為食龍 – 日本餐廳

為食龍恐龍主題餐廳🦖🦖 腐皮壽司試左明太子芝士蛋黃三文魚、柚子左口魚、牛油蒜香赤蝦、辣味三文魚，全部都好足料，魚生料舖滿左面頭，每件壽司都大大件，都幾飽肚🫢🫢蒜香醬油炸雞好滑🥹🥹 皮又夠脆！個醬汁濃度岩岩好，好惹味！豐之秋柚子酒酒精濃度8%，柚子味幾出，甜甜地易入口👍🏻👍🏻

為食龍 (中環) 中環些利街2-4號LL Tower地舖及1樓 炙燒檸汁帶子 $36 帶子好鮮味、幾大粒，有粒細檸檬係plating上面，感覺refreshing呀 柚子左口魚 $33 左口魚表面有炙燒過，加上柚子既點點酸，更襯托出魚油香味 柚子胡椒油甘魚蓉 $29 同柚子左口魚一樣，柚子本身既酸都可以帶出魚蓉既鮮味，幾鐘意餐廳呢一種cross over既做法 蔥吞拿魚拖羅蓉 $34 吞拿魚蓉重蔥味，夾埋食唔算重口得黎，蔥都解左拖羅既膩，互相配合。 炙燒北寄貝沙律 $29 北寄貝重量十足，烹調用左炙燒方法，加上沙律菜 西檸蜜糖單骨雞翼 $79 單骨雞翼幾方便進食，本身雞翼有啲啲辣，不過都適合完全唔食得辣嘅人，因為配合蜜糖source都食到嘅 黃金吉列蠔 $69 蠔炸得好有技巧，好好食脆卜卜，餐廳好細心，附上特製沙律醬，食起上黎好滋味 奶蓋白玉烏龍 $62 估唔到日本餐廳飲到白玉烏龍咁出奇地好飲呀，igable 得黎好有份量，奶蓋好厚，飲到最後都仲有 棉花糖熱朱古力 $54 大大粒棉花糖，落入熱朱古力，暖笠笠啱晒天氣轉暖，同埋成日手腳冰冷嘅朋友仔飲呀🤤🤤

🦐揚富山唐揚白蝦 可以連蝦殼都可以食得嘅炸蝦🦐 懶人恩物🥺 原本好怕剝蝦殻。但系你都會食到有蝦肉的味道～ 送酒一流 於是我另外叫咗🍻Asahi Super Dry。麥味香～ 好飲 🧀🦀芝士蟹籽厚燒玉子 腐皮壽司有少少甜味，感覺清新啲，配搭濃味的芝士醬都幾好。玉子都幾厚身。 🍣夏威夷肥仔 顧名思義，都喺邪惡但好味的嘢——芝士醬鰻魚卷物～ 芝士味濃烈、有啤酒送都無太問題 餐廳好多恐龍🦖 和行森林木系的風格～坐得舒服，適合同朋友慢慢傾偈 地址：中環些利街2-4號

中環有好多日式居酒屋，呢一間出名手握壽司，熟悉呢款腐皮壽司，非常之創新地用一層腐皮去包住手握壽司，食落個味道好創新好好。另外我哋仲嗌咗其他款式嘅壽司，有：炙燒洋蔥忌廉帶子、炙燒蟹膏厚燒玉子、炙燒北寄貝沙律、明太子芝士蛋黃三文魚。我自己最鍾意明太子嗰款，明太子醬食得出個層次，再加埋芝士蛋黃醬，令到成個三文魚有一番風味。 最值得睇嘅一定係呢款蜜糖芥末炸雞，聽講平時Weekday仲會有加一蚊送一兜嘅優惠添。 免治軟骨雞肉棒伴日本生雞蛋，都係居酒屋必備，雞肉棒裏面仲有一啲雞軟骨，令到食物嘅口感層次豐富。 最後食居酒屋點可以少得酒精呢？柚子酒甜甜地，唔會太濃。

Ig: gan_ngo_wan_sik 🍊 中環SOHO區高質腐皮壽司🍊 今日同朋友放工去咗中環SOHO區嘅為食龍，出面有個好靚嘅霓虹燈招牌，入到餐廳之後就俾佢嘅日式街頭風裝修吸引住，攞咗位之後要上兩層樓梯先到座位，背景播放住好多熱門嘅日文歌，成個vibe好熱血好正。 我哋嗌咗10件特式腐皮壽司、豐之秋柚子酒同佢哋自家製嘅抹茶Tiramisu。蟹膏甜蝦腐皮壽司嘅蟹膏超級濃郁，甜蝦好鮮甜。黑松露帶子腐皮壽司上面嘅帶子好新鮮，頂層嘅黑松露點綴咗帶子嘅鮮甜。炙燒洋蔥忌廉帶子腐皮壽司嘅帶子同燒過嘅洋蔥忌廉好夾。辣味三文魚腐皮壽司嘅三文魚粒粒好多，亦都唔算太辣。明太子芝士蛋黃三文魚腐皮壽司嘅三文魚撈埋濃濃嘅明太子、芝士同蛋黃一齊食好正。柚子左口魚腐皮壽司嘅左口魚經過炙燒之後嘅魚油好香，配埋柚子汁一齊食中和咗個油膩。蔥吞拿魚拖羅蓉腐皮壽司嘅吞拿魚同拖羅蓉正常發揮。蟹膏厚燒玉子腐皮壽司嘅燒玉子好甜，配埋蟹膏一齊食口感有幾個層次。而我最鍾意食嘅就係牛油蒜香赤蝦腐皮壽司，牛油蒜香嘅醬配埋新鮮爽口嘅赤海蝦真係齒頰留香。呢間餐廳嘅腐皮壽司係會令人想一食再食！ 呢間餐廳仲有提供酒類服務，可以嗌唔同嘅日本手工啤酒、清酒、會酒同柚子酒。最後我哋嗌咗個餐廳自家製嘅抹茶Tiramisu，口感同傳統嘅Tiramisu完全唔同，內餡主要係慕絲同海綿蛋糕，不過濃濃嘅抹茶粉同抹茶味慕絲對綠茶控嚟講總算過咗口癮！ 📍中環蘇豪些利街2-4號LL Tower地舖及1樓 位置就腳：🍊🍊🍊🍊🍊 餐廳環境：🍊🍊🍊🍊🍊 食物味道：🍊🍊🍊🍊🍊 整體CP值：🍊🍊🍊🍊🍊