Bushra – 中東餐廳

午巿客人唔多環境舒適服務亦好，食咗頭盤個鷹嘴豆蓉加pita bread都真係飽咗三成，主菜揀咗Lamb Shawarma結果食咗半件其他要打包走。試咗同事一件燉牛肉，肉味濃又唔會燉到爛晒。

預約左食晚飯，食物味道還好。貴唔緊要，但份量非常細份 人均四百幾都食唔飽。餐廳有樓上同地下，不過只開放地下，原本有啲期待早預約可以係樓上食晚飯睇風景。地下好細都有成5、6個待應喺到，但大部分淨係喺到傾偈，成日叫極都冇人應，同埋連續兩次上錯菜，我差啲以為喺咪想亂上枱屈人要d餐點好彩唔係... 唔明點解咁多好評🤣感覺被呃。 Um .... 我應該唔會再去,唔太值 。

尖東海旁摩納哥菜，上層鋪位裝修有摩納哥風情，下層周未會有肚皮舞表演，可訂位時指定位置。 - Fattoush 黎巴嫩蔬菜沙律 沙律配料有蕃茄，青瓜，羅馬生菜口感豐富，調味以惹味富有中東風味的Za’atar中東香料及漆樹粉為主調，味道精緻而豐富。 - Beetroot Labneh 甜菜濃縮酸奶 以cream cheese 為基底加入紅菜頭，大蒜及橄欖油添合而成，口感柔軟細滑，味道充滿紅菜頭香甜及芝士奶香，可配微微煙韌的皮塔餅一起食用。 - Garlic Butter Prawns 蒜香黃油大蝦 大蝦以雜錦香料，大蒜，牛油及檸檬汁炒香，大蝦鮮味欠奉，但充滿香料及牛油香氣，非常香濃惹味。 - Meshwi Platter 烤串拼盤 串燒有一串牛肉一串免治羊肉兩串雞肉，牛肉燒得比較熟，口感較硬，雞肉都係較乾，最好食係免治羊肉串，香料味十足，惹味又充滿肉汁，羊肉突出，建議只叫羊就夠。 - Greek Style Lamb Shank 希腊風味羊腿 羊腿連骨上超大隻，肉質超柔軟離晒骨，蕃茄同香料味入晒味，羊奶芝士將羊肉味帶出香味超濃郁。底下的意大利米粒麵吸晒所有羊肉同醬汁精華，好味到停唔到口。 - Moroccan Style Chicken Couscous 摩納哥式雞肉配粗麥 雞肉焦香，配上香料焗得乾身又入味。底下粗麥有口感亦吸收全部雞汁香料精華，完全無浪費。 - French Seabass 法式鱸魚 鱸魚鹽燒再配上微辣蕃茄醬汁，魚肉質感細緻，熟度剛好，醬汁惹味濃郁。 - Moroccan Vegetarian Tajine 摩納哥塔吉炖菜 摩納哥香料微辣香味十足，配以辣蕃茄醬炖雜菜，蔬菜吸收蕃茄甜味同香料辣味，食菜健康得黎又可以好惹味。 - Truffle French Fries 松露薯條 薯條粗身原個薯仔切條，炸得香脆。松露醬份量足夠每條薯條都沾滿松露香。 - Galaktoboureko 經典希腊甜點 希臘傳統甜品，糕品充滿牛油奶香及麵粉香氣，口感綿密細嫩。可惜表面filo酥皮焗得唔夠上色唔夠脆，口感欠缺層次。表面再撒上開心果碎及檸檬糖漿，味道甜而不膩，味道簡單。 - Baklava 蜜糖果仁千層酥 土耳其點心，千層酥非常酥脆，底層堅果混合糖漿充滿果仁香氣，亦有微微肉桂香氣，味道非常古老經典。

黃油雞好食，掛住食無影到相 其他中規中矩，仲有肚皮舞睇

食物味道幾好，但價格略貴。 店內裝後陳設及環境不錯，有室外坐位，面對海旁。光顧此店春秋季 可能比較佳，因為夏天比較熱。 此店沒有免費水提供，必須比錢買樽裝水或其他飲品。