木子居酒屋 – 日本餐廳

見學霸表妹考完DSE，咁值得慶祝，任性的我緊係要請返半日假同表妹去食下好西去下玩啦~ 今日就黎左大圍好有feel既木子居酒屋食魚生飯🐟木子居酒屋有好多款lunch set~ 我地每人叫左一份魚生飯set~ 好滿足 💠甘海老丼 $128 鮮甜甘海老刺身鋪滿丼飯蝦肉晶瑩剔透，黏糯得嚟帶爽脆 醋飯味道好特別，同刺身好夾，好提鮮‼ 💠角切魚生丼 $118 每日精選時令魚生角切！三文魚油潤、鯛魚鮮甜、八爪魚爽彈，仲有爆汁三文魚籽🎏 切成立方體，口感比普通刺身丼更豐富 ✨每個set都會跟蒸蛋，前菜同麵豉湯☺今日既前菜係醬油青瓜🥒 麵豉湯鹹香中帶鮮甜，前菜嘅醬油青瓜醃得爽脆解膩🥒蒸蛋都超級鮮甜同好滑啊‼

大圍難得有質素嘅居酒屋 北海道海鮮丼 $168 有赤蝦，蟹籽，三文魚，油甘魚，拖羅，帶子，海膽等等，拖羅超肥美，赤蝦大隻又鮮甜，所有刺身都好新鮮；丼飯係赤酢飯，有誠意 海鹽火炙左口魚邊丼 $118 火炙嘅左口魚超級肥美，好滑，加咗微微海鹽，更加帶出魚嘅鮮味，都係配赤酢飯 餐廳地點都方便，大圍地鐵行5分鐘就到。裝修好日本居酒屋，地方闊落，好有空間感，坐得舒服嘅。 食材新鮮，出品有誠意，午餐超抵食，下次試晚餐👍🏻

朋友極力推介這裡的牛舌芯決定一試，味道真的令我大開眼界，乃是木子名物，還有其他刺身都非常新鮮，難怪訂了位還要等一會才能進去（可能是假日關係）食物價錢也合理，我想這裡將會成為我的飯堂了

看完電影與朋友一起午餐，預早網上搵到呢間餐廳，評語唔錯，所以就book呢間餐廳，食物環境超正，在大圍火車站行過嚟大約6分鐘，很方便。

一星都嫌多 相信受到MM嘅加持所以近日去都要book枱，座無虛席，睇完MM以為好好食，點知係又貴又唔好食。 叫左唔少野食架，有炸牛蒡，炸魷魚，牛蒡都叫ok，但個炸魷魚係好普通，無咩味，仲要唔係熱辣辣，份量又少。 另外叫左刺身併盤5盛，整體係唔差嘅，但都係定價過高，要成380蚊，但件數又唔多。 最得意係天婦羅d炸蝦係無味，同埋叫個火炙三文魚海膽卷，三文魚無三文魚味，海膽係暗啞色，食落口完全食唔到三文魚味，成158蚊，cp值低 另外好期待佢地嘅牛舌簡直係普通，上枱時已經暖，唔係熱，又唔係厚切，唔夠Juicy，一d唔覺佢有咩特別。 叫串燒連基本配檸檬都無，仲要成32蚊一串，又係唔熱。 可惜唔記得影個免治雞肉棒，佢燒到外脆內嫩，外脆係燒到燶左黑色嘅脆，仲有苦味～ 仲有d店員似唔太想serve 你，未食完就收，仲有一開頭已經講左book左枱，店員叫我出去等，之後同一個店員又再問我係未等位，簡直係無言。 總之，唔會有下次，希望大家唔係比MM伏親。