小米日前正式推出新一代嘅 Redmi Note 15 系列，新機出舊機減價係常戠，對於追求性價比嘅用戶，自然會覺得舊代機更吸引。近日就有網店減價達九百蚊，有興趣就睇下文啦！
講緊減價嘅係 Redmi Note 14 Pro+，256GB 藍色版本由原價 $2,799 減價到 $1,899，減幅九百蚊，兩千唔使可以玩到硬淨機、2 億像素相機，性價比相當高。至於 512GB 版亦由 $2,999 減到 $2,099，同樣係減九百，不過得就返黑色。另外喺 csl 網店都有 512GB 減價到 $2,099，而且有送 3 個月碎屏保，爆芒、壞芒都包換。
Redmi Note 14 Pro+ 機身支援 IP68 防塵防水，內部採用緩衝泡棉與加固結構，正面覆蓋 Gorilla Glass Victus 2 玻璃，大幅提升抗摔耐刮能力。核心效能搭載高通 Snapdragon 7s Gen 3 處理器，配備最高 12GB + 512GB 儲存空間。螢幕採用 6.67 吋 1.5K CrystalRes AMOLED 曲面面板，具備 120Hz 更新率與 3000 nits 峰值亮度。續航方面內建 5110 mAh 電池，支援 120W 快充。
影像系統搭載 2 億像素 OIS 主鏡頭，並支援 eSIM 雙卡待機。軟件方面整合多項 AI 應用，包括 Google 畫圈搜尋、同聲傳譯及 AI 魔法消除等功能，提供全方位的使用體驗。