脆食埋都得，臉豬登肉好嫩滑，魚頭夠大肉都好多，食得好爽！ A4日本和牛，大大塊和牛成件上切埋，好豪爽！肉味好香濃，一路咀嚼一路細味到濃濃嘅牛味！ 總結：環境寬敞有feel，食物同酒水都選擇豐富好吸引，朋友飲酒高談闊論好地方！

餐廳裝修都好特別，有好大隻Ironman!而且坐得好舒服，可以慢慢傾下計！ 鮮帶子刺身+三文魚腩刺身 帶子同三文魚腩刺身都幾新鮮，帶子光澤亮麗，肉質緊實，入口嫩滑。三文魚腩的脂肪分佈均勻，入口即溶！ 厚燒牛舌 牛舌經過燒烤，外表金黃微焦，肉質鮮嫩多汁! A4日本和牛 日本A4和牛燒得好好食，肉質鮮嫩多汁，油花分布均勻，入口即化！ 牛肉壽喜燒 牛肉壽喜燒搭配新鮮的蔬菜，如娃娃菜、冬菇等，再鋪上牛肉在熱鍋中煮熟，首先份量好多，而且每一片牛肉、蔬菜都煮到好入味，牛肉口感滑嫩！ 燒汁和牛讚岐手打烏冬(芝士辣湯底) 芝士辣湯底好特別，濃郁的芝士與微辣的湯底相互交融，令湯底嘅層次更加豐富，既有芝士嘅香味又唔會好辣！讚岐烏冬依然係口感韌性十足，好食。 牛油蒜蓉焗蜆 蜆肉鮮味多汁，再配濃郁嘅牛油和蒜蓉香味，味道更加豐富！ 🌞日本信州蘋果梳打🌞 🌞可可脆片阿華田芝士奶蓋🌞 兩杯飲品都唔錯，而且賣相好好，打卡真係一流！

我最喜歡的爐煓燒，燒物大份出色，有燒鮑魚很彈牙，那個油甘魚頭超大肉質甜美，甲羅燒配鱈魚乾大量蟹膏，把它放在鱈魚干上口感豐富。 我們還吃sashimi 都好新鮮，刺身都只是二百多蚊。其他有雞和冷凍手打烏冬等；滿意這次晚飯🫶

野川拉麵の深燒食堂是一間日式料理店，裝修擺設像日本居酒屋，設室內外座位。食物高質款式多，不同時段有不同優惠。 三文魚腩和三文魚刺身：三文魚新鮮肥美，特別係三文魚腩，油脂豐盈，入口甘甜美味，厚切令口感提升。 活赤貝口感爽脆，味道鮮甜，帶有獨特的濃厚海洋氣息。 即開生蠔2隻：即開即食的鮮味生蠔極富濃郁海洋氣息，蠔肉爽脆鮮甜。 鮮帶子壽司：帶子肉質豐滿 ，口感豐腴。 自家製芝麻雞翼：雞翼肉質鮮嫩多汁,搭配香脆可口的芝麻粒,口感層次豐富。 即炸香辣蝦片香脆可口，加上少許孜然粉，味道更佳，送啤酒一流！ 香草內蒙羊仔架：羊架燒至金黃色，熟度啱啱好，肉質非常鮮嫩，羊味香濃冇臊味。 香蒜大茄燒：蒜蓉入味，茄子軟滑。 自家製叉燒拉麵：叉燒肉質軟嫩，豬骨湯底味道香甜而不膩，麵質彈牙，搭配粟米、京蔥、木耳、糖心蛋、紫菜、筍好豐富。 吉列豚肉拉麵：豬扒炸到金黃色啱啱好 ，外脆肉嫩，由豬骨熬製的湯底味道清甜鮮香，配搭彈牙嘅麵條和配料，味道和口感層次都好豐富。 多款生啤做特價，大大杯好抵飲。 Hoegaarden生啤：獨特的果香、雲霧狀酒體及綿密泡沫成為Hoegaarden的標記。 芝士奶蓋紅豆冰：香甜的紅豆加上奶蓋，䶢味適中，味道層次豐富。